-
الحقونى العربية اتجننت
النهاردة الصبح وانا فى طريقى للشغل مسكت فرامل و عينى بالصدفة جت على التابلوة لقيت لمبة فرامل اليد منورة بصيت عليها لقيتها نازلة للاخر رفعت رجلى من على الفرامل لقيتها طفت و هكذا كل ما امسك فرامل وعند نهاية مشوار البدال تنور اشيل رجلى تطفى دة ممكن يبقى اية عيب كهرباء ولا ميكانيكا وارجو الرد سريعا لانى مسافر يوم الجمعة الساحل و خايف من اى مفاجات فى الطريق
-
كهربا غالبا حاول تتأكد ان مفيش اي سلوك ملمسه مع بعضها و استنى اراء بقيت الاعضاء
-
ان شاء الله حاجه بسيطه , متقلقش
بصيت على منسوب زيت الفرامل ؟؟؟ و حاله التيل عندك عامله اد ايه ؟؟؟
-
عيب كهرباء فى حاجة بتلمس لما بتجيب آخر المشوار بتاع الدواسة
-
زيت الفرامل ناقص
وغالبا هتلاقى التيل قرب يخلص فالزيت نقص
لو الزيت ناقص بس مش خلصان متزودوش اكشف على التيل الاول
-
بص على زيت الفرامل ممكن بكون ناقص:10D5C8w1107::10D5C8w1107:
-
انا كدة كدة رايح اغير زيت الموتور فى بنزينة كار جاز فاخليهم يبصوا على زيت الفرامل بس الفكرة ان الفرامل بتمسك طبيعى جدا يعنى مش خفيفة فعشان كدة ما شكيتش فى التيل ولا زيت الفرامل بس مش مشكلة اطمن عليهم برضة احتياطى ولو طلعوا كويسين يبقى كدة فى حاجة كهرباء ملمسة زى ما الاخوة قالوا وشكرا لاهتمامكم
-
أكشف على التيل والطنابير أمام وخلف ورجلاش الفرامل خلف وفرامل اليد
لا تستهين بالفرامل لانها حياة ناس مش لعبة
-
ولو لقيت زيت الفرامل مش ناقص يبقى التيل كدة فى السليم ولا اية معلش انا معلوماتى ضايعة فى الميكانيكا
-
شييك على التيل والزيت مبدئياً , ولو كانو تمام يبقه كمل تشييك على دوره الفرامل بشكل عام
لكن بصراحه استبعد شويه يكون خلل كهربي , ده رأيي
Content Relevant URLs by
vBSEO 3.6.0 PL2