طبعاً حر أهلاً وسهلاً
بس متديلوش الأرض بـ 150 جنيه المتر
ومتقدملهوش المرافق ببلاش
عرض للطباعة
وياريتهم سايبنا فى حالنا بيقطعوا المياة عننا علشان تروح المدن الجديدة دى علشان يعرفوا يرشوا النجيلة
ويقولولنا انتوا ياعامة الشعب وفروا المياة الى انتوا بتشربوها
الكهربا الى احنا بنقول بتتقطع بتتقطع من عندنا احنا علشان تفضل عندهم ويشغلوا التكيفات المركزية وعامة الشعب ماعندهاش كهربا علشان تشغل حتت التكيف اليتيم الى عندهم
لو الحكومة سيبنا فى حالنا ماشى انما دى هتحرمنا احنا علشان تكفيهم هما
+1111111111111111
عادى جدا فامريكا نفسها فيه متسولين من اللى هما بيعدو عالرصفان ويعزفو وفيه ناس معاها مليارات
و برده فيه شقق فامريكا بتوصل ل4 و 5 مليون دولار واكتر
يعنى الفكرة ان مش مصر بس
فى مصر واحد بيدور على شقة ب 100 الف و التانى عايز حاجة فرنج ال 2 مليون
عادى جدا
الصراحة الحقد الطبقى والاجتماعى هيولع البلد
يا سيدي انا مواق يدوهم الأرض ببلاش و المرافق ببلاش
بس سيبو الشاب المصري ياخد أرض بنفس التسهيلات و يبني بيت يتنبل يتجوز و لا يعيش فيه
هي مش صحرا ؟؟؟ وواسعة أهي !!!
حضرتك أمريكا فيها متسولين ....و مصر فيها متسولين
دول شحاتين جهلة ...مالهومش لازمة في المجتمع لا هنا و لا هناك
و الشقق أو البيوت اللي في أمريكا اللي 4 و 5 مليون دي عادية ...مش غالية اساسا
النقطة يا أستاذي مش في سعر السكن ...الفكرة في قدرة غالبية الشعب على الحصول على سكن كريم
مرتب الدكتور هنا كام و في امريكا كام
المحامي كام و في أمريكا كام
بتاع الهوت دوج اللي في الشارع هنا كام و هناك كام
الله يكرمك بلاش تقارن بلدنا بأي بلد اجنبي علشان بطني بتوجعني لما باكتب الفروق
اللي عايز يقارن مصر بأي بلد تانية ....يعمل حد أدنى للأجور زي البلد دي و نتكلم بعدها ...
مش ندفع زيهم و ناخد على قفانا
أما الحقد الطبقى اللي هايفرتك البلد فدي حقيقة
لأن اللصوص خلقوا طبقات لم تكن موجودة و ان كانت فهي ليست لهم و ده اللي خلا الكل متخيل ان اللي اغنيى منه حرامي و لا يستحق ...بداية من مشاركتي أنا في الموضوع ده
و حتى العيل اللي بيسرق ماركة العربية يحطها لى مكنته الصيني مدعيا ان "كفاية عليك العربية"
و لأي واحد بيحاول يجنب الحكومة أو يعفيها من المسؤولية
الحكومة هي اللي بتمشي الأمور و هي المسؤول الأول عن أي حاجة كويسة و أي حاجة و حشة
و بلاش نحاول نخبي حقيقة واضحة زي الشمس و نقول العيب فينا
حتى لو العيب فينا ....يبقى من بعدهم
حضرتك بالمسبة لأمريكا اللي بتقارنا بيها
كنت قرأت في أحد إصدارات صحبفة الأهرام في بريد القراء عن دكتور صيدلي كان ذكر أنه عنده عمله الخاص و مستريح و عنده عربية و زوجته عندها عربية و الاولاد مستريحين ففيوم كان بيحسب الضرائب اللي عليه علشان يدفعها و دفه فوجأ بعدها بكام يوم بظرف جايله في جواب و 3 آلاف دولار و مكتوب في الجواب انه يستحق دعم من الدولة لنه في فئة معينة
القصة قد تكون من تأليف محرر الجريدة بس أحب أوصلك أن مفيش أوجه مقارنة بتاتا بين مصر و أمريكا
وانا واحد اعرفه فكندا عايش عيشة كويسة جدا بتعتوله جواب فيه اعانة برده عارف ليه ... عشان نسي يعمل وجبة متكاملة لابنه و هوا رايح المدرسة مرة !!!!
قولت كل الي انا عايز اقوله يا احمد بيه سامي
حضرتك دخلت فى نقطة تانية يا خالد ... بتتكلم على تسهيلات الحكومة للمشاريع الإستثمارية الكبرى و نظام حكومى فاسد و مش ده الموضوع ..
لكن أنا بتكلم على إن مثلا زى ما إنت بتقول البلد فقيرة .... و أنا معايا فلوس ... يبقى حرام يبقى معايا فلوس أعمل بيها إللى أنا عايزه؟؟؟ ... معايا 2 مليون م عايز أشترى عربية ... أبقى مجرم و وحش عشان روحت جبت مرسيدس ؟؟؟
ناس معاها فلوس ... و ربنا مديها نعمة ... ليه بقى ما أستمتعش بيها .. و أعمل إللى عليا من زكاه ...
