موشر بنزين النوبيرا

**Car's Sniper** · 31-07-2010 02:35 AM

المشاركة الأصلية كتبت بواسطة al_manara

بس ياريت التنك بتاعها يفضل مليان زي العداد بتاع البروفايل

هههههه ان شاء الله...وربنا قادر على كل شىء

المشاركة الأصلية كتبت بواسطة elzl_mido

طب انا ليا سءال بعد اذن صاحب الموضوع
انا بمون العربية لحد الزور و نفسى قبل ما اموت اشوف مؤشر البنزين فى السما كده يعنى بيبقى فى النص بين الشرطة الاخيرة واللى قبلها هل ده عيب فى حاجة و لا ده طبيعى؟؟؟؟؟؟؟؟؟؟

بعد الشر عليك
عمل عندى نفس الحكاية وقعد فوق الشهرين بالمنظر ده وبعدين اشتغل تانى لوحده
العربيات الكورى دى قمة التكنولوجيا بتصلح نفسها بنفسها
وكلام فى سرك ..بتوظ نفسها بنفسها بردو
عربيات بتستهبل

**nubera97** · 17-08-2010 01:09 PM

السلام عليكم .. انا سيارتي نوبيرا 1 الكوري موديل 97 مش المفروض لما البنزين يوشك علي الانتهاء تكون هناك لمبه مؤشر لكدة فانا مش لاقي اللمبه دة ولا نور لها فهل الموديل دة دون لمبه بيان للبنيزين ولا موجودة ومش شغالة ولا ايه ايه ... ؟؟

**Car's Sniper** · 17-08-2010 06:13 PM

المشاركة الأصلية كتبت بواسطة nubera97

السلام عليكم .. انا سيارتي نوبيرا 1 الكوري موديل 97 مش المفروض لما البنزين يوشك علي الانتهاء تكون هناك لمبه مؤشر لكدة فانا مش لاقي اللمبه دة ولا نور لها فهل الموديل دة دون لمبه بيان للبنيزين ولا موجودة ومش شغالة ولا ايه ايه ... ؟؟

معايا نفس الموديل ..وفيها لمبة للبنزين تحت فى الشريط اللى فيه باقى الانوار وممكن تكون اللمبة محروقة او فى حاجة مش واصلة
على فكرة انا معايا العربية من 3 سنين واول مرة اعرف ان الشنطة ليها لمبة صفرا فى التابلوه يعرفكك انها مفتوحة كان الشهر ده بالصدفة لما حبيت اصلح النور اللى فى الشنطة نفسها

**nubera97** · 19-08-2010 12:16 AM

شكرا اخي الكريم علي سرعة الاهتمام ، وهراجع انوار التابلوه بتركيز شوية ، وبما انك معك نفس الموديل فأيه رايك في استهلال البنزين خاصة انا بمون 92 ولكن حاسس انها بتاكل بنزين اكتر من المعقول واذاي احسب الاستهلال الفعلي لها واسف علي الاطالة وكل عام وانت بخير

**Car's Sniper** · 19-08-2010 04:30 AM

كل سنة وحضرتك طيب
انا كمان بمون 92 وبصراحة العربية دى حوت بنزين ومفجوعة جدا جوة البلد(بتعمل عندى 6.5 كيلو فى اللتر الواحد)..اما على الطرق السريعة فاستهلاكها ممتاز(14 كيلو فى اللتر)
وبتحسب الاستهلاك الفعلى بانك تفول بنزين لغاية الزور وتمشى بيها على طريق سريع 100 كيلو مثلا او اكثر على سرعة مابين 90 ل100 بعد كدة تفول تانى لحد الزور وتقسم المسافة اللى مشيتها على عدد ليترات البنزين اللى فولتها تانى مرة
يعنى حضرتك مشيت 100 كيلو ولما جيت تمون مونت 10 لتر يبقى 10/100=10 لتر فى ال100 كيلو.. يعنى 200 كيلو فى الصفيحة
واى استفسار انا تحت امرك

**hosar** · 19-08-2010 01:01 PM

حول لبنزين 80 لو سحب العربية مش مهم ليك

**Car's Sniper** · 21-08-2010 01:02 AM

المشاركة الأصلية كتبت بواسطة hosar

حول لبنزين 80 لو سحب العربية مش مهم ليك

نفسى اتجرأ واعمل كدة بس باقول ماتورها صنع بلدها وحرام احط فى عربية استيراد بنزين 80 مع انها ندلة وتستاهل
وتقريبا السحب مش هيأثر ..يعنى ممكن الواحد يقرص على الغيار حبتين وخلاص لو حب يشد

**walidadel81** · 21-08-2010 01:47 PM

المشاركة الأصلية كتبت بواسطة cars sniper

نفسى اتجرأ واعمل كدة بس باقول ماتورها صنع بلدها وحرام احط فى عربية استيراد بنزين 80 مع انها ندلة وتستاهل
وتقريبا السحب مش هيأثر ..يعنى ممكن الواحد يقرص على الغيار حبتين وخلاص لو حب يشد

توكل عالله وحط البنزين ال80 ده بتاع الغلابه ماتخاف مش هزعلك بشي بس ابقا خلي رجلك حنينه عالدواسه وبعدين ده هيعملك انتعاشه بجيوبك من التوفير وماتخفش انا مجرب ومن يوم ماجبت العربيه ماشااااااااااافت بنزين غير بتاع الغلابه

**Car's Sniper** · 21-08-2010 07:58 PM

المشاركة الأصلية كتبت بواسطة walidadel81

توكل عالله وحط البنزين ال80 ده بتاع الغلابه ماتخاف مش هزعلك بشي بس ابقا خلي رجلك حنينه عالدواسه وبعدين ده هيعملك انتعاشه بجيوبك من التوفير وماتخفش انا مجرب ومن يوم ماجبت العربيه ماشااااااااااافت بنزين غير بتاع الغلابه

هاجرب ان شاء الله التفويلة الجاية

**ahmed31031** · 25-08-2010 01:16 PM

المشاركة الأصلية كتبت بواسطة Cars Sniper

هاجرب ان شاء الله التفويلة الجاية

مقولتش ايه الاخبار جربت ولا لسة

الموضوع: موشر بنزين النوبيرا

LinkBack

أدوات الموضوع

عرض

-

-

-

-

-

-

المواضيع المتشابهه

تانك بنزين النوبيرا 2تانك النوبيرا 2 لما اللمبه الصفرا تيجى يبقى فاضل كام لتر

استهلاك بنزين النوبيرا

تحويل النوبيرا من بنزين الى غاز

النوبيرا و بنزين 80

احط فى النوبيرا بنزين كام؟

الكلمات الدلالية لهذا الموضوع

المفضلات

المفضلات

ضوابط المشاركة