يارجالة انا دمي محروق قولوا لى اعمل ايه بالله عليكم

**Medo007** · 28-07-2010 01:12 AM

باختصار كده العيال الصغيرة
او بمعنى اصح البهايم اللى في الشوارع اللى اهلهم مربهمش على الصح وسيبنهم يلعبوا في الشارع
واخدين عربيات الناس لعبة
ياجماعة انا محروق دمي اوى
العربية فيها انذار وانا مظبط الحساس على الضرب حاجة عالية والعيال بيقعدو يضربوا في العربية بكل قوتهم من كل جنب عشان تزمر ويطلعوا يجروا وهما بيضحكوا

من يومين واد قعد يخبط عالعربية جامد عمره 4 سنين بكل قوت ايديه قلت مفيش مشكلة يخبط مش هيعمل حاجة في الصاج بصيت من الشباك خوفته ولا بيخاف
عملت العربية عالصامت قعد يضرب بكل قوة عشان تزمر على اعتقاد انه كل ما يضرب اقوى هتزمر
قام طالع فوق الكبوت برجله وقعد بتنطط عالكبوت والكبوت قاعد يطقطق تحت رجلة انا شفت الموقف ده نزلت جري دراعه كان هيطلع في ايدي كنت خايف اموته من الضرب وهدومه كانت هتتقطع من المسكة
وقعد يعيط ومن ساعتها معملش حاجة

لسة حالا اتنين خبطو على العربية جامد وانا مشغل التكييف سامع صوت هبد وطاااااااخ طيخ عالعربية جامد
ببص من الشباك لقيت اتنين صغيرين ماسكين خشبة وفي سن الشنطة بحرف الخشبة رزع في العربية
نزلت وانا دمي بيغلى ببص لقيت سن الشنطة كل مطبق من الضرب
طب العربية مرشتش يا ولاد التيت

جريت وراهم لحد بيتهم مسكت الواد قعد يعيط جامد جامد امه طلعت لى من الشباك والله اسفة معلش حقك علينا

قلت لها فهمي ابنك لو جيه تاني ناحية العربية هطلع عينه

الاهالى مش مربيين ولادهم والله العظيم وانا قدهم كنت بخاف من اي حد يزعق لى لانه اكبر مني واحترمه
دي عيال اهاليها مسرحنها في الشوارع وسيبنهم كده وهما مشغولين في بلى ازرق

قلت افضفضلكم بقى عشان محروق دمي

**Donzi** · 28-07-2010 01:16 AM

انا دمي اتحرلقك بصراحة ايه العيال دي ؟؟ طب هو حضرتك معندكش بواب يزعقلهم ؟؟

حطها في جراج احسن و اضمن

**TAMERHASSAN** · 28-07-2010 01:31 AM

بص يا باشا و الله كانوا بيحدفوا العربيه بالظلط علشان تزمر وانا من حرقه دمى لاغيت صوت الانزار خالص الا ساعه فتح الباب يضرب انزار ضد السرقه

**Mostafa.Mahran** · 28-07-2010 01:37 AM

انا تخيلت منظر العيل الى بيتنطط على الكابوت و بصراحة حاجة تنرفز

**digi_7E** · 28-07-2010 01:44 AM

متوقعين اية من الجيل المهبب ده لما يكبر ؟؟

**Medo007** · 28-07-2010 01:48 AM

المشاركة الأصلية كتبت بواسطة Donzi

انا دمي اتحرلقك بصراحة ايه العيال دي ؟؟ طب هو حضرتك معندكش بواب يزعقلهم ؟؟

حطها في جراج احسن و اضمن

ربنا ما يوريك انا ضغطي على منهم

لاياباشا احنا مش في عمارة
احنا عندنا بيت وبركن العربية تحت البيت عادي جدا زي اي حد
وفكرة الجراش مش بحبها لانه بعيد وكل شوية بطلع بالعربية

