الموضوع: أسعار تبدأ من مليون جنيه!!

المشاركة الأصلية كتبت بواسطة elassar2010

دة على اساس ان الحكومة هى الطيبة واحنا الاشرار
الحكومة بتعمل اسكان للشباب والشباب مش راضى يسكن

انا مقلتش حاجة من دى خالص
انا قلت المفروض نقول الحكومة تعمل كذا وكذا (مش ان الحكومة عملت فعلا) هو ده اللى نقدر ننقده لكن وملناش دعوة بالناس التانية اللى عايز يسكن فى شقة ب100 مليون جنيه يسكن واحنا مالنا

يا اخوانا دا احنا منتدى عربيات يعنى وانت معدى بعربيتك اللى ممكن تكون جايبها بالقسط فى ناس فى الشارع بيقولوك " بص الاستفزاز" "فين الحكومة" "اهو تلاقى حرامى ولا فاسد" طيب وانت مالكم بالللى راكب عربية ..أنت ركز فى انك تطلب مواصلاتك تبقى محترمة لكن والله لو انا معايا 50 مليون جنيه جبت بيهم عربية محدش ليا عندى حاجة ونفس الكلام ينطبق على الشقق والفيلات اللى معاه فلوس يسكن براجته

المشاركة الأصلية كتبت بواسطة kh_talaat

نفس الحال في الرحاب ومدينتي ... والمشكلة اللي تغيظ اكتر ان انك هتلاقي نسبة كبيرة من اللي بيشتري مش مصريين

والعملية عرض وطلب دون مراعاة للمواطن المصري .... يبقى مين السبب ... ؟؟؟ !!!

السبب هو التشريعات اللي سمحت للأجانب بالتملك دون مراعاة ظروف أهل البلد وبالتالي اترفعت الأسعار لمستوى إمكانيات الأجانب
السبب هو وزارة الإسكان التي لا تألو جهداً في تسخين السوق ورفع أسعار الأراضي "راجع القرعة الأخيرة والسابقة لها ورفع الأسعار بالرغم من التباطؤ والركود العام"
السبب هو وزارة الإسكان اللي لما حبت تعمل مشروع للشباب ومحدودى الدخل منحت الأرض مجاناً للمستثمرين وسابت لهم الباقي ..!!!

المشاركة الأصلية كتبت بواسطة ahmed4000

سؤال سريع
هو البلاد التانية معندهاش شقق وفيلات بارقام ب6 و7 اصفار؟ ولا احنا بس فى العالم اللى كده
ومعندهمش فى نفس الوقت ناس تانية معهاش فلوس

طيب ليه هنا كل مبنسمع فيلا بكام مليون نقعد نصرخ ونشتم وطبيعى نوصف صاحب الفيلا ده انه حرامى وفاسد...

عشان الدولة فشلت انها تضمن لكل مواطن الحد الأدنى من الدخل اللي يكفل له حياة كريمة
عشان الدولة فشلت انها توفر السكن الملائم لكل طبقة .. ماحدش قال ان كل خريج لازم يسكن في قصر ويلعب جولف بس على الأقل يلاقي شقة صغيرة يقدر يبتدي حياته فيها

المشاركة الأصلية كتبت بواسطة ahmed4000

احنا نقدر نتكلم ونقول ان الناس المفروض الدولة تشجع الاسكان المتوسط يعنى زى مبيحصل دلوقتى تخصص اراضى معينة وتقول اللى حيتبنى عليها يكون شقق متوسطة فقط (زى مشروع مبارك المعمول فى 6 اكتوبر دلوقتى) تديهم اعفاء ضريبى بحيث تخلى الشقة باسعار صغيرة

للأسف يا صديقي الفكرة كانت حلوة بس اتنفذت غلط تماماً ... الحكومة منحت الأرض بــ 70 جنيه المتر عشان يعملوا على نصها إسكان شباب مساحة 63 متر ونصها اسكان حر بمساحات اكبر حتى 160 متر، كانت النتيجة ايه ان الشركات كلها قلبته اسكان فاخر بس مساحات صغيرة واصبح سعر المتر في هذه المشروعات هو نفسه خارجها، بمعنى ان فرق السعر الحقيقي للأرض راح فين ؟؟ راح في جيوب المستثمرين
وطبعا ماحدش من المستهدفين الحقيقين قدر يستفيد من المشروع

المشاركة الأصلية كتبت بواسطة ahmed4000

لكن مش حنحجر على الشركات التانية انها مبتبنيش فيلا ب30 مليون حتى احنا مالنا ده عرض وطلب

على فكرة فلل اعمار دى فى المقطم مش فى الصحرا

من حق كل واحد يعيش زي ما هو عايز طبعاً، بس المشكلة لما تمسك الجورنال تلاقي كله اعلانات اسكان فاخر وحتى المدعو اسكان مبارك بنفس اسعار الاسكان الفاخر تبقى دي فعلاً حاجة مستفزة ولهم العذر

المشاركة الأصلية كتبت بواسطة أحمد كمال

uptown cairo هي اللي في المقطم ..... Mi vida هي اللي في القاهرة الجديدة (تقريبا مش متأكد)

كلام سليم

المشاركة الأصلية كتبت بواسطة أحمد كمال

لا بس الشركة هتنقل من هناك و لله الحمد

مؤقتاً