-
تجربتى مع تكنو وان :)
[OVERLINE]السلام عليكم
انا مش من العادة انى اشارك هنا انا موجود فى بروتون دايمااااا بحكم ان عربيتى انا بروتون جين تو
انا رحت على الساعة 12 كدة
قابلت حد اسمه زيزو و لذيذ كدة استلم منى العربية و كتب الجوب و كتب الصيانة بالاضافى للحجات اللى بشتكى منها
و هى كالاتى
التكييف اداءه قل عن الاول
العربية بتشفط البنزين حسبتها لقيتها بتعمل فى التانك كله 310 كيلو !!!!!! معرفش ده ايه
المالتى فنكشن فى زرار مش شغال
الهاند بحس انها سايبة وانت بترفعها كدة بس بتمسك عادى كويس جدا
صوت زنة فى الاكسلتير سواء مارشدير او ادام عادى
و ده كله بالاضافى لحاجة الصيانة
مراجعة سوائل - مراجعة زيوت - تربيط عفشة - مراجعة فلاتر - تغيير زيت و فلتر
اللى حصل كالاتى :3_3_102[1]:
استلم العربية بدأ فيها شغل علطول غير الزيت و الفلتر و بعدين ربط العفشة و بعدين راجع السواءل ثم الفلاتر و نضفها
و جه قاللى تمام !!!!! :B4_237:
قلتله ده ولا حاجة من اللى قلتها حصلت !!! بص فى الجوب لاقاه مش كاتب حاجة و قالى نسيت :whtauwant:
قلته الهاند قاللى هى كدة و جربها فى سيراتو تانية كانت كدة فعلا معرفش بقى يمكن السيراتو كدة
الزنة قاللى معرفش دى ايه !!
و بعدين الاستهلاك قاللى عادى هى كدة بتاكل بنزين !!! سألت على المهندس احمد الشحات راجل زوق جدااااااااااااااا
نده واحد و شيك على العربية عشان الاستهلاك و قاللى انه مش عادى و للقينا البوجيهات تقريبا بايظة جايبة مية و حمرا كدة
عملهم و قاللى جرب كدة لو فضلت كدة نغيرهم بقى
المالتى فنكشن عملوه بس اللمبة بتاعته مش شغالى بس الزرار شغال
و بس كدة
الفاتورة كانت 485 انا شايفها غالية شوية دى صيانة 100000
بس كانت تفاصيلها كالاتى
150 مصنعية 250 زيت 50 مصنعية كهربا ( اللى حصل انه فك المالتى رش عليه منظف الكترونيات و ركبه تانى ) و35 فلتر
و مكانش معايا الاستيكر لانه على العربية التانية مش على دى بس بصراحة المهندس احمد الشحات عملى الخصم من نفسه و هو راجل جدع و فاهم
تقييمى للمركز ان الاستراحة معقولة
فى الشغل العام اللى هوا الصيانات و كدة تمام و كويسين جدا و فاهميين فى المشاكل او الحاجات الغير التقليدية عايزين شد شوية و عايزين يحاولوا يحلو الموضوع لان العميل لو صهين هما كمان بيصهينوا و مش من المعقول انى قعد اقول فيه كذا و كذا كذا مرة
الناس اللى شغالة كويسسن و محترمين و التجربة انا راضع عنها و راضى عن المركز و هبعتله ناس تعمل الصيانة عنده
السيراتو بقى عربية ممتازة و اللى بيقول عنها حاجة وحشة يبقى يا غيرة يا اما هوا اصلا مبيحبهاش بس انا لية تعليق على حاجة خطيرة جربتها فى 3 سيراتو
انك لو خدت نقرة او لبست حفرة او مفصلة طريق كدة بسرعة شوية اول ما بتعدى النقرة او المفصلة دى العربية بتعوم اوى من ورا كدة حوالى ثنيتين ولازم تسيطر عليها انتا و جربته ميت مرة معرفش ده ايه
