ما هيا مقاييس الفشل والنجاح في سوق السيارات المصري ؟؟

**أبو عبدالله** · 28-07-2010 01:20 AM

من وجهة نظرك :
ما هيا المقاييس التي يقاس عليها فشل عربية او نجاحها في السوق المصري ؟؟؟
وياريت لو بالترتيب يعني بالأولوية

يعني امتى نقول ان العربيه دي فشلت وامتى نقول العربيه دي نجحت

وهنعطي أمثلة لبعض المقاييس دي :

1 - انتشارها
2- سعر اعادة بيعها ( عالي - منخفض )
3- اعادة البيع ( من حيث سهولة البيع - صعوبة )
4- تواصل الاجيال بتاعتها ( يعني الموديل الجديد يباع على سمعة القديم وهكذا ولا لم يعد له وجود )
5- ما يقال عليها في السوق ( سواء صحيح او غير صحيح حسب وجهة نظر كل واحد )
6- قطع الغيار ( متوفره - مش متوفره - رخيصه - غاليه )
7- الصيانة ( سهله - صعبة )
8- كفائتها ( اعتماديتها - قوة ادائها - كماليتها - اعطالها )

اللي عنده مقاييس كمان يقولها
مستني ارائكم ؟؟؟

**Kareem_A** · 28-07-2010 01:27 AM

ببساطة شديدة , العربية الفاشلة عندنا هنا هي المش بتتباع , يعني بالانتشار

و بغض النظر العربية المش منتشرة حلوة ولا لأ , و لكنها اسمها فاشلة هنا في بلدنا , و دة لأنها محققتش المعادلة التريحنا احنا كمواطنين مصريين

**power** · 28-07-2010 02:23 AM

الانتشااااااااااااااااااا اااااااار لان ده حيحل كل المشاكل التانيه اللي انت قولتها زي اسعار الصيانه وقطع الغيار و اعاده البيع والسمعه والاجيال وكل حاجه ضيف علي كل ده ان احنا شعب مقلد بطبعه
و زي ما فال الشاعر.......... ياله من شعب بغبغان عقله في اذنيه

**محمد عز** · 28-07-2010 08:42 AM

العربيه الناجحة فى مصر

اختلف تصنفيها على مر العصور

يعنى فى عصر التمناينات وبدايه التسعينات كانت العربيه ذات قطع الغيار الرخيصة والمتوفرة (ولنا مثال فى 128 والفيات 131 وباقى انواعه)

مع نهاية التسعينات الى وقتنا هذا

العربيه صاحبة اقل اعطال (واعتماديتها عاليه) هى الرائجة لحد دلوقتى وده سر تفوق المستوبيسى لانسر بالاخص وباقى الاقران من العربيات اليابانية

لكن طبعا لكل قاعده شواذ وفيه احيانا فئة تشترى عربيه معينه لشكلها الجذاب وتمنها الغالى علشان الوجاهة اجتماعيه وحب الظهور

وتغير الوضع الاقتصادى ومعاه اتغير مفهوم امتلاك العربيه

يعنى دلوقتى امتلاك العربيه فى مصر اصبح ضرورة اكتر منه رفاهية وده طبعا بسبب تردى اوضاع وسائل النقل العام فى مصر

وبالتالى اغلبية المصريين بيتجهوا لشراء عربيه تمنها رخيص بسبب تردى الاوضاع الاقتصادية وفى نفس الوقت يرحم نفسه من عذاب المواصلات العامة

وظهور افات جديدة لم يعرفها الشعب المصرى (كالتحرش وانعدام الامن وعدم احترام خصوصية الغير واحترام المكان العام)

وبالتالى نقدر نصف اقتناء العربيه فى مصر على 3 اسس:

1- الاعتمادية العاليه معاها سعر متوسط للعربيه فى حدود ال 100 الف (تلتهم نصيب الاسد)

