مساعدة فى تبديل الرشاشات لبى ام

**zocor742** · 27-07-2010 06:01 PM

السلام عليكم
ياجماعة انا بقالى فترة بشتكى من تأخير فى الدوارة والعربية بدأت تاكل بنزين
وسعات لما العربية تأخر فى الدوارة الاقى شوية هبابة سودا بتخرج مع الدوارة وتروح .
فعرفت ان الرشاشات بتسيل .... فأنا كنت قريت فى المنتدى عن تعديل رشاشات الانوس والنوبيرا التخينة لرشاشات بى ام.

بس معرفش انهو موديل من البى ام اللى بيمشى عليهم وسعرة كام وهل الميكانيكى هيعرف يتعامل معاهم عادى بسهولة .... انا سألتة قالى مركبتهمش قبل كدة واللى ركبهم بتوع الهيونداى فاقولتلة انت هتعدل فى الفيشة بس زى ما فهمت ياترى الكلام دة صح ولا بيركبوا ازاى.

فاكنت عايز استفسر من سيادة المستشار محمد ممدوح والباش مهندس سمير
والاخوة اللى قاموا بالتعديل عشان تعبت من دوارة العربية.
ولو فية حد من الاسكندرية يعرف تاجر استيراد بى ام يوصفهولى
وجزاكم الله خير

**محمد الشامي** · 27-07-2010 06:06 PM

الرشاشات اللي بتمشي على اللانوس والنوبيرا بتكون بتاعت المكنة الm40 بتاعت ال bmw e30

بالنسبه لسعرهم فحوالى 200 جنيه استيراد , و جديد بتكون 1800 جنيه تقريبا

بالنسبه للتركيب , سهل جداا , وممكن اي ميكانيكي يغيرها بدون اي مشاكل

**Ibrahim Nabil** · 27-07-2010 08:29 PM

المكنة m40 1600 cc

**zocor742** · 28-07-2010 02:30 AM

متشكر ياجماعة
على المعلومات المفيدة دى
بس محدش من الاسكندرية يعرف تاجر استيراد بى ام
واعرف ازاى حالة الرشاشات عشان بكرة الصبح لو لقيت نفسى خلصت شغل بدرى
هتكل على الله واروح اجيبهم واركبهم

**محمد الشامي** · 28-07-2010 08:12 AM

المشاركة الأصلية كتبت بواسطة zocor742

واعرف ازاى حالة الرشاشات عشان بكرة الصبح لو لقيت نفسى خلصت شغل بدرى
هتكل على الله واروح اجيبهم واركبهم

المفروض حضرتك بتشتري الرشاشات وبتتفق مع البائع انهم على التجربه لمده اسبوع مثلا
بحيث انك تركبهم وتشتغل بيهم وتروح تعمل اسكانر كمان عشان تتاكد انهم شغالين تمام
ولو لاقدر الله طلع فيهم مشكله او رشاش معيوب مثلا , المفروض بتروح تبدله من الراجل بناءاً على الاتفاق بينكم عند الشراء

اهم حاجه الاتفااااااااااااااق , ولازم يكون الراجل امين و اد كلمته

ومبروك مقدماً

**mohfud** · 28-07-2010 10:39 AM

المفروض قبل ما تركبهم تنضفهم وتظبطهم باللترا سونيك وزمن الفتح لا يزيد عن 1.8 ملى ثانية

**محمد الشامي** · 28-07-2010 10:59 AM

المشاركة الأصلية كتبت بواسطة mohfud

المفروض قبل ما تركبهم تنضفهم وتظبطهم باللترا سونيك وزمن الفتح لا يزيد عن 1.8 ملى ثانية

طيب حضرتك لو الاخ الكريم اشترى الرشاشات ب 200 جنيه , و دفع عليهم 100 جنيه تنضيف الترا سونيك , وكمان نقول 30 جنيه اسكانر !!

نفترض ان لاقدر الله الرشاشات طلعت وحشه او فيها عيب وعايزين نرجعم او نبدلهم ,, يبقه الخساره 100 جنيه عالفاضي , و30 جنيه لو كنا عملنا اسكانر كمان , و كمان 100 جنيه الترا سونيك تاني للرشاشات اللي هنجيبها بدل المعيوبه !!! مش خساره كبيره شويه ؟؟ تقريبا بتمن رشاشات تانيه

عشان كده انا شخصيا من رأيي التجربه والكشف بالاسكانر الاول , وبعد الاطمئنان نفكر في التنضيف بالالترا سونيك , عالاقل عشان لو في خساره تكون مجرد 30 جنيه وخلاص

ده رأيي الشخصي واتمنى ان محدش يزعل مني :-) واتمنى اني مكونش حسبتها غلط

**zocor742** · 29-07-2010 10:35 PM

المشاركة الأصلية كتبت بواسطة محمد الشامي

المفروض حضرتك بتشتري الرشاشات وبتتفق مع البائع انهم على التجربه لمده اسبوع مثلا
بحيث انك تركبهم وتشتغل بيهم وتروح تعمل اسكانر كمان عشان تتاكد انهم شغالين تمام
ولو لاقدر الله طلع فيهم مشكله او رشاش معيوب مثلا , المفروض بتروح تبدله من الراجل بناءاً على الاتفاق بينكم عند الشراء

اهم حاجه الاتفااااااااااااااق , ولازم يكون الراجل امين و اد كلمته

ومبروك مقدماً

الله يبارك فيك ياباشا وشكرا على التوضيح .

