عندى غطا القربه بيسرب مياة
وروحت كبست على دورة التبريد الميكانيكى قالى العيب فى الغطا اشترى واحد المانى بيركب على الانوس
اشتريت واحد جديد ثمنه 25 جنيه ومع ذلك برضوا المياة نقصت
العيب فين فى القربه .....ولا فى الغطا مع ان ده ثانى غطا اجيبه
عرض للطباعة
عندى غطا القربه بيسرب مياة
وروحت كبست على دورة التبريد الميكانيكى قالى العيب فى الغطا اشترى واحد المانى بيركب على الانوس
اشتريت واحد جديد ثمنه 25 جنيه ومع ذلك برضوا المياة نقصت
العيب فين فى القربه .....ولا فى الغطا مع ان ده ثانى غطا اجيبه
خراطيم ووصلات الريدياتير عندك مربوطه ومحكومه كويس وتحتها سيليكون حراري ؟
انا عملت كبس على دورة التبريد ومافيش تسريب
اصل اسباب نقص الميا تعتبر محصوره ومعروفه
1- غطاء قربه بيسرب
2- وصله مشقوقه او ناشفه ومش متطبعه على الربط
3- تسريب من طبات الموتور الاماميه او الخلفيه
4- نشع غير ملحوظ في المواسير الداخليه للريدياتير
5- شرخ او ثقب في اسفل القربه , وغالبا مش بيبان غير بعد فك القربه
6- شرخ او تسريب من علب الريدياتير الجانبيه
تقريبا دي معظم الاسباب اللي بتخلي الميا تنقص
رأيي تروح لفني ريدياتير وتخليه يخلع الريدياتير من مكانه خالص ويبص عليه كويس جدا وعلى مسارات المواسير , ربما تكون مخرومه او بتنشع من مكان معين او مسدوده, وكمان خليه يبص على العلب
ولو طلع سليم خليه يبص على الوصلات كلها تاني اللي رايحه وجايه من الموتور للريدياتير
ويبصلك على طبات الموتور
المشكلة دي فضلت مدوخاني لحد ما جبت قربة كاملة استعمال بالغطاء بتاعها و ان شاء الله تتحل المشكلة نهائيا. لان لما الغطاء بيضرب كذا مرة بيبوظ سن القربة نفسه فاي غطاء جديد برضه هيفلت و يسرب مياه
هى قربه مياة بالغطا استيراد تعمل كام
المشكه دى كانت عند اخويا واتحلت بتغيير غطاء الريداتير
اشتري غطاء وقربه استيراد
الغطاء 35 جنيه
القربه 50 او 60 جنيه
لان الموجود في السوق مضروب عن تجربتي
ممكن المشكلة فى قلاووظ القربة نفسها
MMamdouh
انا عرفت ان القلاووظ بتاع القربه الجديده اللي بتتباع بيتاكل (او بيتنحل) مع الوقت , وعشان كده في ناس بتدور عليها استيراد احسن
لان خامه التصنيع بتاعت القربه الجديده رديئه عن القديمه
جبتها امس استيراد بالغطاء وفكتها بايدي من نص ب 60 جم من عند سوسو في الهرم
بعد ماروحت مشوار قلت افتح الكابوت واشوف مستوى المياة
ربنا كرمنى ولقيت العيب طلع فى شرخ فى القربه
هى ليه دايما القربه يبقى فيها شرخ
علشان هى بلاستيك و معرضة لاجهاد حرارى مستمر و بالتالى بتتشرخ بمرور الوقت
MMamdouh
انا شفت من كام يوم اوبل 2010 وسيارة رينو .....ولقيت القربه مشروخه والمياة طالعه زى النافورة ما العلم ان هذة العربيات حديثه
هل برضوا الخامات وحشه وانها من البلاستيك وماتستحملش الاجهاد الحرارى ..... دا كده الواحد يمشى بقربه احتياطى
مالهاش حل
لو المياه بتنقص بعد اطفاء المحرك
يبقي العيب في كتاوت المروحه الموجوده في علبه الفيوزات لانها مبتشغلهاش الا والموتور شغال
هتلاقي اتنين كتاوت واحد للسرعه المنخفضه والتاني للسرعه العاليه اللي بيشتغل مع التكيف
السلام عليكم
معلش انا مش فاهم ممكن حضرتك توضحلي قصدك ايةاقتباس:
لو المياه بتنقص بعد اطفاء المحرك
يبقي العيب في كتاوت المروحه الموجوده في علبه الفيوزات لانها مبتشغلهاش الا والموتور شغال
هتلاقي اتنين كتاوت واحد للسرعه المنخفضه والتاني للسرعه العاليه اللي بيشتغل مع التكيف
جميلة المعلومات دى بس اللى انا اعرفو ان المفروض يكون فى تنفيس عند ضغط معين
يعنى الضغط العالى الناتج عن السخونة بيرفع درجة غليان الميه يعنى ممكن توصل فوق التسعين ومتغليش وعلشان كدة بيكون فى تحذير من فتح الردياتير وهو ساخن لان ده بيخفض الضغط فجأة والمية تغلى فورا ويحصل شبه انفجار ممكن يخلى المية تيجى على اللى بيفتح الردياتير بس المفروض عند ضغط معين يحصل تنفيس علشان الدنيا دى متضربش سواء ان كانت القربة او الردياتير او الخرطيم والوصلات
السلام عليكم
الكلام ده انا فاهمه
انما اللي مش فاهمه ازاي لو الميه بتنقص بعد ايقاف المحرك يبقي عيب كتاوت المراوحاقتباس:
اخي الفاضل اللانوس بها ثلاث كتاوت للتحكم في المراوح عدد 2 كتاوت اربعة طرف واحد لكل مروحة وعدد 1 كتاوت 5 طرف لتعديل توصيل المراوح من توازي الي توالي لتغيير سرعة دوارنها
هي المراوح بتشتغل وهي العربية مبطله ولا تقصد ايه بالضبط
انا قربتى الاصلى بصراحه والغطاء كان اصلى وباظ جيبت واحد جديد من gm ب 35 وبملى مقاس الميه مظبوط ف القربه والراديتير متسلك ونضيف دايما لعمل دوره مياه باستمرار معنديش اى مشكله ف الحرار ولا تسريب المياه
ملحوظه : عدم فتح غطاء القربه وهيا ساخنه لعدم نقص المياه بسبب البخار والضغط
يتم الكشف عن منسوب المياه داخل القربه والسياره بارده افضل
المفروض ان العربيه سواء مبطله او لا ان المروحه بتفضل شغاله لحد ما درجه حرارتها تقل
مروحة الانوس لاتعمل بعد اطفاء المحرك