ارجوا من الساده صاحبى السياره هيونداى ماتريكس وضع تقييم للسياره من حيث الاداء والاعتماديه وتكليف الصيانه
1-سياره ممتازه
2- سياره جيده
3- سياره متوسطه
3 سياره رديئه
عرض للطباعة
ارجوا من الساده صاحبى السياره هيونداى ماتريكس وضع تقييم للسياره من حيث الاداء والاعتماديه وتكليف الصيانه
1-سياره ممتازه
2- سياره جيده
3- سياره متوسطه
3 سياره رديئه
السلام عليكم ورحمة الله وبركاته
جزاك الله خيرا أخي الفاضل على هذا الموضوع
والله ياأخي بدون تحيز أنا أرى أنها سيارة ممــــــــــــــــتازة
من حيث الأداء وقطع الغيار وتوافرها والصيانة والإتساع
ولو كان يتوافر فيها وسائل الأمان ( الفرامل المانعة للإنزلاق والوسائد الهوائية )
وبعض الكماليات المتوافرة في الموديل الذي يصدر إلى أوروبا مثل فتحة السقف و المساحة
الخلفية وال ستوب الخلفي وكمبيوتر الرحلات والمخدع الذي يتوسط الكنبة الخلفية
لكانت أفضل سيارة عائلية صغيرة
ايه يا جماعه فين وحوش الماتريكس اللى فى المنتدى
ياريت اللى يكتب تقييم يذكر الاسباب اللى خليته يقول التقييم ده
بصراحة الماتريكس سيارة استطاعت فى السنين الماضية ان تثبت وجودها عمليا فى السوق المصرى ... والحق يقال انها لها العديد من المزايا فعلا وينقصها العديد ولكن دون ان يعيب الى جوهرها وانما هى بعض الكماليات التى ان توفرت لجعلت من الماتريكس شئ اخر ورفعتها من شريحتها الى شريحة اخرى .. ولكن التقيم الفعلى لها بهد 5 سنوات استخدام ....
الشكل الخارجى : فى رائى المتواضع ان شكلها الخارجى مميز كان يخطف الانظار فى اول سنوات طرحها فى السوق المصرى وكانت القلوب تتسارع عند رؤية سيارة تمتلك العديد من الاضافات النيكل والجنوط وخلافه ولكن مع الوقت طبعا فقدت بريقها .. ولكن انا فى رائى الشخصى ان الموديل السابق للحالى اجمل من الموديل الفيس ليفت المعدل الحالى .. ولكن شكل السيارة لا تعطيك شراسة الفور باى فور وملامحه القاسية التى تتناسب مع طبيعة استخدامه ولا هى ملامح السيارة الصغيرة الشبابية وانما تجمع بين ذلك وذاك فى منظومة رائعة اضفت عليها جمال اخاذ مميز بصراحة ...
من الداخل : حدث ولا حرج عن الاتساع الداخلى فى المقصورة وقد تكون ارحب سيارة اتساعا فى معظم الشرائح فيما عدا 7 راكب طبعا .. فالصالون واسع جدا والكنبة الخلفية تمتاز بالوسع والرحابة وبعدها عن محور العجلات الخلفية مما جعل الكنبة الخلفية مستوية الظهر دون التواء شديد فى الاجناب .. وهذا اضاف وسع اخر الى وسعها مما يجعلها سيارة عائلية رحبة ممتازة .. التابلوه فعلا جميل وشكله مميز حقيقة عن الكثير من السيارات الاخرى (شبابى - حديث - مختلف - مميز ) وكمان انا غيرت لمض الاضاءة بتاعته الى اللون الاحمر بقى حكاية صراحة .. ولكنه يفتقر الى قوة الاضاءة نسبيا ليس مبهرا فى الاضاءة او ساطع مثل الالنترا مثلا لكنه هادى وجميل .. الشنطة ممتازة ليست كبيرة قوى ولكنها ليست صغيرة بالمقارنة مع مثيلاتها من حيث الشكل زى الدايهاتسو الماتريا مثلا شنطة .. مافيش ... اما بالنسبة للعزل الداخلى فانا اعطيها من 8 الى 9 من عشرة ليس ممتاز وولكنه جيد جدا صوت الموتورهادئ - نسبة الضوضاء ليست مرتفعة تعتبر عزلها جيد جدا .. مع تشغيل التكييف واذاعة القران الكريم او شريط تواشيح لسيد النقشبندى تكون فى حالة مختلفة جدا عن الخارج حقيقة .. اه بالنسبة للكاسيت والصوت داخل السيارة ليس ممتاز طبعا ولكن جيد اربع سماعات فى الابواب مع بيز كويس وتريبل محترم انا لا اسمع اغانى الحقيقة لكن مركب دى فى دى للاولاد علشان لزوم السفر طبعا بتبقى السيارة مروستان لكن مع اول اعلان بدئ الفيلم يعم السكون على السيارة ونرتاح طول الطريق وهما اللى بيبقوا متضايقين من رغينا انا ووالدتهم .. ومع صوت فيلم الرسوم المتحركة فعلا الصوت بيبقى ممتاز وبالذات الافلام بتقى دولبى سروند وستريو والاولاد بهيصوا والحمد لله ..
