السلام عليكم ورحمة الله وبركاتة
اخوانى الكرام عندى زجاج السيارة مجير مهما مسحت فية ودة بيعملى مشاكل فى الرؤية خاصة باليل هل لة حل او علاج عشان يبقة زجاج شفاف وواضح للرؤية ولا يتغير احسن وشكرا ليكم
عرض للطباعة
السلام عليكم ورحمة الله وبركاتة
اخوانى الكرام عندى زجاج السيارة مجير مهما مسحت فية ودة بيعملى مشاكل فى الرؤية خاصة باليل هل لة حل او علاج عشان يبقة زجاج شفاف وواضح للرؤية ولا يتغير احسن وشكرا ليكم
انا عندى نفس المشكله
الافضل غيره
لأن كل صنايعيه الزجاج حيقولولك كده علشان يكسبو
الناس اللى شغالة فى الزجاج عندهم اسلوب غسيل زجاج بيخلوه بيرجع جديد انا سالت الاسطى قالى كده و ده بيبقى بحوالى 40 جنيه و بياخد نص ساعة
ممكن تروح لوحد و تسال عن الموضوع ده
ياباشا هات ملمع تابلوة بدون رائحة , ورشة على الزجاج وورق جرايد واشتغل هتلاقى الزجاج بقى زى الفل
فية عبوة لونها اصفر ومعاها اسفنجة تمنها 10 جنية بتقعد كتير اوى هاتها وشوف الفرق لانى مجربها عندى يعنى مش بقولك كدة وخلاص
لا دى حصلت فى العربيه ال28 ربنا يرحمها ويغفر ليها
ودى كانت اثار المساحات لانها وهى بتمسح بتسيب طبقة ربر على القزاز وهيه اللى بتعمل كده
اليك الأتى من غير تريقه عشان هعور اللى بيتريق :)
جبت فيرى اللى بنغسل بيه الحلل و الطباق (ياريت يكون باليمون عشان رحته يفوقك لأن الطريقه متعيه حبتين)
سلكة المونيا من الرخيصه مش من الغليه عشان اخشن
دخل العربيه الجراش عشان محدش يشوفك ويقول عليك اتجننت
ادلق الفيرى على القزاز وخليه بيور من غير ميه
ادعك لحد اما تعيط او اعملها على يومين لانك ممكن تفيص وأنت بتدعك
على قد ماتدعك على قد ما يطلعلك عفاريت اقصد على قد ما يلمع
وماتخفوش عمره ما هيتخربش
شكرا على الرد والافادة