ارجو المساعدة من اصحاب تويوتا 2010 جنوب افريقى ضروررى جدا

يا جماعة انا خلاص هتجنن
كنت محتار بين سيفيك و كورولا بس اخترت الكورولا عشان السيفيك واطية واحنا عندنا شوية مطبات تودى فى داهية
وبعدين قلقان من الكورولا عشان سمعت بيقولوا مشاكل فى علبة الدركسيون و دواسة البنزين و فتيس الستيب ترونك)ام ام تى( مع انهم فى موديل 2010 منزلين الفتيس الاتوماتيك العادى
فانا عايز اعرف هل المشاكل دى موجودة ولا اشتريها وانا مطمن باذن الله طبعا
وسؤال تانى موديل 2011 بينزل امتى عشان ممكن استناه ولا لا
وهل يستاهل استناه ولا مش فارقة
ارجو منكم يا اهل الخبرة الرد سريعا والمساعدة عشان ما ازيدش فى الحيرة وشكرا
وهيا العربية سحبها كويس وثابتة ولا ايه

الفتيس mmt معدشي بينزل
والمشاكل اللي سمعتها دي هتلاقيها فرديه لن انا لم اسمع المشاكل دي في العربيه بصراحه من ناس معاهم العربيه من زمان
وبعدين لو لفيت في الساحة هتعرف وهيبان المشاكل المتكرره من المشاكل الفرديه

العربيه تمام وربنا يباركلك في فيها ان شاء الله
استخير وتوكل على الله لكي ترزق الخير بإذن الله

YouTube - Novo Corolla 2012

الحاجات ديه مش موجوده فى الكورولا و الفتيس ال mmt الناس مش عارفه تستخدمه بس هو ده الحوار

الكورولا طبعا لا خلاف عليها"

عن تجربتى علشان تتمتع بالكورولا هاتها أدفانسيد 2 إللى هى كامله أعلى مستوى وبالنسبه للفتيس موديل 2010 بينزل اتوماتيك عادى و2009 mmt محتاج تدريب على السواقه وقرائة شرح اعضاء المنتدى للفتيس وطريقة السواقه وخصوصا مشاركات المهندس سبعاوى ومبروك مقدما

انابرده يا جماعة بفكر فيها بس خايف بصراحة وبعدين انتوا بتقولوا الفتيس اوتوماتيك عادي .....
يعني مش ستيب ترونيك ؟؟؟؟؟؟؟؟
وياريت لو حد يقولي سعرها كلم وفيها كام فئة؟؟؟؟؟؟
وجزاكم الله كل الخير

كرولا 2010 1600 مستويين 145 و160 الف...ناقل حركة اتو عادى جدا..........اذا كنت مستعجل هات المستوى الاعلى ..مش مستعجل انتظر بعد العيد احتمال كبيراجدا هينزل موديل 2011 وهو افضل اكيد من 2010 بسبب التحسينات والاضافات.....تحياتى

توكل على الله وهات الاوتوماتيك وياريت يكون الهاى لاين لانى فرق ال 15 الف مش يساوى اللى تاخده
1- جنوط الومونيوم (4)
2- مراية اوتودايمينج
3-مفتاح سمارت كى
4- 7 وسائد هوائية زيادة
5- رشاشات امامية لتنظيف الزينون
6- تكييف تاتش اوتوماتيكى

بالنسبة للاختلاف فى الموديلات انا جبت مانيوال هاى لاين 2009 ب 138 الف وبعد كده نزلت 2010 ب 150 الف ولا يوجد اى فرق سوى سرعة سادسة فى الفتيس والعربية معايا بقالها سنة والحمد لا يوجد اى شكوى حتى هذه اللحظة بالاضافة انى ليا صديق بالعمل اشترى الاوتوماتيك 2010 وبرده الحمد لله طاير بيها الهاى لاين وليا صديق اخر ينوى الشراء خلال هذا الاسبوع وطبعا كلهم جربوا فيا الاول وكلهم ساعدتهم فى الشراء من خلال خبرتى مع العربية وغير كده ليا صديق فى المبيعات بالتوكيل بالتجمع الخامس وسلمتهم العربية فى 3 ايام

ارجو انى اكون افدتك وربنا يوفقك ويهديك للاصلح ليك ولاسرتك

لكن موديل 2011 مش بعد العيد مثلا ولا هوا فى السنة الجديدة2011

موديل 2011 هينزل في شهر 9
هي عربية حلوة
بس الفتيس عايز تدريب على السرعات كويس
وتعرف امتى تخلي العربية تبدل..
عايزة فن في السواقة
هات g67
ال يهي الهاي لاين ب 160000 الف جنيه
بس حلوة موت

الفتيس سيكون اتو عادى