نيجى بقى للموتور : بصراحة عمره ما خزلنى فى اى موقف هادئ وجميل وسحبه ممتاز وخاصة عند تشغيل الاوفر دريف ومع الكيك داون عايزين ايه تانى بقى انا عامتا فى سواقتى هادى ولا استخدمهم كثيرا الا فى بعض المواقف السيارة لا تتاخر عن الاستجابة معى تماما واللحمد لله . هى 1600 سىسى 104 هورس باور.. يعنى لا تختلف كثيرا عن مثيلاتها فى تلك السنين بخلاف السيراتو نزلت عالية شوية تقريبا 124 هورس باور . ( ملحوظة السيارى جابت معايا تقريبا 180 او 190 فى طريق العين السخنة الجديد وبصراحة مع الحظر الشديد جدا ما كانتش عايمة او تخوف ولكن بصراحة لم يستمر الحال كثير خوفا على حياتى ثم السيارة لكن كانت وحش وبستجيب لو حد غيرى كان ممكن يقفل ال 200 ) .
الفتيس : ناعم قوى فى نقلاته ولا تشعر به الا فى حالة الاوفر دريف او مع الكيك داون اما فى حالة القيادة العادية لا تشعر بالنقلات تقريبا .
العفشة : مناسبة تماما للسيارة سواء فى السفر ومحمل بقى اوزان او فاضى بصراحة ممتازة والسيارة عملية حقيقة وعمرى ما حسيت بامشكلة من العفشة وثباتها ممتاز لانها عربية عالية ليست عن الارض ولكن ارتفاعها عالى وناس كثير جدا خوفتنى قبل شرائها بانها عرضة للانقلاب فى الملفات والكلام ده ولكنها بصراحة كذبت كل الاقاويل واثبتت العكس تماما ولكن ايضا ليس مع التهور بالحرص طبعا .
نيجى بقى للكماليات : 4 زجاج كهرباء - تكييف بكر ( بس تلاجة تلاجة ) - سنتر لوك - مفتاح ريموت - كاسيت - 2 مخرج طاقة بخاف الولاعة -اتومتيك - باور ستيرنج ممتاز بصراحة ليس خفيف جدا ولكنه مناسب وبالذات فى السرعات العالية --- ( الاضافات ) طقم نيكل بالكامل امامى وخلفى واعتاب - دى فى دى - سبوير فو الشنطة مع استوب - جنوط اسبور - وحدات رفع زجاج - اضاءة زينون - فرش جلد - ستائر خلفية وجانبية )
السلبيات : تفتقر الى فرامل ايه بى اس وايه بى دى - اير باجز - طنابير خلفية ديسكات ( عوامل امان ) - مسند او مخدع للكراسى الامامية بالذات مع ارتفاع الكراسى الامامية - فتحة تكييف خلفية - اضاءة للقراة امامية وخلفية - اضاءة عند فتح التابلوه - حساسات خلفية ودى ضرورة جدا فى السيارة دى بالذات - ( يعنى تقريبا دى الحاجات اللى انا حاسس بفقدانها فقد لا غير)
التقيم الكلى : سيارة عائلية رحبة ممتازة للاسر الصغيرة ودرجة اعتمادية عالية ( طبعا التقيم ده على الماتريكس مع مراعاة الشريحة والسعر وكلام كثير يعنى مش ممكن اقارنها مثلا بالجراند تريوس لانها ب 156000 الف فاهيبقى ظلم ) وهكذا ..
وارجوا ان اكون فعلا وفيت الماتريكس حقها عليا ... واسف للاطالة.