المشاركة الأصلية كتبت بواسطة محمد الشامي

طيب حضرتك لو الاخ الكريم اشترى الرشاشات ب 200 جنيه , و دفع عليهم 100 جنيه تنضيف الترا سونيك , وكمان نقول 30 جنيه

فعلا زى مقال الاستاذ محمد الشامى انا هخدهم على تجربة طلعوا تمام يبقى على البركة غير كدة يلزموة تانى .

بس دلوقتى ياجماعة انا مش عارف اجيب الرشاشات دى
روحت سئلت محلين بتوع بى ام ملقتهمش عندهم وبصراحة معرفش غير المحلين دول
سئلت الميكانيكى قالى طيب ما تركب بتوع الهيونداى وكويسين بردو وشغال بيهم تمام .

اية رأيكم اتكل على الله واركب بتوع الهيونداى ولا لأ انا سمعت انهم بيخنقوا العربية وبيوفرو فى البنزين
انا عايز اداء العربية زى ماهو عشان مركبهمش والاقى العربية اتخنقت .

شايفين اية ؟؟؟؟؟؟

**محمد الشامي** · 30-07-2010 09:51 AM

رشاشات الهيونداي كويسين لكن بناءا على تجربه الزملاء هنا قالو رشاشات البي ام افضل , من حيث الاداء واستهلاك البنزين كمان

يعني خليك في رشاشات البي ام دبليو , وفي اسوأ الظروف لو مش لاقيهم يبقا هات بتوع الهيونداي وامرك لله , لكن انا من رأيي ان رشاشات البي ام دبليو تستاهل انك تتعب نفسك وتدور عليها اكتر , لانها رشاشات المانى bosch وبإذن الله تعيش معاك

**M.Zaher** · 31-07-2010 12:29 AM

المشاركة الأصلية كتبت بواسطة محمد الشامي

طيب حضرتك لو الاخ الكريم اشترى الرشاشات ب 200 جنيه , و دفع عليهم 100 جنيه تنضيف الترا سونيك , وكمان نقول 30 جنيه اسكانر !!

نفترض ان لاقدر الله الرشاشات طلعت وحشه او فيها عيب وعايزين نرجعم او نبدلهم ,, يبقه الخساره 100 جنيه عالفاضي , و30 جنيه لو كنا عملنا اسكانر كمان , و كمان 100 جنيه الترا سونيك تاني للرشاشات اللي هنجيبها بدل المعيوبه !!! مش خساره كبيره شويه ؟؟ تقريبا بتمن رشاشات تانيه

عشان كده انا شخصيا من رأيي التجربه والكشف بالاسكانر الاول , وبعد الاطمئنان نفكر في التنضيف بالالترا سونيك , عالاقل عشان لو في خساره تكون مجرد 30 جنيه وخلاص

ده رأيي الشخصي واتمنى ان محدش يزعل مني :-) واتمنى اني مكونش حسبتها غلط

انا مع رايك ده
وممكن نوفر كمان ال 30 جنيه دول
انا شايف ان الرشاشات دي محترمة جدا و نضيفه و بدليل انها من عربيات موديل 90 و بتشتغل دلوقتي بكفاءه و احسن من اللي في العربيه
ممكن تركب على طول و علبه ابرو امريكي منظف للرشاشات مع التفويله اللى بعد ماتركب الرشاشات و هاتلاقي الدنيا تمام

الموضوع: مساعدة فى تبديل الرشاشات لبى ام

LinkBack

أدوات الموضوع

عرض

مساعدة فى تبديل الرشاشات لبى ام - انشر الموضوع فى :

-

-

-

-

-

-

-

-

المواضيع المتشابهه

تبديل العجل

احتاج مساعدة في الرشاشات

هل سائل منظف الرشاشات وقاية ام علاج فى حالة احتياج تنظيف الرشاشات ؟؟

هل منظف الرشاشات وقاية ام علاج فى حالة احتياج تنظيف الرشاشات ؟؟

مساعدة في شراء الرشاشات

الكلمات الدلالية لهذا الموضوع

المفضلات

المفضلات

ضوابط المشاركة