المشاركة الأصلية كتبت بواسطة windsofchange

غطيها مؤقتا بغطا وغرقها زيت وحسبي الله ونعم الوكيل وده اللي جايبنا ورااااااا وانا مالي كانت عربية اهلي ده الحبيب قال"لن يؤمن احدكم حتي يحب لأخيه مايحب لنفسه" والأهالي طبعا مش كده هيحطو الكلام ده في تربية عيالهم ازاي ده اذا كانو لسه بيربوا مش مشغولين بالأكل والشرب وال..........انا اعرف واحد شغال 3 شغلانات بس ممكن 2 في اليوم يعني مش بيجتمعوا في يوم واحد وبيربي عياله ربنا يوفقه ويباركله فيهم يعني مش الرزق ومش لاقيين ناكل "لا تذر وازرة وزر اخري"

+11111111

انا فعلا غطتها دلوقتي
واي حد هيقرب ناحيتها والله لاخده احبسه جوه البيت لغاية ما ابوهم يجي ونتصرف معاه
والدي قالى لو مسكت حد فيهم موته واما يجي اي حد نقوله موتناه عشان الحاجات اللى عملها ونوريه آثار الخبط على الصاج ده كويس انهم مخبطوش في الفوانيس

المشاركة الأصلية كتبت بواسطة TAMERHASSAN

بص يا باشا و الله كانوا بيحدفوا العربيه بالظلط علشان تزمر وانا من حرقه دمى لاغيت صوت الانزار خالص الا ساعه فتح الباب يضرب انزار ضد السرقه

ينهر على حرقة الدم ربنا يكفينا شرهم
انا شكلى هعمل زيك كده

المشاركة الأصلية كتبت بواسطة Eng.M Mahran

انا تخيلت منظر العيل الى بيتنطط على الكابوت و بصراحة حاجة تنرفز

ربنا يكفيك شرهم

الاطفال احباب الله

بس مش الاطفال دي بصراحة
دول شوارعية

**Donzi** · 28-07-2010 01:51 AM

المشاركة الأصلية كتبت بواسطة tamerhassan

بص يا باشا و الله كانوا بيحدفوا العربيه بالظلط علشان تزمر وانا من حرقه دمى لاغيت صوت الانزار خالص الا ساعه فتح الباب يضرب انزار ضد السرقه

حتى دي العيال بيعدو يلعبو في الاوكر عشان العربية تزمر ، حاجة تحرق الدم طب الواحد يلغي الانذار ولا يلغي العربية اصلا ولا يلغي العيال دي من على وش الارض ؟؟

بس على فكرة العيال دي لما بيلاقو حد متنرفز اوي و بيزعقلهم بيزيطو اكتر و بيستفزو الشخص دة اكتر عشان زعقلهم اصلا

طبعا صعب عليك انك تبقى قاعد و عارف انهم بيلعبو في العربية و تسكت بس جرب تتجاهلهم يمكن يزهقو و يبطلو من نفسهم

.

**TAMERHASSAN** · 28-07-2010 02:00 AM

انا غيرت الازاز الخلفي مره ولاحم الامامى مرتين بسبب الموضوع ده منهم لله (على فكره انت بموضوعك ده قلبت المواجع عليا الله يسمحك) هههههههههههههه انا بهزر اللى يشوف بلاوي الناس تهون عليه بلوته وانا اقصد التخفيف عنك بس

-

الموضوع: يارجالة انا دمي محروق قولوا لى اعمل ايه بالله عليكم

LinkBack

أدوات الموضوع

عرض

-

-

-

المواضيع المتشابهه

حد ينصحني يارجالة كيا اعمل ايه ؟؟؟

التسقيف رجع تانى يارجالة اعمل اية

عملت حادثة...... ومش عارف اعمل ايه.. افيدونى بالله عليكم

بالله عليكوا ردوا عليا قولوا اى حاجة

فيات مظلومة فى مصر (وانا دمى محروق ونفسى اعمل حاجة...)

الكلمات الدلالية لهذا الموضوع

المفضلات

المفضلات

ضوابط المشاركة