بسم الله الرحمن الرحيم
السلام عليكم ورحمة الله وبركاته
هو يا جماعة مش المفروض يكون في موديلات 2010 بادج campro
مش موجود عندي والعربية اتوماتيك ؟
عرض للطباعة
بسم الله الرحمن الرحيم
السلام عليكم ورحمة الله وبركاته
هو يا جماعة مش المفروض يكون في موديلات 2010 بادج campro
مش موجود عندي والعربية اتوماتيك ؟
الغريبة فعلا انة موجود فى عربيات وعربيات لاء وكنا فاكرين انة مش موجود فى المانوال باعتبار ان عربية محمود مكنش عليها بس انت كمان اهوة ودى حاجة غريبة فعلا بس انت ممكن تسالهم علية فعلا لان الدفعات يمكن بتنزل بينسوا يحطوا البادج دة مش عارف لية بصراحة
والغربية كمان انهم ماحطوش اسم عز العرب ع الازاز الخلفي ..
دفعة 2010 مش نازل فيها البادج بتاع كامبرو
لاء فيها انا شوفتها في عربيات كتير 2010
يمكن الله اعلم
لكن انا بالامانة مشفتش ولا عربية 2010 عليها بادج كامبرو
حتى رحت سالت الغد عليه وقالولي تمن ليه كدة خيالي يعني
بادج الكامبر يا جماعى أتشال من موديلات 2009 و 2010 و الكلام ده موحد على كل الموديلات
أي عربية عليها البادج ده تبقى قبل 2009 .......... الكلام ده موحد في العالم كله ( في انجلترا كمان و ماليزيا )
حتى السي بي أس ............. بتنزل و عليها حروف سي بي أس بالأنجليزي فقط لا غير و مفيش كلمة كامبرو .
اخى العزيز توت انا مستلم العربية من شهرين وعليها البادج وصورها كنت مرفقها هنا فى المنتدى فى دفعة فى 2010 نزلت عليها البادج وغالبا كانت عربيتى اخر عربية منها لان محمود استلم فى نفس اليوم اللى استلمت انا فية ومخدش البادج
تحياتى
مش عارف بصراحة إزاي مش عندك, أنا يوم مروحت وشفت آخر دفعة auto قبل الاستلام كانو كلهم عليهم Campro من ورا.
يمكن بطلوها لتاني مرة!
اها .. أوك ..
:dontudear:
ايه يا جدعان الثقة الفظيعة اللي الناس بتتكلم بيها دي؟؟؟؟؟!!!!!!! :fdsa:
اللي يقرأ كلام حضرتك يصدق انه مظبوط 100000% من كتر الثقة اللي بتتكلم بيها!!!
لدرجة إني شكيت في نفسي و في العربية الجين 2010 بتاعتي اللي راكنة تحت وعليها بادج الكامبرو!!!!!!!! :whtauwant:
أنا مستلم 28-6-2010 وعربيتي أوتو وكل اللي شفتهم في الصحراوي يوم الاستلام كان عليهم البادج !!!
مع احترامي للجميع
اللي يتكلم بثقة لازم يكون عنده معلومات مؤكدة علشان مايلخبطش حد وعلشان مصداقية الموقع والا فليقل (أظن) أو (حسب معلوماتي)....
يمكن الموضوع ده تافه ومايضرش حد..... لكن المبدأ مبدأ
ومعذرة للجميع وانا لم انظر حتى لاسم المشاركين فكلامي عااااام للجميع وليس لشخص بعينه!!!
وشكراً
لا موجوده في موديلات 2009 ودا اكيد
يا جماعه الموضوع بسيط ليه الشد بس كده انا عربيتي اوتو مستلمها الاسبوع اللي فات و عليها الكامبرو ممكن تكون عربية حضرتك جت في دفعه من اول السنه قبل ما الدفعات اللي عليها الشعار كانت جت لان الموضوع ده جديد و منزلش من زمان زي ما استاذ توت قال
دي كلها شكليات
السلام عليكم و رحمة الله و بركاته
أولا أنا مع حضرتك تماما إن المفروض اللي يتكلم على حاجة و خصوصا لما يكون بيتكلم بالطريقة اللي أنا كنت بتكلم بها يكون متأكد من كلامه علشان مصداقية المعلومات .
و لكن أنا فعلا كنت متأكد جدا من كلامي علشان العربيات من موديل 2009 .... قالوا في ماليزيا أن مش هاتنزل ببادج الكامبرو تاني و أكتفوا بعلامة 1.6 فقط .
ممكن يكون الناس في ماليزيا طالبتهم برجوع البادج مرة تاني علشان بصراحة شكله حلوا قوي .
على فكرة أنا برضه مستلم جين 2 موديل 2010 أول شهر 5 تقريبا و برضه مكنش عليها البادج .