متفكروش زى بتوع الثورة
ماشي يا سيف باشا كل واحد حر و دة متفق عليه
بس زي ما قلت قبل كدة اللي معاه بيظلم اللي معاهوش
يعني لو أنا بائع و عارض سلعة و جالي واحد و عايزها على قرشين صاغ و جالي واحد تاني و هياخدها على ألفين قرش صاغ أنا ايه اللي يخليني أبيع للي عايزها بقرشين او أبصله حتى لأن انا بعد كدة هعرض السلعة دي على ألفين قرش اللي معاه اهلا و سهلا و اللي معهوش يخبط راسه في الحيط
زي عندي في إسكندرية في جليم علشان منطقة نظيفة محلات البقالة و الخضر و الفاكهة في عدد كبير منهم أسعارهم أعلى من الطبيعي لأن السكان هناك بيدفعوا و مش مهم الناس اللي على قد حالها
و برضه بنفس المبدأ شركات العقارات مادام شايفة أن فيه ناس معاها فلوس هتعملهم بنايات علشان فلوسهم و لا عمرها هتبص للفئات الدنيا و كدة بقى أكنهم اللي معاه هو اللي له الحق و لو مش معاك روح إضرب نفسك بال... القديمة
و للأسف احنا مش دولة غنية أو مستواها على الأقل كويس علشان يحصل كدة
يا رب اكون قدرت أوضح وجهة نظري
أنا أختلف مع دكتور أحمد
لأن الشعب هو المسؤول الأول و الأخير عن اللي بيحصل مش الحكومة
اصل الشعب هيعمل اية؟؟؟
هيقف عند باب المدينة ولما يلاقى واحد داخل يشترى يقولة متشتريش طبعا مستحيل
الى يقدر يشترى بالاسعار الفلكية دى هيشترى وخصوصا لو مش تعبان فى الفلوس دى
لو الشعب كان يقدر يعمل كان عمل حاجات وحشة فى الحكومة الى شحتت الناس ورفعت ناس ماحدش يعرفلهم شغلانة ولا اصل ولا فصل غير انهم معاهم فلوس ملهاش عدد وبيشتروا باى سعر موجود
يا أستاذ محمد لو الشعب سلوكياته و خلقه و دينه و نظامه كويس يبقى الحكومة هتخاف تعمل نص اللي بتعمله دلوقتي
عندك مثلا بريطانيا كانت تقدر الحكومة عندهم تعمل زي عندنا أكيد لا طبعا لأن هما عارفين هما بيديروا شعب عامل ازاي
كمثال توضيحي
ابن حضرتك مثلا لو هو لسة مولود و طفل صغير مش بتشيله و تروح و تيجي بيه ليه لأنه ضعيف و لا يمكن يقول لا
لما يكبر و يكون عنده شخصية بيكون له رأي و بتعمله حساب
علشان لازم نبدأ بتغيير نفسنا
للأسف عشان كده مستحيل يسمحوله يكبر و يفهم و يعرف حقه ...اقتباس:
لما يكبر و يكون عنده شخصية بيكون له رأي و بتعمله حساب
معروف في الدنيا كلها انه التعليم هوه اول الطريق .. و زويل و غيره قالوها 200 مرة التعليم
ثم التعليم ثم التعليم ...
بس هوه مين ..الناس تتعلم و بعدين يقولوا عايزين حقوقنا ..:((
عمرو اديب قالها مرة انا مستمتع بالفساد .. ورقي كله بيخلص و انا قاعد زي الباشا..
هما مستمتعين بجهل الناس ..امال مين اللي هيتشحن في ايام الانتخابات ؟
حاجة تقرف
حسبى الله ونعمة الوكيل
وهى دى السياسة المصرية... بيحطونا فى مقارنة مع كل دول العالم فى كل حاجة ماعدا المرتبات
لا اقبل المقارنة بدول العالم...المفروض كل دولة ليها ظروفها وليها كمان حكومتها وشعبها و المفروض ان الحكومة تتفق مع الشعب على مبادىء معينة (الدستور المصرى فى دولتنا مثلا)..بس دى فى الدول المحترمة فقط:colsmil:
وسلامى لنواب مجلس الشعب اللى بيمسكوا مناصبهم بالتعيين فى صورة وهمية تسمى الانتخابات هههههههههه
و اخر جملة لحضرتك فيها نوع من الاتهام لكل من يعترض
بالنسبة للحقد الطبقى :فالحمد لله معانا اللى يكفينا كعيلة لغاية مانتلاشى ومن غير مانشتغل كمان
وبالنسبة للحقد الاجتماعى :فلله الحمد العبد لله دكتور واخواتى دكاترة ووالدى دكتور وليه اربع براءات اختراع وكذلك جدى وعمامى بالكامل فى مراكز مرموقة
ومع ذلك واجبى من الناحية الدينية و الانسانية انى احس بالطبقة(مش هاقول الفقيرة) المتوسطة اللى شبابها مش عارفين يتجوزوا..حاول تشعر بالشعور ده وانت قدامك فتاة بنت حلال وبتحبها ومش عارف تلاقى حتة تستقر فيها ويبقى ليك خصوصيتك...هتلاقى كل جوانب الحياة بقت سودا قدامك....وده حال معظم شباب البلد اللى هما معظم سكان مصر...لما ييجى يقول عشان اجيب شقة ,يبقى اشتغل 130 سنة هههههه
انا مش عايز اكره لناس فى بلدها بس بحب اوضح المصايب اللى معظم الناس عايشة فيها وللأسف ناس تانية مش حاسين بيها
واسف لو كلامى حاد ...بس مسألة حقوق شعب مصر بتخلينى مخنوق لأنى بافتكر الظلم اللى الغلابة فيه
مع فائق احترامى لحضرتك...واتمنى مايكونش كلامى زعل حد