السلام عليكم
انا عندي لادا 2107 وكنت بافكر اغيرها بنيفا
لان الشوارع في القاهرة بقت كلها مطبات وحفر
مع العلم اني مشاويري كلها مابين القاهرة والاسكندرية
فياريت اعرف رايكم
وشكرا
عرض للطباعة
السلام عليكم
انا عندي لادا 2107 وكنت بافكر اغيرها بنيفا
لان الشوارع في القاهرة بقت كلها مطبات وحفر
مع العلم اني مشاويري كلها مابين القاهرة والاسكندرية
فياريت اعرف رايكم
وشكرا
2107 عملية اكتر طالما مفيش سير فى مدقات
شكرا علي نصيحتك
وفي انتظار باقي الاراء
هى النيفا محترمة فى المدقات و عملية جدا فى المدقات و الزحمة بس على السرعات العالية ما تعديش بيها ال 110 كم عشان بتبقى خفيفة جدا و المطبات ممكن تخليها تحدف , هى السرعة القصوى بتاعتها 130 كم بس كعربية خدمة شاقة إن شاء لله مية مية.
و فيها ميزة إنها عالية و الناس بتعاملها معاملة النقل فبيصبروا عليك أو يبعدوا عنك قليل اللى بيزمرلك عشان تجرى.
و حيث إنك لادا قديم فانت عارف مشاكلها نفس مشاكل اللادا بالملى.
لو حتجيب زيرو هى 1700 سى سى و ترخيص السنة 1100 جنيه.
أهم حاجة لما تجيبها إن شاء الله تغير مية الريداتير بمية موبيل الخضراء و هى مركبين فيها 2 مروحة 8 ريشة و إنجكشن و باور فمعظم عيوب النيفا القديم مش موجود فى الجديد بإذن الله.
و حتحتاج تروح لسمكرى عشان يركب كارتيرة تحت الرفارف عشان المية ما تطرطش على الصاج تحت الرفرف.
و ربنا يوفقك بإذن الله.
انا اللي عاجبني فيها انها عاليه وقويه
بس انا كنت عايز اشتري نيفا مستعمله 1600 علشان الضريبه تكون اقل وكمان روسي
لان الناس بتشكك في النيفا الجديدة اللي بتتجمع في مصر وبتقول انها مش في تفس كفاءة الرروسي
متهيالي كده يبقي اللادا 2107 موديل 98 احسن في الحاله دي علي الاقل انعم شويه من نيفا القمانينات
انا متشكر جدا علي مشاركتك
تحياتي
طبعا لادا 2107 98 افضل من نيفا تمانينات خصوصا ان 98 بتاعتك وعارف اللى فيها بس على فكرة ممكن تكون عربية قديمة وحالتها احسن من عربية احدث
واكيد 2107 احسن من النيفا فى السفر من حيث الثبات