يا جماعة عايز أشتري بس محتارقوي وعايز نصيحة منكو
السلام عليكم يا رجالة كيا
أنا دلوقت محتار جدا , أنا عايز أشتري عربية وأكتر حاجة مستريحلها هي الكارينز في معرض أوتوماك الأخير دة توكلت على الله وحجزت كارينز 2011 هاي لاين, ورجل المبيعات قالي حستنى 4 شهور والسعر زاد نتيجة بعض إضافات جديدة, حايكون فيها فوجات, مسند, مرايات ضم, كاسيت أصلي وريموت, بس الموقع بتاع كيا مش جايب سيرة عن الكلام ده خالص إلى جانب أنه مزود فئة أسمها توب لاين وبرضه مش فيها الكلام ده.
أتصلت بالكول سنتر هم عارفين السعر 126000 لكن مش عارفين أي حاجة عن الأوبشنز ولا حاجة عن المكتوب على الموقع.
في الفترة اللي أنا مستني فيها دي بفكر في سيارات تانيةوبسأل عليها كسعر وامكانيات يمكن مش عدم اقتناع بالكارينز بس يمكن زهق أو بقول يمكن ألاقي حاجة أحسن بس برجع للكارينز تاني
ليا دلوقت سؤالين يمكن تريحوني نفسيا واتهد بقى
1- هل قرار اختياري للكارينز سليم ولا ايه
2- أتأكد منين أن الأوبشنز دي حتكون موجودة فعلا خايف أفضل مستني 4 شهور ولا أكتر ألاقي الكلام أتغير بالنسبة للأوبشنز أو حتى السعر
آسف طولت عليكو