الموضوع: أفكار للخير

كل سنة وانتم طيبين بمناسبة رمضان
ايه رأيكم كل واحد يكتب:اولا- افكار الخير الجديدة والمبتكرة اللى شاف حد بيعملها او سمع عنها ومش لازم يكون قام بها بنفسه لأن الدال على الخير كفاعله
ثانيا:عناوين وأرقام تليفونات الجمعيات الخيرية فى بلده وانشطتها ويعرف الناس عليها
ايه رأيكم؟
انا بدأت -انا من المنصورة و دى الأفكار اللى شفتهاسواء فى رمضان او طول العام:

1=بما ان المستشفيات عندنا لكل واحدة موعد استقبال مختلف فممكن على مالمريض يوصل يكون... احنا شخصيا حصل لنا موقف حد تعب فى نص الليل وقالو الأستقبال فى مستشفى تأمين سندوب رحنا قالوا لأ فى الطوارىء رحنا قالوا لأ فى الدولى فلفينا المنصورة من شرقها لغربها وربنا ستر
الفكرة بقى ان واحد طبع تليفونات مستشفيات المنصورة كلها و مواعيد الأستقبال فيهاطول الأسبوع فى ورقة وصورها ووزعها على سواقين التاكسى والفكرة انتشرت وكل شوية حد يصور الورق ويوزعه فى كل مكان

2=الفكرة توزيع المطويات الدعوية فى الجامع فى صلاة التراويح او الجماعه - والأسعار ال 100 ورقة ب 6 جنيه وفى منها كتيبات صغيرة الواحد ب35 قرش فيه احكام التيمم؟/الجنازة/الصلاة/الصوم.... وشفت محل فى رأس البر بيوزعها مع كل حاجة يبيعها بما ان المصيف بتبقى الناس فى غفلة شوية
مكان الشراء :مكتبة الأيمان امام كوبرى المرور وجميع المكتبات فى الشارع المجاور لها

3=كولدير المياه للشرب ده طبعا فى كل مكان امام المساجد و فى المستشفيات التكلفة تبدأ من1500 ج وممكن مجموعة اصحاب يشتركوا فيه

4=بيشتروا اكفان وبودوها المساجد والمستشفيات عشان غير القادرين

5=فى جمعية فى طلخا (ممكن اوصلكو بيها عشان صاحبتى هناك )بتاخد فساتين الافراح والخطوبة القديمة اللى الناس رمتها فى الدولاب من زمان تضبطها وتفرح بها اليتيمات والعفش القديم برضه

6=فى صلاه التراويح ناس بتجيب اكواب بلاستيك وكولمان وتوزع ماء وفالمغرب او التهجد بيوزعوا تمر

7=فى الجمعية الشرعية فى شارع بورسعيد فيها معهد اعداد الدعاة احيانا طلبة لا يستطيعون دفع المصاريف ناس بتروح للمسئول وبتدفع من غير متقابل الطالب ولا تحرجه بتاخد الوصل و تخلص له مشكلته وخلاص وممكن تتبرع بكتب و مصاحف كهدايا للمسابقات الدينية اللى بيعملوها

8=الناس بتحضر سندوتش بسيط او حتى بست او تمر وبتنزل الشارع قبل الفطار علطول فرمضان :فى ناس بتبقى عند المواقف ملحقتش تروح وناس قدام المستشفيات وعمال جمع القمامة وناس عادى حتى فى سياراتهم ملحقوش الأذان وفى مطاعم بتعلن عن وجبات مخصوص بأسعار رمزية لأفطار الصائم مثلا ربع فرخة ورز وبطاطس وبست

9=فى العيد بيشتروا بالونات ولعب ويوزعوها على الأطفال فى مستشفى الأطفال بجوار كلية طب و مستشفى الأورام فى شارع جيهان
اللأسعار تشترى من العباسى 100 بالونة ب8 جنيه و اللعب العربيات اللى لها حبل من ورا تشده فتجرى على اللأرض وتزمر الواحدة ب2 جنيه و الماسكات البلاستيك ام استيك اللى بتتلبس عل الوش ميكى ماوس وكده تروح داخل من العباسى الشارع اللى يطلعك على الطميهى فى جواه شوارع جانبية هناك اللعب رخيصة بالجملة والماسكات دى الدستة ب 6 جنيه
.................................................. .................................................. .................................................. ..........*
الجمعيات الخيرية:

