فرامل الجين 2 والمرارة اللى خلااااااااص

**prohossam** · 28-07-2010 05:07 AM

من المواقف اللي اثبتتلي ان الفرامل بتاعت العربية ما شاء الله عليها :
1 -
انا ليا صديق ليا
كان جي يسوق عربيتي وهو بيسوق منوال بس وانا عربيتي اوتو
المهم نسى للحظة ان العربية اوتو
وضغط على الفرامل على انها دبرياج
العربية اتثبتت في مكانها اقسم بالله واتخضينا خضة ما يعلم بيها الا ربنا بمجرد ضغطته على الفرامل وقفت في مكانها ماخدتش ولا ثانية

2-
في مرة كنت سايق بالعربية والدنيا بتمطر جامد جدا ومكنتش واخد بالي من الطريق اوي كنت بضبط البيز في الكاسيت
وفجاة ببص قدامي لقيت مطب غير ادمي .. قمت كابس فرامل لا ارادي
العربية وقفت قبل المطب تماما .. مع ان المسافة كانت بيني وبين المطب حوالي اتنين متر
والمفروض ان الدنيا بتمطر ؟ والعربية تزحف ؟ لكن ساعتها عرفت يعني ايه abs بجد

بوجه شكري الخاص لصاحب الموضوع لان متتخيلش الموضوع دا فرحني ازاي .. لاني كنت اتخنقت زيك من حوار كل واحد يطلع بكلمة على الفرامل ملهاش لازمة ومعندوش وعي ولا فكرة ولا يحزنون

الحمد لله والله انا وانا سايق بيبقى عندي ثقة كاملة ان الفرامل دي هتسعفني لو اتحطيت في موقف

**khaledmontero** · 28-07-2010 07:54 AM

المشاركة الأصلية كتبت بواسطة Abdelrahman.H

ما عنديش حاجة أقولها على الموضوع ده غير ( يسلم الكيبورد اللي طلع الموضوع ده )

تمااااااااااااااااااااااا اام .. الله ينور عليك يا ميدو

**tutankhamoun** · 28-07-2010 07:59 AM

أنا معنديش غير كلمتين مختصرين عن الفرامل الخاصة بالجين 2 :

ممتازة ....... للأوتوماتيك ............ و ممتازة جدا للمانوال ...

**fadynabil** · 28-07-2010 11:18 AM

متابع ٫٫٫٫

وأعتقد إن الموضوع ده هوه هيبقي الفيصل النهائي للموضوع بتاع الفرامل لأن الملاك فقط هما اللي يقدروا يفيدونا في الموضوع ده

وشكراً لصاحب الموضوع

**A. Ibrahim** · 28-07-2010 11:27 AM

الله يفتح عليك يا ميدو كلام منطقي و سليم

انا شخصيا الabs انقذني من مواقف كتير كان ممكن توصل لحوادث كبيره غير انه بيقلل خطاء السائق لو داس فرامل جامد او علي ارضيه مزحلقه

**tamer_aj** · 28-07-2010 02:06 PM

أنا معايا الجين تو المانوال 2009, و من إسبوعين كدة كنت رايح شغلي في مصر الجديدة و كنت طالع كوبري الطاهرة في الحدائق, و فيه في أخر الكوبري ملف و كنت ماش تقريبا 50-60 وفجأة في الملف لقيت زيت واقع الأسفلت و أتنين شباب راكبين موتوسيكل و اقعين علي الآرض قدامي فراشين الكوبري,
و الحمد لله دوست طبعا فرامل جامد جدا لآني كان ببساطة بيني و بينهم 2-3 متر بالكتير و كان في زيت في الآرض و الحمد لله الabs أشتغل و العربية وقفت من غير حتي ما تزحف و لا تحدف لآنها لو كانت حدفت كنت هاطير من علي الكوبري,

ودي كانت تجربتي الشخصية مع الفرامل و ما شاء الله كانت ممتازة رغم الظروف الصعبة اللي حاكيتها دي (ملف مع مطلع- زيت في الآرض- أشخاص علي بعد 2-3 متر - و كل ده فوق كوبري ضيق) الحمد لله.

**ashouhdy** · 28-07-2010 03:00 PM

المشاركة الأصلية كتبت بواسطة mido_soliman

الله ينور عليك !!!! وبعدين متقلقش محدش معاه جينا وممكن يجيلة قلب ويديها لحد يسوقها دي جينا يا عمنا لما تنضملنا باذن الله حتعرف العربيات دي بتتعامل ازاي (:
تحياتي

انا والله بتكلم بجد انا كنت بفكر فى البيرسونا كدة انا حقلق لان ممكن ادى العربية لحد من اخواتى او صحابى مشوار مثلا كدة حبقى قاعد مرعوب

**K3A** · 28-07-2010 03:55 PM

يا جماعة انا عندي تعقيب هام ...انا مش مش ححكي على المواقف و الغرز اللى بخدها بين النقل على الطريق الزراعي و كفاءة الفرامل في ذلك ...
انا حتكلم هنا عن صاحبنا اللى لبس في الميكروباص .. في نقطة مهمة جدا ان ABS ميشتغلش قبل سرعة معينة اعتقد انها 40 او 60 -مش فاكر الصراحة- ولو كنت ماشي على اعلى من كده ليكن مثلا 90 ودوست فرامل بشكل تدريجي العربية حتنزل عن 60 ولو كملت مشوار الفرامل بشكل مفاجئ حتنزل اكتر و بالتالى abs مش حيشتغل -ده طبعا بخلاف الدوس المفاجئ من سرعة 90 اللى حيشغل ال ABS على مباشرة- نرجع لصاحبنا بتاع الميكروباص هو بيقول ان abs اشتغل وحس بيه و السرعة كانت 40 وده سبب منطقي ان العربية لا تتوقف مباشرة لان ال ABS في طريقة عمله مش بيكلبش مرة واحدة وده افضل على السرعات العالية ومانع للانزلاق ... اعتقد ان المشكلة هنا مشكلة حساس ال ABS عايز يتظبط مع السرعة مش مشكلة فرامل على الاطلاق وفي ظني هي مشكلة فردية و الله اعلم

**x512** · 28-07-2010 04:01 PM

انا هقول تجربتى الفرامل كانت تعتبر مش حلوة عندى الاول
بس بعد ما عملت الرجلاش وركبت التيل الريمسا الاسبانى دلوقتى الحمدلله من 160 الى صفر فى مسافة ممتازة ما شاء الله
وطبعا جربت فى طريق فاضى عشان اقدر اوصل للسرعة دى وكمان افرمل من غير ما حد يكون ورايا

يا ريت حضرتك تديني لينك موضوع الرجلاش دا و يا ريت برضو تقولنا جبت التيل دا منين و بكام و بيقعد حوالي كام كيلو ...لان موضوع التيل و مشوار الفرامل دا قالقني حبتين..بس ان رايح احجز بكرا ان شاء الله ....و ادعولي

الموضوع: فرامل الجين 2 والمرارة اللى خلااااااااص

LinkBack

أدوات الموضوع

عرض

-

-

-

-

-

المواضيع المتشابهه

تيل فرامل الجين 2 2008

الشكوى بقت جاهزه خلااااااااص اللى عايزيضيف حاجه يخش ويضفها

تيل فرامل الجين 2

فرامل الجين 2

فرامل الجين 2 ؟؟

الكلمات الدلالية لهذا الموضوع

المفضلات

المفضلات

ضوابط المشاركة