الموضوع: دكتور السنان و العدوى (فوبيا ملهاش لازمة)

هل فيه جهة رقابية من وزارة الصحة على عيادات الاسنان وما يجب عليهم عمله من تعقيم ادوات وتجهيزات العيادات

المشاركة الأصلية كتبت بواسطة أحمد كمال

و محلات العصير و عربيات الكبدة هتجيب typhoid أو Hepatitis A أو تسمم غذائي ...... انما عمرها ما تنقل Hepatitis B, C, HIV و دول اللي الناس مرعوبة من انتقالهم من دكاترة السنان

و لو ما كانتش عيادات الاسنان فيها high risk of infection ماكانتش بنوك الدم رفضت التبرع من المتبرعين اللي تعرضوا لعلاج أسنان خلال الست شهور الماضية ..... و بنك الدم ده اللي ماسكينه أطباء مش عوام يعني اكيد الرفض ده لسبب قوي .....

اولا حضرتك عندك مفاهيم كتير غلط الله اعلم جبتها منين بس فعلا هى موجودة عندك
مين قال لحضرتك ان HBV مابتنقلش من الاكل الملوث بيه زيه زى HAV او حتى من مجرد التعامل مع اى حد مريض بيه .... الفيروس ده موجود فى كل ال bodyfluids عشان كده ممكن لو حد مصاب بيه و (تفتف) عليك و انت بتتكلم ينقلهولك .... عموما فى محلات العصير و عربيات الكبدة مابيعقموش اطباقهم اللى بتبقى contaminated من ناس كتير قبليك
اقل disinfectant بيستخدم فى عيادات الاسنان بيقتل virs c,b نهائيا و كل الناس عارفة ال alcanole و ده حتى من غير تعقيم فما بالك بالتعقيم اللى بيحصل بعد غسيل الادوات و مسحها ب Disinfectant الاول
و معلش انا اتنرفزت جدا لما انت كتبت ان بنوك الدم بترفض التبرع من اى حد عالج سنانه فى اخر 6 شهور
جبت الكلام ده منين ؟؟؟؟؟ انا دكتور اسنان و بتبرع بدمى كل سنة تقريبا .... و بعدين هو اللى هايجيله HCV ولا HIV هايروح منه بعد 6 شهور و يبقى انسان طبيعى ؟"؟؟؟؟
و بعدين فى العالم كله الناس لازم بتروح لدكتور الاسنان على الاقل كل 6 شهور حتى لو ماعندهمش اى حاجة فى اسنانهم لمجرد الاطمئنان عليها و فى ناس اعرفها كتير بتعمل كده و ده لان السنة اللى بتقع عمرها مابتتعوض حتى لو زرعت مكانها ... اللى خلقه ربنا مافيش احسن منه

المشاركة الأصلية كتبت بواسطة BLOODY_STONE

مفيش حاجة بتتعقم 100% لأن في Bacterial spores بتبقى resistant جامد و لازملها اوتكلاف مش اقل من ساعة و ده مستحيل طبعا ..

كلام حضرتك مظبوط بس فى حتة ان مافيش جهاز تعقيم لحد دلوقتى بيعقم 100%
بس فى نقط كتير ضاعت منك .... اى فيروس عشان يصيب الانسان لازم يدخل الجسم بكمية معينة عشان يقر يكسر جهاز المناعة و يبدأ يتكاثر و يقوم بشغله كفيروس فى الجسم ... النسب بتبقى فاضلة من التعقيم بتبقى حاجات شبه مهملة و لا تشكل اى خطورة على اى انسان و فى اختبارات بتتعمل على اى جهاز تعقيم كل فترة للتأكد من كفائته

المشاركة الأصلية كتبت بواسطة MOSTAFABASAL

دكتور الاسنان مظلوم جدا جدا جدا
منظمه الصحه العالميه اعلنت ان دور طبيب الاسنان في نقل العدوي الفيروسيه رقم 13
وان رقم 1 هوه الحلاق و رقم اتنين حاجه مفزعه!!!!
جراحات المناظير على اساس ان التيوب بتاع المنظار تمنه غالي اوي و لو دخل الاوتوكلاف بيبوظ بسرعه شديده و عشان كده بيتغسل بالمطهرات و المنظفات العاديه وده مش كافي و طبعا مين دكتور ولا مستشفى هتغير التيوب كل تلات ولا اربع عمليات بمبلغ وقدره
بقيت ترتيب نقل العدوي مش فاكره بس دول اكتر حاجه لفتت نظري في المقال

و اللى اكتر من جراحة المناظير كمان اجهزة غسيل الكلى .... لأن دم الانسان بيعدى كله داخل الجهاز و صعب جدا انك تعقمه .... و ده اكتر سبب لانتشار HCV فى مصر

المشاركة الأصلية كتبت بواسطة icehearted girl

هقول كلام يا دكتور الله يكرمك تاخده بصدر رحب

انا واثقة تماما من تعقيم ادوات اي طبيب اسنان بروحله لانه ببساطه زي مقلت حضرتك مش هيأذي نفسه وغيره بقصد

انما بعد مأخدت كورس infection control

للاسف لقيت بلاوي فعلا عند ناس كنت بحسبهم علي خير

حاجات بسيطة وممكن فعلا تعدي من غير ملواحد ياخد باله لكن لما ركزت قلقت

يمكن خلعت ضرسي من سنتين تلاتة ولحد دلوقتي مركبتش مكانه بسبب الموضوع دا

دا غير اني لما كنت بروح باستمرار كان كل شهرين تلاتة اعمل تحليل لفيروس c لاني مطعمة ضد b

ربنا يحفظنا ميعا ويحفظك ويحفظ مرضاك

من المؤسف انى اسمع الكلام ده من حضرتك خصوصا انك زى مابتقولى واخدة كورس Infection control يعنى المفروض تكونى فاهمة عن كده و عموما دى حريتك الشخصية و انتى حرة فى اللى تعمليه

المشاركة الأصلية كتبت بواسطة dode2002

ليست قاعدة واجبة التعميم
فيه دكاترة اسنان محترمين وفيه ناس منهم ااااااااااااااااااااااسف حلاقين
المحترم الي بيخاف علي مريضه اروحله والي غير كده ولا اعبره انتم تعرفوا انا كنت مره بشوف سناني لاني بتابع بصفه دوريه علي اسناني للاطمئنان واحد صاحبي قالي روح لفلان اول مجلست وفتحت فمي حط ايده في فمي بدون جونتي قمت ومشيت واعتذرت ليه
واحد معرفه كان مسافر راح يحلل اكتشف فيرس سي وعمره معمل عمليه ولا اي شئ غير انه راح خلع ضرس من كام شهر وعلي فكره مبيروحش لحلاقين بيحلق شعر ودقن في البيت
فيه المحترم والغير محترم كبقية المهن

و انا معاك جدا فى الموضوع ده و فى مهنتى شفت بلاوى من دكاترة كتير
عشان كده من حق اى مريض يدخل لاى دتور انه بتطلع اولا على برنامج التعقيم و الادوات اللى فى العيادة كلها
و اكيد الناس تقدر تفرق بين الدكتور النضيف و الدكتور اللى لامؤاخذة ( وسخ )