الموضوع: دكتور السنان و العدوى (فوبيا ملهاش لازمة)

نخلص بقى الموضوع ده عشان بتغاظ قوى ان واحد يقوللى الخاجة دى معقمة يا دكتور على اساس انى عايز اموته مثلا ولا مش بخاف من ربنا
لو الدكتور الخروف معقمش ادواته ممكن حتى قبل ما يشتغل على مريض تانى يتشك و يتنقله المرض

من حق المريض يا دكتور انه يعرف حالته ويعرف مدى التعقيم اللي حضرتك بتستخدمه

افتكر يا دوك ان علاقة الدكتور بالعيان 4:Doctor patient relationship

1. Master & slave واضح ان حضرتك بتمشي بالمبدأ دا ::: لو سافرت بره مفيش حد يسمح لك انك تمشي بيه
غير مسموح التصرف بهذا الاساس الا في حالات الغيبوبة وكمان تكون في حالة طارئة يعني واحد في غيبوبة وبيموت واهله مش موجودين
دي الحالة الوحيدة اللي حضرتك تقرر وتكون الآمر الناهي ومش من حق المريض مجادلتك (اصلا هو في غيبوبة)

2. Teacher & student
الطبيب بيعلم العيان والعيان من حقه انه يسأل وواجب على الطبيب انه يرد
بيحصل في الحالات العامة والعلاج الجماعي اللي بيحصل في مصر في المستشفيات العامة ومكاتب الصحة
مش من حقك تمد ايدك الا بموافقة كتابية كاملة

3. Consultant
العيان رايح للطبيب عشان يحصل على استشارة وبعدها على خدمه من حقه انه يسأل ويتجاوب على اي حاجه
وجود المريض في العيادة هي موافقة ضمنية قانونية على الكشف وعلى الاجراءات الجراحية البسيطة (طالما ان المريض واعي)

4. Friend
اصدقاء الطبيب والمريض عباره عن صديقين وقاعدين على القهوة بيسألوا على حاجه (من عينة انا جالي امساك من اسبوعين بس راح) والكلام اللي بيتقال غير ملزم للطرفين


مش عارف ليه حضرتك ماشي بالنظام الاول رغم ان العيانين جايين برجليهم وفايقين


معتقدش ان من حق اي طبيب مهما كان انه يتهجم على مريض عشان بيسأله الحاجه دي متعقمة ولا لأ!!!

انا كنت من اسبوعين عن دكتور عنده 80 سنة ومش حعرف اقول على اسمه
تقدر تقول عليه استاذ استاذ استاذي وكان محضر دكتوراه واستاذ جامعة لما كان ابويا بيروح المدرسة

الكشف ب 400 جنيه دكتور جلدية بالمناسبة والسبب (فسفوسة)

طبعا عايز اقولك اني جبت واسطه عالية عشان يقدر يكشف عليا في اليوم ده لأن الحجز بعد شهرين

وهو بيشيلها سألته هو الجفت ده متعقم ؟؟؟؟
قال ايوه!!
قلت له : متعقم بايه يعني عشان بعمل دبلوما في مكافحة العدوى
قالي بالاوتوكلاف
قلت له بس الاوتوكلاف مش مستحب في المعادن عشان بيبوظها بعد فتره !!!
قالي الشاش والدريسنج بالاوتوكلاف والجفت بالhot air oven
قلت له تقدر حضرتك تتفضل تشتغل !!!!!!!

ولو كان بس برطم ان سنه اد سني 3 مرات كنت حرفض اجراء اي حاجه لاني مش خروف يتم دبحه

اناماشى بمبدا اللى بيحمى الناس ربنا بيحميه

ونعم بالله بس مينفعش في الطب
انا في داخلي كأخصائي عدوى ساعات بحس ان كلمة بسم الله الرحمن الرحيم ليها microbicidal activity
بس عمري ما حقلل التطهير والنظافة واقول بسم الله وآكل

الزملاء الأعزاء
احمدوا ربنا انكم عندكم مواد بتعقموا بيها الحاجات والا كان حيتعمل فيكم كده زي زمان
(من كتاب History of sterilization)


Another method once earnestly suggested for getting rid of microorganisms
was to expose the hands to a hot-air cabinet to “sweat the
germs’’ out of skin glands.


Pasteur himself advocated a quick flaming of
the hands to maintain asepsis
يعني يمسك ايدك ويعديها مرتين تلاتة كده على النار (يقمروها يعني)
باستير دا لو شفته حقتله (مع انه Father of microbiology)
.
.
More than a hundred years ago, before sterile gloves
, the hands remained bare during surgery. Realizing
the danger from microbes, medical practitioners attempted to sterilize
the hands of surgeons and their assistants to prevent surgical infections
.
Several very painful stringent involving strong
chemical germicides and vigorous scrubbing.

.
In Schatz’s method,
the hands and forearms were first cleansed by
brisk scrubbing with liquid soap for 3 to 5 minutes, then soaked in a saturated
solution of permanganate at a temperature of 110°F until they
turned a deep mahogany brown. Next, the limbs were immersed in saturated
oxalic acid until the skin became decolorized. Then, as if this were
not enough, the hands and arms were rinsed with sterile limewater and
washed in warm bichloride of mercury for 1 minute.

الكلام مش محتاج ترجمة بيمسكوا الدكتور يغسلوها بمحلول مطهر مع الحك المستمر
وبعدين يحطوا ايده في برمنجنات سخنه لغاية ايده ما تبقى بني (لاحظ انهم اصلا بيض يعني الدكتور بيتحرق قبل كل عملية)
وبعدين في حمض لحاد لون الايد نفسه ما يروح وبعدين يغسلوها ماء الجير

بعدين بقى ياخدوها فمين بالزيبق (اكيد كل الاطباء ساعتها كانوا بيدخلوا باطنة مش جراحة)

Park’s method (more like a torture).
First, the surfaces
of the hands and arms were rubbed completely with a mixture of
cornmeal and green soap to remove loose dirt and superficial skin. Next,
a paste of water and mustard flour was applied to the skin until it began
to sting. This potion was rinsed off in sterile water, and the hands

طبعا دي كانت تعذيب في تعذيب
انتوا واخدين بالكوا ان مفيش دكتور كان بيعترض على اجراءات التعقيم اللي هي اشبه بالتعذيب ومحاكم التفتيش رغم انهم كانوا في العصور الوسطى والناس كلها جهلة ؟؟؟

مفيش حاجة بتتعقم 100% لأن في Bacterial spores بتبقى resistant جامد و لازملها اوتكلاف مش اقل من ساعة و ده مستحيل طبعا ..

لا فيه طبعا تعقيم 100 %

1. الحويصلات البكتيرية بتموت ونص بس في الاوتوكلاف او بالاشعاع او بغاز التعقيم
2. ساعة في الاوتوكلاف دي تدمر معظم الاشياء وممكن الاوتوكلاف ينفجر
اقصى اوتوكلاف بيقعد 40 دقيقة وعلى الحاجات اللي محتاجه تعقيم 100 % زي الحقن الوريدية والقطرات

ثواني ...... يعني تيوب المنظار في مستشفى نضيفة زي دار الفؤاد مثلا ..... ما بيتغيرش و لا بيخش الأوتوكلاف ؟؟؟؟؟؟؟؟؟؟

قاعدة عامة لاستخدام الحرارة في التعقيم : مينفعش تستخدم مع اشياء تتضرر بالحرارة
الحل: التعقيم البارد
1. الغاز : ethylene oxide اللي متعقمه بيه كل الحقن في مصر
2. الاشعاع : محتاج عناية ومحتاج دولة مش لسه بتتخانق حتبنى المفاعل بتاعها فين
3. الفلاتر : طبعا للسؤائل بس
4. المطهرات : لازم تكون رتبة "Grade A اللي بتموت الفيروسات والبكتيريا ولو قوية جدا زي الفنيك بالحرارة ممكن تموت الحويصلات

حضرتك عندك مفاهيم كتير غلط الله اعلم جبتها منين بس فعلا هى موجودة عندك
مين قال لحضرتك ان HBV مابتنقلش من الاكل الملوث بيه زيه زى HAV او حتى من مجرد التعامل مع اى حد مريض بيه ....

