ارجوا الرد علي هذا الموضوع للاهمية
عرض للطباعة
ارجوا الرد علي هذا الموضوع للاهمية
لوجان لو عايز عربية كبيرة وواسعة و1600 وشنطة كبيرة يعنى لو اسرة كبيرة
ساجا لو عايز موتور حديث وكماليات اكتر لو لشاب اكتر وش لاسرة
بس عموما الاتنين كويسين
بس توكيل رينو احسن من توكيل بروتون
ربنا معاك
الاتنين ينفعوا يبقوا عربية أسرة علشان فيهم شنطة .. إنما الجين تو صعب تبقى عربية أسرة علشان الشنطة .
من خلال تجربتي لقيادة الساجا .. أقدر أقولك أنها بتديك كل حاجة مقابل ما دفعته .. وحتة أنها أتوماتيك ميزة كويسة على الرغم أنها 1300سي سي واللوجان 1600 سي سي بس مفيش منها أتوماتيك (مجربتهاش) وتكنولوجيا الموتور أقدم شوية .
حدد أحتياجاتك وشوف أنت عاوز أيه بالظبط .. يعني لو معظم مشيك في البلد هات الساجا .. لو بتحب الجري والحرق والذي منه هات اللوجان .
وفي النهاية من وجهة نظر مالكي السيارتين يعتبروا صفقة ممتازة .
اللوجان افضل
ده ميمنعش من ان الساجا عربيه كويسه
انهي اعلي في الارتفاع عن الارض البروتون ساجا ولا اللوجان
اية رايكم في الجيتس واية اللفرق بينها وبين الماتريكس
جتز 1.6 F/O A/T 201079500http://felshare3.com/wp-......./uplo...01/Hyundai.jpgجتز 1.6 F/O M/T 201073500http://felshare3.com/wp-......./uplo...01/Hyundai.jpgجتز 1.6 F/O M/T S/R 201075500جتز 1.6 F/O A/T 201079500http://felshare3.com/wp-......./uplo...01/Hyundai.jpgجتز 1.6 F/O M/T 201073500http://felshare3.com/wp-......./uplo...01/Hyundai.jpgجتز 1.6 F/O M/T S/R 201075500
اسعار الجيتس
Saga 1.3 F/O M/T 201063900http://felshare3.com/wp-......./uplo.../01/Proton.jpgSaga 1.3 F/O A/T 201068900
اسعار الساجا
رينو لوجان
الطول 4250
العرض 1735
الإرتفاع 1525
قاعدة عجلات 2630
الإرتفاع عن الأرض 15,5سم
الحقيبه الخلفيه 510لتر
بروتون ساجا
الطول 4257
العرض 1680
الإرتفاع 1502
قاعدة عجلات 2465
الإرتفاع عن الأرض 15سم
الحقيبه الخلفيه 413لتر
بص يا باشا لامانه انا امبارح شوفت حادثه و اعوذ بالله
عربيه فيرنا طبعا كالعاده بدون فرامل خبطت فى لوجان الفيرنا متأذتش كتير لكن لوجان شنطته باظت خالص العربيه صاجها ضعيف جدا
انا رأى الى يجيب رينو يا يجيبها غاليه يا بلاش بجد عشان العربيه ديه مش فرنساوى و مش رينو اصلا ديه داتشا و نازله بأسم رينو زى شيفورليه لانوس
بس يا باشا منصحكش بيها الساجا افضل كشكل و كل حاجه بجد انا لما شوفتها امبارح سقتط من نظرى حتى التقفيل الداخلى مش عاجبنى
وديه مش رينو ديه داتشا لوجان و صناعه رومانى سيئه
http://3.bp.blogspot.com/_Ipc4iHmeNk...00/logan_s.jpg
http://www.dancewithshadows.com/moto...acia-logan.jpg
لا كلام و بتاع انا مليش دعوه انا قولت الى شوفتوا و خلاص و انا ياعنى مش هكدب عشان اسوء سمعه العربيه ياعنى انا حكيت الى شوفتوا الى مصدقنى اهلا وسهلا والى مش مصدقنى هو حر :brn:
وانا ياعنى مش واخد فلوس من توكيل بروتون عشان اقول كده ولا عندى بروتون ولا بفكر اجيبها و هفكر اجيبها اصلا
هههههههه
لأ وفيرنا كمان يعنى مش اسبرانزا مثلا ولا لادا ولا حتى لانوس ... لأ ديه فيرنا ..... الله
سيبك من صاج الفيرنا هقولك اخف صاح ممكن تشوفه
يا واد طنش خالص