و حاجة كمان ....... كل موديلات 2009 ....... مفيهاش البادج . :whtauwant:
عموما حصل خير ....... و كل سنة و الجميع بخير ....... و كل بادج و أنتوا طيبين :36_1_1[1]:
شكــراً يا جماعة .. بس برضوا هي مديا منظر جامد للعربية من الخلف ..
وع فكرة المفروض عربيتي من اخر العربيات الي وصلت من ماليزيا لان تاريخ الشحن حوالي شهر 6 مش فاكر بالظبط ..
هاكلم الاستاذ محسن واشوف الكلام اية .. وهبقي اقولكم ان شاء الله
انت مش محتاج تعريف يا توت وانا متأكد من أنك مش من الناس اللي بتفتي من غير علم....
بس حظك جت فيك (أصلي مبقوق من كام واحد كده بيفتوا و بيلخبطوا الناس) بس صدقني انت سجلك مش محتاج شهادة واحد زيي لأنك كنت من الناس اللي أقنعوني بالسيارة دي بموضوعيتهم وعدم مبالغتهم في المدح او الذم...
و بنتهز الفرصة دي علشان أشكرك...
متزعلش مني يا توت :E_braces[1]:
وبصراحة..... البادج حلو رغم انه حاجة تافهة .. بس زعلت جدا لما معت انه اتلغى قبل ما اشتري و فرحت جداً جداً لما لقيته على سيارتي وانا باستلم!!
البادج متلاغاش
انا معيا 2010 وانا لسة بتفرج في التوكيل مكنش موجود وسئلت لية و موصلتش لسبب محدد المهم لما جيت استلم
وكنت سعتها بستلم في دفعة لسة جية لقيت البدج موجود وفرحت اوي سعتها
2010 فية عربيات عليها البدج وعربيات لا وتعددت الاقاويل وحدش عارف السبب لية برضو
وكان فية موضوع بيتكلم علي القصة دي من كام شهر
انا عربيتى 2010 اتوماتيك اشتريتها فى 12/2009 وماكنش فيها البادج ... بالتالى اعتقد ان البادج نزل فى الدفعات اللى بعد كده ... المهم بقى اللى عاوز يشترى البادج ده يجيبه منين وبكام ؟؟؟
السلام عليكم
نصيحة بس ليكو متدوروش على حجات تدفعكوا كتير في نقطة من وجهة نظري كماليات الكماليات المصاريف قودام على العربية بأرقام متتخيلهواش أستمتعوا بالعربية دلوقتي من غير ماتدفع حاجة في إضافات مش هتحس بقيماتها علشان متحسش أن العربية مصاريفها كتير من يوم ما جيبتها
(مثال توضيحي مش أكتر الباكتة اللي في تلت الباب التحتاني ركنت حبة في الشمس فلزق اللي مسكها فك ركنتها في الشنطة يوم لغاية ما أركبها جيت تاني يوم علشان أركبها لقيتها حصلها تشوة وإنكماش غريب لغاية كدا مش مهم نيجي بقى لتمانها لأني هشتريها لتاني مرة أول مرة كانت بـ 100 جنية من 7:8 شهور المرة دي بقى بكام ولا المزاد اللي يقول رقم صغير ومش موجودة مثلا واحد قاللي بـ 90 جنية ومش موجودة وهكذا لغاية مالقيتها وجبتها بـ 175 جنية جديدة بيكسها ولما كلمت التوكيل ماكنتش موجودة وكان سعرها تقريبا 135 جنية)
علشان كدا بقولوكوا ماتصرفوش كتيييييييييييييييييييير دلوقتي أةة صحيح وقولت بقى طالما خربانة خربانة جبت مسمار الميزان كمان بــ 50 جنية
السلام عليكم
انا مستلم أول الشهر (7-2010) اوتو
العربية عليها بادج Campro & Ezzalarab
شكرا لكل من شاركوا
Mohamed.Kader
............*
وانا ادفع لية دي المفروض حاجة بتيجي مع العربية يبقي مش هادفع ؟
المهم الماتور من جزه عليه كامبرو
ايوا غالبا عليه كامبرو .. مش فاكر بالظبط
أنا مانيوال 2010 شاريها يوم 24/6 الفات و عاندى البادج ورا
انا عرفت انها موجودة في عربيات كتير ..
كلمنا استاذ محسن قالنا .. " مش بتنزل في العربيات الجديدة "
مارضيتش اقولة بقي هي موجودة في عربيات جديدة وكدا :(
في صيانة الالف هبقي اشوف الموضوع .. ان شاء الله
انا مستلم شهر 10 - 2009
و كانت من غير بادج و لا عز العرب ؟؟؟؟؟؟:rfds: