-
مشكله غريبه
واحد صاحبي قالي علي المنتدي ده وعجبني بجد انا معايا اوبل فكترا 98 اوتوماتيك وعندي مشكله العربيه وهي واقفه وعلي r او n بتكون تمام لكن او ماتاخد الd بسمع صوت خبطه في عفشه العربيه ورعشه في العربيه لكن لو زودت بنزين سنه صغيره الصوت بيروح يعني الصوت بيظهر وانا واقف بس ولسه ماتحركتش انا بحس ان في حديد بيخبط في حديد يعني مثلا الشكمان بيخبط في جسم العربيه مش عارف ايه السبب ومخنوق جدا
-
-
بص علي قواعد الموتور اكيد هي اللي عامله الصوت ده وبص كمان شوف المصفحه مربوطه كويس ولا لا لانها بردو بتعمل الصوت ده وبص بردو علي شداد الدينامو بيعمل رعشه وبص كمان شوف الشكمان ممكن يكون بيخبط في جسم العربيه .
-
حط كاوتش طعمية تايلاندى ما بين المصفحة و الشاسيه المربوطه بمسامير 17
-
ممكن يكون قو اعد الفتيس برضه ؟
-
ممكن قواعد الفتيس بس احتمال
-
اصل المشكله دى عند واحد صحبى بس فى ريتمو 1500
-
انا المشكلة دى قتلتها بحثا اولا شوف قواعد الموتور والفتيس. الابواب تأكد ان الاسلاك اللى جوه الابواب وفرش الابواب كلهم ثابتين .الجكمان كمان راكبة السوستة بتاعتة.تأكد كمان من الشداد لانة بيعمل الصوت ده . والمصفحة محكمة وفيها الكاوتش زى ما الاخوة وضحوا .وياريت تقولنا عملت ايه .
-
نشوف الموضوع واحدة واحدة
رزعة الفتيس ممكن تكون
1- كوبلن داخلى وحش
2-قاعدة الفتيس مش كويسة
رعشة العربية على السلانسية
المصفحة مش متربطة
كراسى الموتور مش كويسة
الايديال الكنترول مش كويس و مخلى الار بى ام واطى لدرجة ان العربية ترعش
شداد الدينامو فية بوش او البلية وحشة
راجع على الحاجات دى و ان شاء الله تتحل و كل المشاكل تختفى
Content Relevant URLs by
vBSEO 3.6.0 PL2