الى يجنن بقى أن الفيرنا هتطول اللوجان ازاى ديه لو دخلت فيها من ورا زى ما بتقول يدوبك هتجيب حرف الاكصدام التحتانى بالعافيه
ازاى بقى الشنطه ادمرت
أنا مازدا 323 دخلت فى الاكصدام الخلفى بتاعى يا دوبك سن الاكصدام التحتانى اتنى شويه ورد لوحده والنمره اتنت شويه لتحت أنما الصاح بيعنه اصلا أنه يطوله ...... عشان عالى عليه جدا
اللهم ادمها نعمه واحفظها من الزوال
يا جماعه اولا انا لا بحب الفيرنا ولا هيونداى خالص ولا بحب الكورى اصلا برده والعربيه الفيرنا ديه بكرها كره العمى و ملحوظه اللوجان مش جيب ياعنى و العربيه مدمرتش من ورا زى مانتوا فاكرين الجزء السفلى من الشنطه و خلاص الموضوع اتقفل و انا قولت و اللوجان جميله بس شايف ان خامتها مش قد كده
السلام عليكم
انتوا عملتوا حرب لية
الموضوع ابسط من كدة يا رجالة
انا كمان مش هشتري دي ولا دي علشان محدش يزعل
اية رايكم في الجيتس او النيو اكسنت
يا باشا مش حرب
بس الموضوع فى منتدى يعنى الكلام بيبقى مش ليك أنت لوحدك
يعنى تشترى او ما تشتريش أنت حر فى ده
لكن فيه الاف ولا حتى ميات بتقراه المواضيع فلازم لو الواحد شاف حاجه شايفها غلط أنه يرد
أنا شايف طالما غيرت رأيك عشان كل الى هيخش هيرد على اساس عنوان الموضوع
ياجماعة الراجل اللى بيتكلم على متانة اللوجان عنده حق انا العربية معايا وعارف ان صاجها ضعيف
متهيألى ياجماعة ان بالسعر اللى احنا جبنا بيه اللوجان مش ممكن نكون فاكرينها مرسيدس متخفية او معدلين تصميمها لازم نتأكد ان كل عربية فيها عيب حتى لو غالية حبتين والتقفيل الفقير والصاج الضعيف هما من عيوب اللوجان هى واخدة 3 نجوم فى اختبارات الامان والنسخة اللى اختبروها فيها 2 اير باج مش واحدة بس ديه مابتنزلشى عندنا والسمكرى اللى جه معايا يتفرج على العربية وده كان معايا بالصدفة لأن انا كنت ناوى أجيب مستعمل ولقينا اللوجان واقفة فى أحد المعارض فتفرجنا عليها وقاللى ان الصاج وتقفيل اللحامات فى حوض الماتور تدل على عدم متانة السيارة فذى ماللوجان ليها مميزات العفشة والعلو عن الارض والوسع الداخلى والسعر الجيد لازم نكون عمليين ونقول ان ليها عيوب برضوا واللا هنغالط نفسنا ولازم الواحد وهو بيشترى أى عربية يكون عارف عيوبها ومميزاتها ويفاضل بينهم وحسب شخصيته واهتمامه بالحاجات
معلش هكمل كلامى انا قصدى أقول حسب شخصيته ومفاضلته بين عيوب ومميزات أى عربية واهتمامه بالحاجات اللى عايزها فى عربيته وممكن يستغنى عن حاجات ثانية بيقرر أنه يشترى ولا لاه يعنى لو المشترى أهم حاجة عنده المتانة مش هايجيب اللوجان لكن غيره ممكن يكون اهتمامه بالعفشة او الوسع الداخلى او السعر او العلو على الارض هايشترى اللوجان ولولا اختلاف الازواق لبارت السلعة او راجت ده مجرد رأى تقبلوا تحيلتى
متهيألى أن الاخ كان بيقارن صاجها بصاج الفيرنا
ثانيا فكر الصاج المحمل ده انقرض من العالم بس احنا لسه عايشين فى العصر الحجرى لان لازم بعض المناطق فى العربيه يكون صاجها ضعيف يا أما تكون معموله من الفايبر (زى الميجان ) عشان تتطبق أو تكسر عند الحوادث ومتقفلش على الابواب أو تدخل الكابينه على الى راكبين
يا ريت ما نتأثرش كمان بكلام الاسطى بليه عشان الاسطى بليه فى مصر غالبا ما بيكونش فاهم حاجه وبيقول هجس واحيانا الحاجات الى بيقولها على انها معلومات مؤكده بتكون كلام يوقع على الارض من الضحك خاصتا لما بيقال بلهجه وطريقه خبير وفىالحقيقه بيطلع خبير فى الكنافه ( رمضان جاى كل سنه وانتم طيببين )ومن امثله هذا