1-جمعية النور والأمل لرعاية المكفوفين------------موجودة فى معظم محافظات مصر

الخدمات التى تستطيع انت تقديمها:
*تسجيل المناهج الدراسية او الكتب العادية على شرائط كاسيت او cd او قرائتها لهم فى مقر الجمعية
*توفير مرافقين لهم فى الامتحان
*تعلم طريقة برايل لمساعدتهم
نزكى عن نعمة البصر اللى بنعتبرها امر واقع
العنوان:ش عبد السلام عارف بجوار حى غرب اخر سور الأمن المركزى
================================================== ==
2-مدرسة الصم والبكم ----------------فى مساعدة لهم داخل جمعية رسالة
العنوان :قرب الاستاد والمستشفى الدولى
================================================== ==
3-جمعية رسالة-----------------------------------موجودة فى معظم محافظات مصر
www.resala.org
الأنشطة:
رعاية الصم والبكم والمكفوفين وذوى الأحتياجات الخاصة
اعادة التصنيع محو الأمية التبرع بالدم معارض الملابس المستعملة
دروس تقوية مجانية للطلاب شنطة رمضان افطار صائم
تسديد ديون اطراف صناعية مشروع كيلو من كل نوع طعام كل شهر
توصيل مياه شرب للقرى صرف دواء مجانا للمحتاجين
قوافل طبية بالقرى زيارات دورية خيرية للمستشفيات.................

العنوان:ش النخلة بعد اسلام للموبيليا
================================================== =
4-الجمعية الشرعية الرئيسية ----------------موجودة فى محافظات اخرى
http://www.alshareyah.org
تيسير زواج كفالة يتيم توزيع الملابس المستعملة مقابر شرعية
رعاية المعاق محو امية تحفيظ قرآن رعاية طالب العلم
قوافل طبية علاج الأطفال ناقصى النمو صرف الدواء علاج الفشل الكلوى
استضافة الفتيات المغتربات...................

العنوان:شارع بورسعيد قبل عطا كلاس
================================================== ====
5-جمعية رعاية مرضى الكبد

www.liver-ri.org.eg

منع انتشار فيروسات الكبد
بناء مستشفيات لبحوث وعلاج الكبد
ممكن تتبرع فى حساباتها فى بنك مصر او البنك الأهلى

العنوان:ش السكة القديمة عمارة بنك الدقهلية
================================================== =======
6-جمعية صناع الحياة -----------------توجد فى محافظات اخرى
lifemakers.org.eg

توزيع ملابس وبطاطين محو امية وامية كمبيوتر اعادة تصنيع الورق
تجويد وتحفيظ قرىن دورة الأعمال اليدوية شنطة الخير والأطعام
ملابس العيد للأيتام.....................

العنوان :ش الترعة
================================================== =======
7-جمعية الأنسانية الخيرية
www.alensanya.com
حساباته فى المصرف المتحد

انشطة:
كفالة ايتام وارامل كفالة مرضى بأمراض مزمنة استخراج قرارات علاج على نفقة الدولة
توزيع ملابس كشف على المرضى مجانا من خلال اطبا ءمتطوعين وصرف الدوابخصم50% والتحاليل بخصم 50% عمل مقابر صدقة دار لتحفيظ القرآن فصول تقوية
تبرع بالدم زيارة المرضى اسبوعيا بالمستشفيات مشروعات الصدقة الجارية
مشروع الألف:الف دفتر توفير لألف ارملة ويتيم بكل دفتر 1000 جنيه
العنوان :20 ش الفيروز توريل الجديدة
================================================== ======
8-مؤسسة العدل و الأحسان
اطعام طول السنة
تيسير زواج رعاية مسنين شراء بطاطين للفقراء كفالة يتيم كفن ميت
فول للسحور مجانا علاج مرضى اخراج وجبات لكفارة اليمين
المشاركة فى شراء سيارة اسعاف او بنزينها المشاركة فى انك تطلع شخص حج او عمرة...............

العنوان:ش عبد السلام عارف امام اسواق المنى قبل الاستاد
ت 2222210<050>
================================================== =======
وفى النهاية اشكر من اوحى لى بالفكرة واعاننى فى اخراجها للنور بالتفصيل
وتقبلوا تحياتى

[جزاكي الله كل خير





ولكم مثله