رابع المستحيلات ان فيروس بي ينتقل عن طريق الاكل رابع المستحيلات رابع المستحيلات

الفيروس ده موجود فى كل ال bodyfluids عشان كده ممكن لو حد مصاب بيه و (تفتف) عليك و انت بتتكلم ينقلهولك

الحالة الوحيدة اللي اعدي فيها طريقة زي كده
1. انه يتف عليا 7 لتر تفافة
2. اني اكون واخد 20 طعنه في وشي وبخر دم يعني برضه رجعنا لانتقال الدم والجراحات

و معلش انا اتنرفزت جدا لما انت كتبت ان بنوك الدم بترفض التبرع من اى حد عالج سنانه فى اخر 6 شهور

كلام صحيح ايوه بيترفض ولو مزنوق بنك الدم بيعمل عليها اختبارات معملية مش اختبارات اولية

جبت الكلام ده منين ؟؟؟؟؟ انا دكتور اسنان و بتبرع بدمى كل سنة تقريبا .... و بعدين هو اللى هايجيله HCV ولا HIV هايروح منه بعد 6 شهور و يبقى انسان طبيعى ؟"؟؟؟؟

لسه في فترة حضانة المرض incubation period يادوبك Antigenemia
او في window gap لو بنتكلم على فيروس بي

و بعدين فى العالم كله الناس لازم بتروح لدكتور الاسنان على الاقل كل 6 شهور حتى لو ماعندهمش اى حاجة فى اسنانهم لمجرد الاطمئنان عليها

مصر من اكتر المناطق الموبوءه بالعالم بفيروس سي
نسبة فيروس سي النسبة الرسمية 9 في الميا (المعلومة دي من مركز تدريب وزارة الصحة واتحاد الاطباء العرب)
النسبة الغير رسمية (30 % )

يعني لو منتدى نايل موتورز فيه 60 الف عضو
فيه 20 الف واحد من اصحابنا عنده فيروس بي او سي وحيموت بالفشل الكبدي او السرطان

و اللى اكتر من جراحة المناظير كمان اجهزة غسيل الكلى .... لأن دم الانسان بيعدى كله داخل الجهاز و صعب جدا انك تعقمه .... و ده اكتر سبب لانتشار HCV فى مصر

طبعا اجهزة غسيل الكلى ممكن تنقل اي فيروس في الدم
بس حكاية انه اكتر سبب لانتشار HCV في مصر غير صحيحة

اكتر سبب هو البلهارسيا لانه تم اكتشاف الفيروس في البلهارسيا
ثاني حاجه الحقن الازاز بتاعة زمان
وطبعا الحلاقين مع العلم برضه ان اي جراحة بتكون bloody اكتر من الحلاق
يعني برضه الجراحين (من اول جراحة المخ والاعصاب مرورا بالانف والاذن والحنجرة والنسا والتوليد وانتهاء بالمسالك والاسنان كلهم ايوه ممكن ينقلوا اي فيروس)

و منكم نستفيد .... بس مع احترامي هي مش غلط و لا حاجة
مش معنى انه في ال body fluids كلها يبقى انه بيعدي بيها
ما ال HIV موجود في كل ال fluids بما في ذلك الدموع و اللعاب ..... بس مش بيعدي بيهم .......
HAV بيتنقل عن طريق ال Fecal-oral route ..... يعني من الاخر واحد معفن دخل الحمام و اتشطف و ما غسلش ايده كويس و هو كان infected و خرج حضر أكل و الزبون اكل بالف هنا و شفا و اتعدى
HBV بيعدي عن طريق الدم بس ..... اصلا لو واحد تفتف دي مستحيلة

كل الكلام ده صحيح