سمكرى محترم كان بيقول أن عتب اللوجان بلاسيتك
سمكرى محترم اخر كان بيقول أن اللوجان معموله من سبيكه من الحديد والبلاسيتك ( اكيد اختراع جديد )
ميكانيكى محترم كان بيصلحلى نطق لوجان ويقولى ديه اسمها لوجانوا :120105~352:
فيرنا خبطت شنطة اللوجان وفرتكتها ؟
شنطة اللوجان فين وكبوت الفيرنا فين
لو الخبطة وصلت لأن اشنطة اللوجان تتفرتك يبقي شنطة اللوجان بقت في كابينة الفيرنا
هو حضرتك فاكر ان شيفروليه لانوس ده أسم بس ؟
و رينو لوجان أسم بس ؟
حضرتك يمكن متعرفش ان شيفروليه ودايو من مجموعة جنرال موتورز
يعني جنرال موتورز تقدر تحط علامة أي عربية تحت ملكيتها علي اللانوس
ممكن كرايسلر لانوس
هولدن لانوس
عفريت لانوس .... ( عفريت ده مملوك لجنرال موتورز برده )
وبرده رينو
رينو ونيسان وداتشيا ومرسيدس
رينو لوجان
داتشيا لوجان
نيسان أبريو
ومرسيدس لسة منضمة جديد ومعملوش حاجة مع بعض
يمكن نلاقي مرسيدس لوجان
اه صحيح بالنسبة للعربيات الشديدة اللي صاجها متين
شوف دول
YouTube - ‪vw beetle and golf (rabbit) crash test‬‎
ساقطين أختبارات :)
في أقوي من كدة ؟
مش بقوة الصاج
المهم متوصلش الصدمة للكابينة بوجود نقط انهيار
لحامات في حوض الموتور ؟اقتباس:
متهيألى ياجماعة ان بالسعر اللى احنا جبنا بيه اللوجان مش ممكن نكون فاكرينها مرسيدس متخفية او معدلين تصميمها لازم نتأكد ان كل عربية فيها عيب حتى لو غالية حبتين والتقفيل الفقير والصاج الضعيف هما من عيوب اللوجان هى واخدة 3 نجوم فى اختبارات الامان والنسخة اللى اختبروها فيها 2 اير باج مش واحدة بس ديه مابتنزلشى عندنا والسمكرى اللى جه معايا يتفرج على العربية وده كان معايا بالصدفة لأن انا كنت ناوى أجيب مستعمل ولقينا اللوجان واقفة فى أحد المعارض فتفرجنا عليها وقاللى ان الصاج وتقفيل اللحامات فى حوض الماتور تدل على عدم متانة السيارة فذى ماللوجان ليها مميزات العفشة والعلو عن الارض والوسع الداخلى والسعر الجيد لازم نكون عمليين ونقول ان ليها عيوب برضوا واللا هنغالط نفسنا ولازم الواحد وهو بيشترى أى عربية يكون عارف عيوبها ومميزاتها ويفاضل بينهم وحسب شخصيته واهتمامه بالحاجات
وربنا ما ليه في السمكرة
هو حضرتك عندك لوجان ؟
الساجا ثم الساجا صفقه رابحه وعربيه رائعه
طيب انا واحد من الناس اللى عملت حادثة باللوجان
تفاصيل الحادث باختصار ... الطرف الشمال لكبوت الوجان وجانب يمين تاكسى لادا
اثار الحادث كانت كالتالى
الجانب اليمين للتاكسى ادغدغ بكل ما تحمله الكلمة من معانى
طيب اللى حصلى مع اللوجان
ساعت وقوع الحادث لم اشعر باى صدمة قوية يعنى شايف الحادثة وما كنتش حاسس باى خوف او ان فيه خطر على حياتى
ساعت الحادثة كل اللى سمعته انفجار مدوى صادر من عربيتى واعتقدت ساعتها وانا نازل من العربية ان وش العربية بجميع مكوناته فى عداد الموتى
اللى لاقيته فى العربية ان الفانوس الشمال اتكسر والاكصدام اتخرم ولكن بحالة جيدة والرفرف الامامى شمال اتعوج للداخل حوالى 2 سم
اول ما خلصت الحكاية وباصيت للعربية حلفت انى حصلحها فى ساعتها من كتر ما انا احترمتها ساعتها
.................................