السلام عليكم ورحمة الله وبركاته
الأخ الفاضل / أحمد رفعت
والله يا أخي لقد وفيت هذه السيارة المظلومة حقها المهضوم من حيث الشكل الخارجي الذي أعشقه
ومن حيث التابلوه الذي في المنتصف الذي كنت لا أحبه قبل أن أشتريها وبعد أن أشتريتها صرت
عاشقا له ,
والله لقد وفيتها حقها من جميع الوجوه
جزاك الله خيرا وبارك لك ولجميع الإخوة في سياراتهم
ايه يا جماعه مفيش غير 7 بس فى المنتدى عندهم ماتريكس
لا أملك شىء أقوله عن الماتريكس الا شىء واحد فقط
السيارة الوحيده التى ستظل محتفظه بمكانتها فى السوق من حيث السعر واعاده البيع والأعتماديه والوسع الداخلى وسهوله الصيانه وقله المشاكل وتوافر قطع الغيار و.................
اخبار اسعار قطع الغيار واستهلاك البنزين؟؟؟؟؟؟؟؟؟؟؟؟؟؟؟؟
اصل بصراحة مافيش اكتر من الي اتقال من الشيخ خالد والاستاز احمد بجد هية دي الماتركس انا بعد ماجبتها كل ماركب عربية تانية سراتو او اي نوع احب عربيتي اكتر واعرف انها مميزة جدا وليها شخصية خاصة بيها انا كل شغلي سفر في سفر وكنت بانزل من العربيات التانية الي كانت معاية تعبان ومرهق ورجلي منملة لان العادي بتاعي 700 ك في المشوار بس بعد الماتركس باجي مستمتع بالسفر بجد سيارة ممتازة في حدود تمنها ربنا يبارك لنا فيها ويكفينا شرها ويدينا خيرها
انا هقيمها من ناحية الاداء بس
التسارع بتاعها جيد جدا
العفشة جيد
الثبات متوسط
على فكرة انا لست متحيز للماتريكس لاننى امتلكها لا والله والحمد لله انا كان معايا عربيات كتير من كل الانواع ومن احلاها الى قلبى فعلا الهوندا الاكورد ولكن من اريحها فى الجلوس فعلا الماتريكس لعلو الكرسى وارتفاع السقف عن راس الراكب ... فعلا قاعدتها مريحة جدا وكانك قاعد على كرسى الانتريه بتاع البيت لا يمكن تتعب من القاعدة ابدا ورجليك فى وضع قائم كانك على كرسى فى مكتب مما جعلنى بعد التعود على الجلوس فيها اشعر اننى باقع عند محاولتى الجلوس على كرسى سيارة اخرى بحاول ادور على المقعد واقعد وادور واقعد ولسه ما وصلتش لكرار .. وبعدين لما باقعد بحس انى قاعد قريب قوى من الارض ومش كاشف الطريق كده وما فيش هيبة كده .. لا لا فعلا الماتريكس سيارة ممتازة ولابد ان يسعى غبور جاهدا لتطوير هذه السيارة وتحديثها وتعديلها واعتقد ان بعد ذلك سيكون لها مكانة كبيرة ... معشوقة المصريين
السلام عليكم ورحمة الله وبركاته
الأخ الفاضل / أحمد رفعت
والله يا أخي فعلا كما قلت أنا لسه جاي بالأمس من سفر بالماتريكس
( بقالي أسبوع ما بين القاهرة ـ بلطيم ـ المعمورة ـ القاهرة ـ العجمي ـ مراقيا ـ القاهرة )
وفعلا أريح وضع للجلوس وجدته في الماتريكس ولا ولا أريد أن أكرر ماقلته حضرتك من كلام
جزاك الله خيرا
ولكن أضيف أني ركبت سيارة زوج أختي (فولكس جيتا ) شعرت أني أجلس على الأرض
وأي مطب مرتفع قليلا بتحك فيه :120146b
فعلا ما شاء الله لاقوة إلا بالله ربنا يبارك لنا فيها
واللي مش عاجبه الماتريكس دي مسألة أذواق وما يعجبه ليس بالضروري أن يعجبنا
وجزاكم الله جميعا خيرا
ايه يا جماعه عاوزين تقيمات اكتر
اخى الفاضل الشيخ خالد .. عليكم سلام الله ورحمته وبركاته .. اولا نحمد الله على سلامتكم ورجعوكم بخير .. ثانيا : فعلا الاطراء على السيارة ليس من ناحية تعصب امتلاكى وانما فعلا هذا قدرها فهى فعلا سيارة ممتازة ولو ان هيونداى ارادت ان تمضى خطوة مع الماتريكس وغيرت شكلها لما يتوافق مع عائلة هيونداى الجديدة ( سوناتا - النترا - اكسنت ) الشكل الجديد طبعا واضافت اليها بعض الكماليات التى اصبحت مهمة فى وقتنا الحالى لسوف تلاقى نجاحا مبهرا ان شاء الله وان اول المغيريين طبعا بتوفيق الله عز وجل ...