الموضوع: عاوز اعمل شوية حجات ضرورية فى عربيتى البولو 2001

المشاركة الأصلية كتبت بواسطة smalltoto

السلام عليكم ورحمة الله وبركاته

وكاعادتى هصدعكم بموضوع جديد عن عربيتى البولو 2001 واتمنى الاهتمام والرد

انا الحمد لله حصلت على مبلغ محترم وعاوز اظبط العربيه واكمل السيرفس

1- الزيت

يا جماعه انا تقريبا العربيه ماشيه فى مرحلة الخطر عشان الزيت المفروض يتغير وانا لفيت موضوع زيت كاسترول ومرستش على نوع زيت معين والعربيه كان فيها موبيل xhp عامل 2000 كيلو تقريبا والمفروض يتغير فياريت يا جماعه عاوز اعرف اجيب ماجنيتك ولا ايدج ولا ايدج سبورت
أيدج
2 - زيت الجير

عاوز اكشف عليه عشان فجأه كده بقى يظهر صوت بصيت لما اجى اجيب مارشدير مكنش بيطلع فى الأول فعاوز اطمن
أكشف عليه لوناقص زوده
3- الفلاتر

عاوز اغير الفلاتر اللى بتتغير دى كلها وتكلفتها
فتر هوا 65ج فلتر بنزين اصلى 75ج فلتر زيت اصلى 50 ج فلتر تكييف ب 80 ج
4 - مياه التبريد

عاوز احط للعربيه مياه التبريد بتاعتها عشان الجو زباله وانا بحطلها مياه من الحنفيه واظن انه ده غلط
مياه هيبو أو جى 12 فولكس الأصلى ولو هيبو بتجيب واحده لترو نص وتكمل بمياه مقطره لو فولكس بتجيب 3
5 - فرش الكراسي

عاوز اعمل فرش للكراسي يكون كويس عشان الفرش الاصلى هيتبهدل
عندى سروجى محترم بس شماط وفى الهرم
6 - ضبط الزوايا وتربيط العفشه

كزه واحد ركب العربيه قالى دى عاوزه تظبط زوايا وتربط عفشه
دى امرها سهل وعايزه حد بتاع زوايا كويس وفى بريدج ستون اللى فى عباس العقاد
7 - زرار زجاج اكهرباء السائق بيعلق وشكله زباله عاوز اجيب زرارين حلوين على اد الفتحه بالظبط لان اللى راكب تقريبا اصغر من الفتحه وشكله مش تمام
الزراير دى مش بتاعتها بتاعت الموديل اللى قبلها وكدا الأزاز دا راكب مش فابريكه



8 - الكاوتش والنيتروجين والحجات دى
رأى خاصموضوع النيتروجين دا فاكس أفضل نوع كاوتش بريدج ستون يابانى بوتنزا
9 - صوت الفرامل

انا عندى لما يكون الجو حر وفى اشاره مثلا لما بقعد اتحرك 5 سم واقف واتحرك بسمع صوت صفاره عند الضغط عالفرامل لكن غير كده مش بتعمل صوت
دا عيب تيل وممكن يكون فى تراب بين التيل والتانبوره
10 - البنزين

بالنسبه للبنزين انا بحط 90 هل ده كويس ولا احط 92 وهل بتفرق اوى ؟؟
أقل واجب على الموتور اللى معاك 92 غير كدا العربيه سحبها وأدائها مش هيبقى حلو ولو جربت ال 95 هتحس انك راكب عربيه تانيه
11 - فرش الباب

هو انا لو عاوز اجيب فرش للبيبان لون تانى يتكلف كام لاحسن اللى عندى فى باب منهم متقشر ولونهم نفس لون العربيه فشكله وحش
ممكن يتغير بس المهم تلاقى طقم نضيف استيراد
.... ميكانيكى

عاوز ميكانيكى قريب اتعامل معاه عشان اللى اعرفه فى الحرفيين فاتمنى لو اعرف حد قريب يكون كويس
للأسف معرفش اذا كان فى حد فى شبرا ولا لأ

يارب ماتكونوش اغمى عليكم من كتر القراءه فى الجو الحر ده

وفى انتظار مساعدتكم

أى خدمه

المشاركة الأصلية كتبت بواسطة m.mostafa80

أى خدمه

الله على خدماتك اللى مغرقانى يا استاذ محمد
شكرا جزيلاا وجزاك الله كل خير
وان شاء الله الحجات كلها تتعمل عشان الواحد يرتاح من همها شويه
بالنسبه لأيدج اجيبه منين وكام كيلو افضل ؟

المشاركة الأصلية كتبت بواسطة mesho_kimi

بعد كلام محمد مش لاقى حاجه :))

بس انا شايف تعملهم حاجه حاجه عشان حتتكلف كتير اوي

انا الحمد لله حصلت على مبلغ كويس وأظن انه يغطى تكاليف الحجات دى كلها فبصراحه عاوز انجز العربيه عشان تبقى عروسه حلوه كده
وشكرا جزيلا على المشاركه فى الموضوع :)

وبالمناسبه للميكانيكى يا استاذ محمد مش شرط يكون فى شبرا
انا كليتى فى شارع الهرم - تربية رياضية
فلو فى اى حد خارج شبرا كويس وموثوق فيه عادى جدا

.... تحديث

انا اتصلت بالفاخورى فى الحرفيين عشان اسأل على زيت كاسترول ايدج
قالى موجود ال 4 لتر ب 270 جنيه وفاتحين ل 11:30 مساء

وان شاء الله هروحله اجيبه

طب تحديث تانى

روحت امبارح وغيرت الزيت لكاسترول ايدج 10.000 ب 270
وفلتر زيت ب 55
من الفاخورى


وزودت زيت الفتيس بزيت كده 90 التعاون الميكانيكى هو اللى طلبه
وحط العربيه على جهاز كده عامل زى الاتارى صغير وفيه شاشه صغيره زى بتاعة الاله الحاسبه وطلع فيها شوية كلام وبس
المره الجايه هجيب مياه التبريد وفلتر الهوا والبنزين عشان الكاشات مكفتش

ياجماعه لما بقيت بدوس فرامل حوالى نص دوسه يعنى بتعمل صفاره
لكن لو دوست دوسه كامله او جامده مش بتعمل صفاره
اغير التيل واخلص ولا ايه ؟؟
ولو انا ماشي فى حته هاديه جداا وشارع متعرج بسمع زى حاجه بتزيق او حاجه زى الشخاليل ( ههههههه مش عارف اوصفه بصراحه )
بحسها من ادام واليمين

يا جماعه ياريت تتابعو المشاركات الجديده فى المواضيع المشترك فيها
*من ساعة ماغيرت الزيت حسيت ان صوت الماتور نعم وكل حاجه
لكن اول مادور العربيه بيبقى فى صوت زنه غريبه جدا فى الماتور وبتفضل تروح وتيجى لغاية اما امشي بالعربيه شويه وخلاص الصوت يروح تكون المشكله من ايه ؟؟
وعندى سؤال تانى
هو الماتور المفروض بياخد اد ايه زيت ؟؟
لأن الولد اللى فى الصوره اللى غير الزيت حط الجركن (4لتر ) كله بجانب زيت فلاش بتاع الشنبر تقريبا
وانا اسمع انها بتحتاج 3.5 بس يكون ده سبب الصوت ولا ايه ؟؟
والجير اول ماجى اطلع بالعربيه واجى اجيب المرشدير يعمل صوت لكن بعد كده مفيش يكون من ايه ؟؟

اتمنى تتابعووونى