لو سمحتم يا جماعة عايز اظبط ساوند سيستم للانوس يكون كويس وسعره معقول...
كان الاستاذ عصام غنايم بيقول هايعمل موضوع عنه...
:11:
عرض للطباعة
لو سمحتم يا جماعة عايز اظبط ساوند سيستم للانوس يكون كويس وسعره معقول...
كان الاستاذ عصام غنايم بيقول هايعمل موضوع عنه...
:11:
يا استاذ عصااااااااااااااااااام
:36_1_37[1]::3mla:
لو عايز نقاء وصوت كويس , لكن مش مبالغ فيه
يبقه هات
CD Player Kenwood KDC-MP333
تمنه تقريبا في حدود 650 جنيه او اقل كمان
http://www.kenwoodhk.com.hk/new/prod.../kdc-mp333.jpg
Kenwood Speakers 400 Watt
http://www.caraudiocentre.co.uk/prod..._kfc_6940r.jpg
اظن تمنهم في حدود 350 جنيه
وكده يبقه عندك طقم صوت نقى وحلو
لكن لو حابب تصرف اكتر وتعمل شغل اعلى هيكون في كلام تاني
وبصراحه انا مش خبير في انظمه الصوت , لكن التكلفه هتكون اكتر من كده بكتير
متااااااااااااااااااااااا ااااااااااابع !!! :):)
مبدئيا لازم تفهم حاجه علشان ما ترميش فلوسك علي الارض
لو مش هاتركب GM يبقي انت مش محتاج سماعات عاليه يعني ممكن 200 وات او 250 واط بالكتير اوي لان اي زياده عن كده بدون امبليفاير مش هاتستفاد بيها خالص وكمان ممكن تجيب سماعات مدورة بدون ما تحفر في الرف اللي ورا (طالما انك مش هاتجيب وات عالي)
بالنسبه لللانوس (الدايو) الكاسيت تعبان جدا وكمان شرايط(انتهت من زمان) ممكن تشتبدلة ب بيونير cd وده بيبتدي من 470 جنيه
2-السماعات زي ما انا شرحت قبل كده ولما هاتفك السماعات اللي ورا هتتفاجئ بانهم (احمد بهجت 40 وات)
3- لو عايز تعلي بالطقم شويه وتجيب سماعات 400 واط او اعلي لازم تجيب معاهم gm وانقي واحد هو الكينوود وسعره بيبتدي من 380 جنيه
اتمني اني اكون اضفت
الموضوع بسيط اوى
مبدائياٌ بتختار كاسيت يناسب امكانياتك ( انا بفضل البيونير لنقاء صوته ووضوح جميع مستويات الصوت فيه ( الكينوود ممتاز فى الترددات الخفيضه ( الدبه او البييس ) وضعيف فى الترددات العاليه ( تربلات او السكسكه ) مكتوم يعنى وعلى عكسه السونى )
وبعد كده
لازم تركب 4 سماعات علشان تسمع الصوت صح
بس ازاى ؟
هنفك فرش البابين اللى قدام ونشيل سماعات الابواب القديمه ونركب سماعات جديده ( انا بفضل البيونير ) ولو وات السماعات عالى فده كويس مش حاجه وحشه ابداٌ
وخلى بالكم الوات المكتوب على السماعات ده وات وهمى نقدر نقول رقم موديل مثلا تلاقى سماعات مكتوب عليها 1000 وات وده كلام مش منطقى لان ال 1000 وات دول استهلاك موتور مكنسه مش سماعه
المهم لما نيجى نجيب سماعات مدوره او بيضاوى نبص على رقم ال rms او رقم الطاقه المستمره للسماعه ولازم يكون الرقم ده اعلى من رقم خرج الكاسيت
للتوضيح
كاسيت مكتوب ان خرجه 50 وات * 4
لازم نجيب سماعات القدره المستمره ليهم 50 وات او اعلى ( ايىٌ كان الوات المكتوب عليهم 400 , 500 )
طيب ده قدام
وراء بقى هنركب ايه
هنفتح فى الكوبسته اللى وراء ونركب سماعتين بيضاوى ويا حبذا لو كانوا دوبل بيس ( المقاس الكبير يعنى )
لو ركبت وراء سماعات مدوره اى كان نوعها مش هتلاقى صوت خالص لان الشنطه كبيره
لو كنت جبت كاسيت بيونير موديل عالى هتلاقى فيه تحكمين مهمين اوى
هاى باس فلتر
وده هنشغله مع السماعتين اللى قدام فيمنع عنهم الترددات الخفيضه ( الدبه ) ويخليهم يشتغلوا فى المدى المتوسط والعالى فقط ( فتسمع صوت نقى وعمرهم يبقى طويل )
لوو باس فلتر
وده هنشغله مع السماعتين اللى وراء فتسمع منهم ترددات خفيضه فقط ( دبه ) ومش هتسمع منهم ترددات عاليه خالص
كده هتلاقى الصوت واضح وجميل ومسموع فى كل انحاء المقصوره بكل نقاء ووضوح
وصدقنى مش هتحتاج كده لصب او gm
جرب وادعيلى