2- الوجاهة الاجتماعيه فى حدود من 150 الى 200 الف وده نسبة صغيرة وطبعا مش كل اللى بيقتنى عربيه من الفئة ده يبقى قصدة الفشخرة

3- الغلابه (وهذا ليس وصف تحقيرى وانما كلنا غلابة) اللى عاوزين يرحموا نفسهم من عذاب المواصلات وده بتبقى عربيه لحد 60 الف جنيه وده برده شريحة كبيره جدا

**Hegazio** · 28-07-2010 09:33 AM

ممم كلام كبير
احب اضيف اهم حاجة علي الاطلاق...لاننا شعب ودني فأهم اسباب نجاح عربية..السياسة التسويقية للشركة
شعب يمشي ورا الاعلانات زي المسحورين
و فيه ناس بتشتري هوا ف قزايز عشان اعلانه حلو

**تامر.محمد** · 28-07-2010 10:26 AM

المشاركة الأصلية كتبت بواسطة power

الانتشااااااااااااااااااا اااااااار لان ده حيحل كل المشاكل التانيه اللي انت قولتها زي اسعار الصيانه وقطع الغيار و اعاده البيع والسمعه والاجيال وكل حاجه

دي الخلاصة
و للأسف , عربيات كتير حلوة جدا لكن بيبقى كل واحدة فيهم فيها مشكلة بتمنع انتشارها
يعني النيسان تيدا شكلها مش بيعجب ناس كتير
الفيات الجديد قطع غياره غالية و سمعة فيات التسعينات لسه مأثرة عليه و مش بيعمل دعاية
و القائمة تطول

**Kareem_A** · 28-07-2010 01:49 PM

المشاركة الأصلية كتبت بواسطة hegazio

ممم كلام كبير
احب اضيف اهم حاجة علي الاطلاق...لاننا شعب ودني فأهم اسباب نجاح عربية..السياسة التسويقية للشركة
شعب يمشي ورا الاعلانات زي المسحورين
و فيه ناس بتشتري هوا ف قزايز عشان اعلانه حلو

ارجو بس ان احنا منتكلمش من منطق "الشعب المصري" , لأن انا و حضرتك من الشعب المصري

غير كدة , شركات ضخمة ليها ميزانية للاعلانات و القسم التسويقي ممكن تكون اكبر من ميزانية مصر , هل بيصرفوا كل دة على الاعلانات عشان مصر ؟!

العالم كله بيتأثر بالاعلانات طبيعي جدا

**momopersona** · 29-07-2010 06:03 AM

عوامل نجاح سياره فى مصر بالترتيب كالتالى من وجهة نظرى
1- الدعايه و الاعلانات :
ده اهم عامل لنجاح السياره فى (مصر) واكبر دليل اللوجان بعد مامشيت على الحيط كسرت الدنيا
2- اسم الشركه : عامل اساسى ايضا لان المصريين بيخافو من التجربه الجديده والمجاذفه
3- اسعار قطع الغيار : عامل مهم جدا عند الجميع ويجب الالتزام به
4- الشكل الخارجى : مثال سيراتو vs فيات لينيا
5- الاداء وقلة المشاكل : الاقل اهميه والدليل الافيو

-

-

الموضوع: ما هيا مقاييس الفشل والنجاح في سوق السيارات المصري ؟؟

LinkBack

أدوات الموضوع

عرض

ما هيا مقاييس الفشل والنجاح في سوق السيارات المصري ؟؟ - انشر الموضوع فى :

-

-

-

-

-

المواضيع المتشابهه

يالا نساند مصمم السيارات المصري (عمرو عبده) في مسابقة تصميم السيارات الايطالية

عن الحب والنجاح.. قالوا

السيارات المغربية تغزو السوق المصري

إمتحـــــانــــــات - مع تمنياتنا لابنائنا الطلبة بالتوفيق والنجاح.

الكلمات الدلالية لهذا الموضوع

المفضلات

المفضلات

ضوابط المشاركة