بس غير كدة مفيهاش حاجة غلط لا شكل ولا اداء ولا تكييف ولا اى حاجة كله لا غبار عليه
بس الجين تكسبها بمراحل فى الثبات خصوصا بعد ال160 :3mla:
انما من الزيرو لل 120 السيراتو تكسبها بمراحل لو بعد كدة الجين انما قبل كدة السيراتو و ده الاهم فى طرقنا و مشينا او زحمتنا دى ((قبل ال120))
و المركز كويس و انا مرشح الناس تروحه بس هو عايز شوية نظام بس كدة
و هو عرض علية ضمان امان الشرق ب 750 و انا حاليا بفكر فيه جديا بعد ما كنت ضد فكرة اشترى ضمان دى
خصوصا ان زرار المالتى باظ لوحده و قبلها الكلاكس و قبلهم اليو اس بى قعدت يومين مش شغال لوحدة فمش عارف بقى لسة بفكر
شكرا و اتمنى مكونش طولت عليكم
و ربنا يسهلنا و يكرمنا فى عربياتنا و يبعد عننا شرها ولا نشوفش الايرباج فيس تو فيس كدة يااااااااااااا رب :36_1_1[1]:
قولو امين و السلام ختام[/OVERLINE]
-
الف مبروك عليك بس أنت تقصد صيانة ال 10000 مش ال 100000 مش كده؟ :))
على فكرة انا معايا جين 2 برده ومن خلال تجربتى للأتنين
السيراتو لا تقل عنها فى أى شيىء من ناحية الثبات سواء 120 او حتى 160 :))
-
الف ميروك على الصيانة واهلا بيك معانا فى قسم كيا .
مع كل موضوع عن تكنو وان لاازم اقول نفس الجملة اللى قلتها اول مرة وهى
ان المركز عبارة عن تورته معروضه بره الازاز
موضوع الضمان ده مهم جد ا جدا جدا صدقنى انت المستفيد العربية والمبلغ قليل جدا بالنسبة
للمقابل اللى هتاخده من وره تخيل بس المالتى ده تكلفته كام لو حصل فيه حاجه
دراع الاشارة - علبة دركسيون - شويه ميه يجو على الكنترول يونت صدقنى هتدفع الاف الجنيهات . ده غير الحاجات اللى قلت عليها .
750 ج بتشترى بيهم راحه بالك . (الله يسمحه اللى قلى متشتريش ضمان )
اللهم بلغت اللهم فاشهد .
-
@M7amD_7amDy
والله يا باشا انا معايا الاتنين الثبات سيراتو لحد 160 ممتاز بعد كدة قلقت منها فى الجين 190 و غرز و و شد و كل حاجة والله
و بعد ال120 الجين تعدى السيراتو فى الشد و تعدى ميت حاجة كمان بس من الزيرو لحد 120 فى المجال ده كله السيراتو بسم الله ما شاء الله تاكل مليون حاجة
و ده من خلال تجربتى بالاتنين و رايك يحترم و فوق دماغى يا باشا
واه قصدى 10000 :) OoOopppsss!! :D:D
و معرفش ايه راضع دى كمان الحاجات دى الواحد خلصها من زمان :D:D
@abouleila
الله يبارك فيك
و فعلا عند حق و الدليل انه بعد اللى حصل ده اختى قالتلى منك لله عشان خالتنى مشترتش الضمان :) هههههههههه
و بجد مشكلتنا اننا مبنتحركش الا اما نتلدع
تجيب كونترول يونت اروح ادفع كام الف و بعدين اقول ياه اخيرا الحمد لله اما اروح اشترى الضمان بقى :) ههههههه
ربنا يستاهل انا بفكر اشتريه بس مستنى تاكيد ان امان الشرق ده كويس فعلا وانه مش ساعة الجد هايقولى سوء استخدام من العميل
لو حد اتعامل معاهم يا ريت يقول
و تكنو وان احسن الوحشين و اسوء الحلوين مع العلم انه مفيش حلوين :)
Content Relevant URLs by
vBSEO 3.6.0 PL2