هو تكييف العربية ليه ثرومستات بيفصل التكييف زي تكييف البيت ولا لأ ؟
عرض للطباعة
هو تكييف العربية ليه ثرومستات بيفصل التكييف زي تكييف البيت ولا لأ ؟
حضرتك تكييف الانوس مابيفصلش
فى عربيات تانية بيفصل لاكن الانوس لا
لانوس مفيهاش ثيرموستات
طيب ممكن أعرف ده كويس ولا وحش؟
الله أعلم داحلو ولا وحش لكن عامة لما الجو يبرد أوى أبقى أطفى التكيف شوية
طبعا ميرسي أولا mohfud علي الرد :-)
لكن أنا مش بتكلم علي الجو والاحساس بالبرودة
انا عايزة أعرف هل عدم وجود ثرموستات بيأثر سلباً علي التكييف علي المدي البعيد وخصوصا لو فضل شغال كتير في المسافات الطويلة زي طريق سفر مثلا؟
ولا مالوش علاقة ومبيأثرش في شيء علي التكييف انه يكون بيفصل او مبيفصلش؟
والله يا جماعة هو عادى مفهوش مشاكل لكن المشكلة الوحيدة فيه ان لما التكييف بيشتغل فترة طويلة متواصلة بيحصل ان الثلاجة الداخلية اللى هيا تحت التابلوه بيتكون عليها ثلج وده بيمنع خروج الهوا بنسبته الطبيعية من الفتحات وده بيحسسك ان التكييف مش شغال او اداؤه وحش
السلام عليكم
هو تكييف اللانوس فعلا مفيهوش ثرموثتات تفصل التكييفاقتباس:
انا عايزة أعرف هل عدم وجود ثرموستات بيأثر سلباً علي التكييف علي المدي البعيد وخصوصا لو فضل شغال كتير في المسافات الطويلة زي طريق سفر مثلا
بس تكييف اللانوس مش كباس عادي . لا دا بيغير كميه الفريون اللي بيضغطها حسب حاجه دائره التبريد.
يعني لو العربية محتاجة تبريد زياده بيزود كميه الفريون اللي بيضخها لاقصي قدره . ولو العربية مش محتاجه تبريد بيقلل كميه الفريون اللي بيضخها وبكده يبقي مش محتاج يفصل
والمشكلة اللي بتحصل ان الحاسية بتاعة الصمام اللي بيتحكم في كباس التكييف بتتغير وبالتالي ممكن التبريد يبقي زياده ويخلي السربنتينه تعمل ثلج وفي الحالة دي ممكن نزود سرعة مروححة التكييف علشان الثلج اللي اتكون علي السربنتينة يسيح