اقتباس:
المشاركة الأصلية كتبت بواسطة mohfud
طيب فاضلت أزاى وإية نتائج المقارنة بين الانواع الثلاثة
اولا بداءت بالسعر لقيتهم فى مستوى واحد
قارنت بالاعتماديه
لقيت ان اللوجان تتفوق بمراحل عنهم خصوصا ان صاحبى راكبها وعجبتنى وفيها كل شىء انا محتاجه عاليه عن الارض صاج قوى سحب كويس سافرنا بيها الساحل اتزان ممتاز لحد140 تكيف كويس
الفيرنا دى مع اختى وبركهبا كتير اوى اولا تكيفها مش وحش حلو مش بتاكل بنزين كتير متور طبعا قوى جدا
ناعمه بس واطيه وبتحك فى اى مطب بعد الـ120 مفيش استبلتى نهائى
الانوس شبيها للفرنا مع انى مركبتهاش كتير زى الفرنا
قطع الغيار فرنا ولانوس زى بعض
اللوجان قطع غيار غاليه جدا جدا ومش بتتباع برة التوكيل
اعادت البيع للانوس والفيرنا ممتازة ولو عايز تبيع هتبيع فى نص ساعه
اللوجان لاء
اقتباس:
المشاركة الأصلية كتبت بواسطة rocker
شيفروليت لانوس 2010
صوت موتور عالى جدا والسبب بناء على راى مهندس التوكيل الشكمان المصرى
واطيه وبتحك فى المطبات لو قعد ورا اتنين
تكييف مناسب بس مابيفصلش الكومبريسور
جنوت 13 مش 14 مش عارف ليه يمكن علشان يخفواالحمل من العفشه
بس غير كده هيا عربيه متواضعه وممكن تاكل اى بنزين حتى ال 80 وبس
حكاية صوت المتور عالى مش هاخد بالى منها لانى راكب شاهين يعنى هتقبله ويمكن مسمعوش اصلا
حكايه انها وطيه دة كل العربيات كده الفرنا بتحك معايا فى المطبات وباخدها على اربع عجلات
كويس انك طمنتنى من موضوع التكيف لان من اهم اسباب انى اغير عايز تكيف
موضوع الجنوط دة انا اسمع انها 14
لية بقى متواضعه يا باشا يعنى هى ولة الفرنا الى اغلب الناس قالة العربيتين تؤام
اقتباس:
المشاركة الأصلية كتبت بواسطة wael_dosoky
بعد السلام عليكم
اولاً لا يوجد أي فرق في السعر بين المصنع والمعارض هي شطارة في المفاوضاة ومعروف ايضاً الحد الأقصي في المفاوضاة بمعني العربية الفول اوبشن قبل العرض الأخير كانت في معرض منصور بي 70 الف وممكن توصل بالمفاوضة إلي 69 الف وبرضجك نفس الشئ بره
منصور هيسلمك العربية في مدة من 3 اسابيع إلي أربعة لكن المعرض ممكن تستلمها وانت واقف في حالة وجود اللون إلي انت عاوزه
فقط الفرق ان فيه معارض معندهمش ضمير وممكن تكون العربية اتخبطت منهم في النقل فيقوموا يصلحوها ويسلموها للزبون وهو موش واخد باله
لا تأثير للتكييف علي العربية الإ في تكتيف العربية بعض الشئ
العربية علوها من ورا كويس بالمقارنة بعربيات اخري
احسن عربية في فئتها الحالية
فقط لو بتقارن شيفورليه لانوس ولا دايو لانوس طبعاً الدايو احسن بس للأسف موش موجود منها دلوقتي
هي فيها مميزات والفيرنا فيها مميزات واللوجان فيها مميزان اخري ولولا اختلاف الأذواق لبارت السلع
شوف انت عاوز ايه وربنا يهديك لما هو خير لك
ولو عاوز رأي بص كده علي البروتون ساجا (بس ده لو موش همك اوي اسعار قطع الغيار واعادة البيع علشان ده عيب السيارة دي لكن بخلاف كده تتفوق علي باقي فئتها)
وفي الأول والأخر ربنا المستعان
انا اسمع ان المصنع بيكون ارخص وانا مش مستعجل انا معايا عربيتى ومش هبعها هديها لخويا الصغير
بس ازاى المصنع والمعرض نفس السعر امال المصنع بياخرك ليه؟ ولو انت تعرف معرض كويس ياريت تقول وهجيبها بكام واخر المفاوضات توصل لحد كام
وكويس انك تانى واحد يطمنى بخصوص موضوع التكيف
وكلامك منطقى بسبب موضوع العلو والحك فى المطبات
طيب لية بقى الدايو احسن من الشيفروليه
انا على العموم يوم السبت هروح المصنع احجز عربيه لانوس وكنت بسال عشان كده يعنى اختيار بنسبه90% نهائى الا لو جد جديد مثلا لان الواحد مذبذب بصراحه قرار صعب شراء العربيه
لا البروتون عربيه مش معروفه وانا بخاف من قطع الغيار جدا خصوصا انى راكب شاهين يعنى قطع غيار باسعار التراب
بخصوص اعادت البيع انا مش من هواة البيع بسرعه يعنى العربيه هتعيش معايا بتاع 10 سنين على ما افكر ابيع
شكرا للنضائح يا باشا