الموضوع: التوكيل والفروع والصيانات سؤال مهم لكل مالكين كيا

سؤال خطر في بالي بما اني من ملاك كيا ملحوظه (الخليجي)

بس بفضل اعمل الصيانات ف التوكيل وعملت صيانه الالف ف التوكيل ابو رواش وسافرتله مخصوص

وعملت صيانه ال 5 في فرع معتمد لكيا ف المنصورة عيسي للسيارات الي واخد توكيل تاني بتاع اسبيرانزا

و صيانه ال 10 الاف برده عملتها هناك

وبما ان ميعاد صيانه العشرين المفروض اعملها النهارده بالكتير قوي بكرة جه علي بالي السؤال ده

اولا هل يتم فحص ال 27 نقطه الي اتقال عليهم قبل كده في موضوع التوكيل وصياناته واسعارة وبيتعمل فيها ايه

كل صيانة مجانية تشتمل على 27 نقطة فحص مجانية و هي الأتيه

أسفل غطاء المحرك :

1 - مراجعة و فحص كالون الكبود
2 - مراجعة مستوى السوائل
3 - مراجعة و فحص بالنظر اي اجزاء مفكوكة او مفقودة
4 - مراجعة خراطيم البخر و التهوية
5 - مراجعة حـــــالة السيور
6 - مراجعة كفاءة مروحة التبريد
7 - مراجعة حالة البطارية و توصيلاتها

رفع نصف السيارة

8 - مراجعة التيل و الطنابير الأمامي
9 - مراجعة التيل و الطنابير الخلفي
10 - مراجعة حالة الإطارات و ضغطها بالإضافة الى الإطار الإحتياطي

أسفل السيارة

11 - مراجعة خراطيم ومواسير الفرامل
12 - مراجعة خراطيم ومواسير البنزين
13 - مراجعة الشكمان ومواسير الشكمان
14 - مراجعة علبة الدريكسيون و الوصلات و الكوتشات و المساعدين
15 - مراجعة مسامير و صواميل الشاسيه
16 - مراجعة الكبالن و الكاوتشات
17 - مراجعة تسريب اي سوائل

السيارة على الأرض

18 - مراجعة عزم صواميل رباط العجل
19 - مراجعة البدالات
20 - مراجعة فرامل اليد
21 - مراجعة عمل التكييف
22 - مراجعة السنتر وزجاج الكهرباء
23 - مراجعة الكلاكس و الأنوار
24 - مراجعة حزام الأمان
25 - مراجعة العدادات و المساحات
26 - مراجعة فتح و غلق الشنطة و الأبواب باستخدام المفتاح و نظام أمان الأطفال
27 - مراجعة المحرك على الجهاز

بعد ما نقلتلكم النقط الي المفروض بيراجعوا عليها

ازاي اضمن وانا ف توكيل ومبشوفش عربيتي ولا بعرف راجعوا وعملوها ولا لا

ولو انا استقربت ونزلت المنصورة اعمل في فرع معتمد زي عيسي الصيانه الي واخد توكيل سبيرانزا يعني بيصين عربيتين

ازاي اطمن ان كل ده بيحصل

وازاي اطمن علي عربيتي معاهم لما ادخلها الصيانه

حبيت اسالكم زي مانا بالي مشغول بالموضوع ده


سؤال جانبي علي هامش الموضوع انا عايز اعرف البوجيهات بتاع السيراتو الي عندهم وبيغروها حلوة ولا في نوع تاني ممكن اجيبه انا واخليه يغيرهولي لاني داخل علي صيانه ال 20 الف يعلي الادء ويظبط السحب ويظبط الاستهلاك للبنزين