الجدير بالذكر ان التاكسى المشترك فى الحادث يعتبر جارى وجه صاحب التاكسى وتم الاتفاق على ان كل الاطراف يقع عليهم خطأ وكل واحد يصلح عربيته
روحنا انا وهو لسمكرى واحد جنب البيت وماكنش مصدق ازاى الاكصدام الفيبر عمل كدة فى جنب اللادا وقالى ما شاء الله الشاسية لم ينحرف مللى واحد بحمد الله
...............................
كل اللى عايز اقوله ان لو فى اجزاء فى صاج اللوجان ضعيفة فبكل حيادية فى نقطتين
1- الرفرف الخلفى شمال ... اضعف اجزاء السيارة على الاطلاق
2- الاكصدام الامامى والخلفى فيبر ليهم مميزاتهم الكتيرة جدا جدا فى امتصاص الصدمات بشكل مزهل مع العلم ان الاكصدام الامامى اتلحم ورجع بشكل جيد فى الحادث سابق الذكر
...............................
لو رجعنا لموضوع اللوجان والساجا فا انا شايف ان العربيتين مستواهم جيد جدا جدا فى فئتهم ويبقى على شراء واحدة منهم النصيب والراحة النفسية ودراسة مميزات وعيوب كل منهم
وربنا يوفق الجميع و يكفينا ويكفيكوا شر الطريق وكفاية خناق الله يخليكوا علشان خاطر الشهر الكريم
هى يا عمرو ديه المره الى رحت فيها التوكيل عشان تركب الفانوس ولا حاجه تانيه
أنا برضه هاحكى موقفين ـاكيدا لكلام عمرو
اول واحد اختبار لصاج السقف والكبوت لما كنت راكن العربيه جمب سور ( العماير الى ساكن فيها مجاطه بسور
ولد صغير تقريبا بيودى مكواه كان طالع من عماره ومكسل يلف يخرج من الباب الى فى اخر السور راح متشعلق فى حوض زرع كده وراح طالع على السور وناطط على سقف العربيه ومتزحلق على القزاز القدمانى وماشى على الكبوت ثم على الارض كل ده فى ثانيه وأنا شايفه بس هاعمل أيه نزلت عشان امسكه طبعا كان جرى
النتائج
الحمد لله ما فيش ولا اى حاجه فى السقف ولا الكبوت
موقف تانى لما عربيه مازدا 323 دخلت فيه من ورا ووالله العظيم من الصوت الى سمعته قلت عربيتى من ورا باظت وعلى الاقل فيها 2000 جنيه
نزلت كل الى لقيته أن غطا علبه الاطر وقع رحت مركبه والنمره اتنت لتحت عدلتها بأيدى الحاجه الوحيده الى حصلت هى أن الفبره بتاعه العاكس وقعت وأنا مشفتهاش الا لما روحت فعملت واحده بدالها عند الاهرام للبلاستيك ب 10 جنيه زيها بالظبط
يعنى عربيته ما طالتش أى جزء من صاج شنطه اللوجان خالص
طبعا صاحب الموضوع راح ناحيه فئه اعلى فخلاص مش هيفرق معاه الكلام ده بس ده عشان يبقى برضه الكلام الى فى الموضوع منطقى
والله العظيم نفس اللى حصل معايا بالظبط
http://www.nilemotors.net/Nile/114688-a.html