bmw e21 موتور جديد بطارية جديده

**misoalex** · 04-08-2010 06:45 AM

المشاركة الأصلية كتبت بواسطة wassof

معلش ياباشا بصراحه انا مش فاهم تقصد ايه او حضرتك مش متابع البي ام كويس
بص ياباشا 1800سي سي مش شرط يون موديل 90 لي ان في عربيه شرك 318 و320 و325
فا الي حضرتك بتقوله ده مش مفهوم نهائي ومعتقدش ان 1800 ارخص في قطع غيارها عن ال 1600 استحاله
وعلي فكره معلومه خدها مني 318 مش محبوبه في مصر معرفش ليه اكتر عربيتن محبوبين في مصر وقطع غيارها منتشره ال316 وال320 ولو مش مصدق اسئل ناس خبيره في البي ام وكمان علشان تصدق البي ام 316 الجديد الموديلات الحديثه مكنتش بتنزل لي الاسف بي ناقل حركه اتوماتيك اول مانزلت الفئه الجديده بتعتها في 2010 بي ناقل حركه اتوماتيك هوتها فرحه بي الخبر ده جدآآآ وعلي العموم انا كنت بقوله علي معلومات لما يحب يعدل علشان لما يعدل يعدل تمام علشان تجبله فلوس صح ويبقا بيكلم عن العربيه وهو واثق مليون الميه
وتقبل تحياتي

انا مقولتش ارخص ولكن متواجد اكتر واحدث
واظن فرق ال 200cc دول مش تعديل اوى فى البى ام

الى حيسقط بيسقط 2000 على طول
انا بقولك اللى بيغير الموتور بيستسهل ويجيب 1800 على طول
وزى مصاحب الموضوع كتب اهو ده اكبر دليل على كلامى

ا لا غاوى تعديل ولا كلام من ده انا مغير لمجرد التجديد والحالة الافضل

عشان كده هو مش معدل كرونه وفتيس عشان الموضوع مش مستاهل ده مش فرق كبير اوى يستاهل تغير تانك وكرونه وفرامل دى مش 128 حتخاف من الفرامل بتاعتها ولا عفشتها ولا الشاسيه يفتح او هى 1100 وسقتطلها 1800
اعزرنى لو معلوماتى مش زى معلوماتك فى ال bmw وخصوصا انك ركبتها لكنى مجرد كنت بفكر اشتريها زمان ورجعت فى كلامى

**taswos** · 04-08-2010 12:02 PM

تحياتى للجميع واحييكم فعلا على التواصل المستمر
ولكن كان بودى انى اجاوب معاكم لكن معلوماتى خفيفه جدا ومقدرش اجاوب عليكم لان ده يبقى افتاء بدون علم
ولكن اعتقد ان كلامك ياميزو سليم لانى لما حبيت اجدد الميكانيكى منصحنيش اعدل اى حاجة تانيه وهو عنده الكريدت مفتوح يعنى يغير اللى عايزة على حسب الاحتياج ومغيرش غير الحاجات اللى انا قلتها فى الاول

والموضوع للرفع

**super_waves20** · 07-08-2010 01:47 AM

المشاركة الأصلية كتبت بواسطة taswos

اتمنى انك تلاقى عربيه بالسعر اللى انت عايزة انا والله اتحطلى 22500 ولكن اختلفنا والسعر قابل للتفاوض انا ممبيعش عربيه محتاجة مصاريف نهائيا اللهم الا لتغيير زيت وفلاتر بعد الشراء

اسف على تاخير الرد
شكرا على ردك واتمنا انك تلاقى زبون بالسعر الى يرضيك
الموضوع فتح منقشات كتير عن العربية بس اقترح عليك اقتراح انزل بيها السوق زى ما هلاخ" محمود "
قالك وقلنا سعرها كام وعل فكرة من الواضح ان العربية بتاعتك معمول فيها شغل كهربا
ومحتاجة صالون جديد غير تظبيط المككنة الجديدة
يا ريت لما تنزل قولنا جابت كام حتى لو على الخاص مجرد استفادة ونتمنالك كل خير اكيد احنا اتحطينا فى مواقف بيع زيك
بس نصيحة لو عاوز الثمن الى انت بتقول علية ظبط العربية ككويس صالون وعفشة وماتور
وبشكر الاخ محمود علشان نور الموضوع

**mstool** · 07-08-2010 03:19 AM

حالتك عمرها ما تجيب اكتر من 18500 او 19 بالعافية جدا اقولك لية لان واحد صاحبى كان عارضها بسعر 22.5 و اعد عليها 3 شهور كان و مجبتش حالتة زى حالتك كدة من غير تغير كمان حاجتها الاصلية حالة نضيفة جدا
فى الاخر خلص فيها على 18 بطلوع الروح
اعرف تمن العربية و انزل بسعر يا باشا ياما لو مش جايبالك سعرها ياريت متبعهاش لانها عربية حلوة متتعوضش حتى لو مش بتركبها
لانك لو عايز فلوس بدالها مكنتش هكتب السعر دة من الاول على ما اعتقد
!!!!!!!!!!!!!
يعنى تعبيلى تليفون تمنة 1000 جنية ب 1400 جنية يبقى انا اشترية منك لية اصلا ؟؟؟

**taswos** · 07-08-2010 03:54 AM

والله متقبل ارائكم بروح طيبه ووالله لو بعتها الاسبوع ده هكتب سعر البيع على العام لكى يستفيد الجميع والسعر لن اخفيه عليكم مهما حصل
وبالنسبة لاحتياج المال الحمد لله العملية ماشية وربنا مايجيب زنقه تبيع الواحد عربيته
وانا مش هبي بأقل من السعر التحفظى اللى فى دماغى حتى ولو ركنتها فى البيت ده اصلا قانون فى حياتى انا هستفيد بكل قرش دفعته فيها وحتى لو كانت مركونه اهه اسمه عندى بى ام
تحياتى للجميع الموضوع للرفع

**mahmoud_anwar** · 08-08-2010 05:22 PM

المشاركة الأصلية كتبت بواسطة super_waves20

اسف على تاخير الرد
شكرا على ردك واتمنا انك تلاقى زبون بالسعر الى يرضيك
الموضوع فتح منقشات كتير عن العربية بس اقترح عليك اقتراح انزل بيها السوق زى ما هلاخ" محمود "
قالك وقلنا سعرها كام وعل فكرة من الواضح ان العربية بتاعتك معمول فيها شغل كهربا
ومحتاجة صالون جديد غير تظبيط المككنة الجديدة
يا ريت لما تنزل قولنا جابت كام حتى لو على الخاص مجرد استفادة ونتمنالك كل خير اكيد احنا اتحطينا فى مواقف بيع زيك
بس نصيحة لو عاوز الثمن الى انت بتقول علية ظبط العربية ككويس صالون وعفشة وماتور
وبشكر الاخ محمود علشان نور الموضوع

حبيب قلبي فينك ياباشا بقال فتره مش بتفتح خالص ليه كده
انتا قولت اغيب وعدولي ولا ايه