+1
نفس اللي سمعته من الميكانيكي
عرض للطباعة
العربية ممتازه ما شاء الله .. أولا شكل شبابى و الكبود عالى و صاجها تقيل .. أنا كان معايا سوزوكى سويفت كان أى حاجه تريح عليه الصاج يتطبق .. بجد الكورسا فرق شاسع .. كذا مره أتحك أجيب قطنه و ميه وترجع زى الأول .. يعنى الصاج مبيدخلش لجوه.
الموتور : السحب ممتاز جدا و موتورها ناعم و صوته قوى لما تقرص عليه.
الاستهلاك: عادى بالنسبه لعربيه 1600 سى سى .. يعنى متوسط 200 كم/الصفيحه جوه البلد.
الكماليات: جميع الكماليات .. تكييف .. سنترلوك .. باور ستييرنج .. 4 زجاج كهرباء .. 4 وحدات رفع .
مساحات التخزين: ممتازة جدا .. أربع حامل أكواب .. باكيتات فى الابواب .. درج التابلوه واسع جدا و مضاء .. مساحات تحت الكاسيت و فى التابلوة.
الثبات: ممتاز .. جبت بيها 160 بس للأسف . بس واحد صاحبى جاب 210 و بيقولى كانت كويسة.
العفشه: ناشفه الى حد ما .. يمكن عشان يخلوا العربية ثابته .. و يمكن عشان العربيه كنزة شوية .. ويمكن عشان الكاوتش عندى ماكسس (ناشف شوية).
التكييف: ممتاز جدا .. ميفرقش حاجه عن الكورى سواء فى البروده أو فى سرعة الوصول لدرجة البرودة.
أسعار قطع الغيار: كلها عاديه .. الفوانيس أسعارها بتدور حوالين 200 جنيه .. سير الكاتينه 60 جنيه .. سير الدينامو 90 جنيه .. بلية الكاتينة 220 جنيه .. فى موضوع عن أسعار قطع الغيار لو تحب تراجعه .. الغالى فيها اسطوانة الدبرياج و الديسك ب 900 جنيه .. و البلية ب 850 جنيه تقريبا.
العيوب: بتحتاج تغير اسطوانة و ديسك على فترات أقرب من العربيات التانيه .. يعنى حوالى 50 ألف كيلومتر .. و بيختلف حسب طريقة سواقتك .. أنا عربيتى داخلة على 80 ألف كيلو و لسه متغيرتش .. بس لما بقف واطلع كتير بحس انها بترج معايا شوية .. الكنترول باظت مع واحد صاحبى و جاب واحدة استيراد.
العربيه كتقييم عام .. أنا شايفها أحسن العربيات فى سعرها .. أنا قبل ما أجيبها كنت بفكر فى لانوس أو هيونداى .. انما دلوقتى بجد صعب جدا ان انا انزل منها على حاجه من دول (مع احترامى لهم).
اتمنى اكون افدتك و ربنا يوفقك لما فيه الخير.
تقييم فوق الممتاز :S_thum1[1]:اقتباس:
العربية ممتازه ما شاء الله .. أولا شكل شبابى و الكبود عالى و صاجها تقيل .. أنا كان معايا سوزوكى سويفت كان أى حاجه تريح عليه الصاج يتطبق .. بجد الكورسا فرق شاسع .. كذا مره أتحك أجيب قطنه و ميه وترجع زى الأول .. يعنى الصاج مبيدخلش لجوه.
الموتور : السحب ممتاز جدا و موتورها ناعم و صوته قوى لما تقرص عليه.
الاستهلاك: عادى بالنسبه لعربيه 1600 سى سى .. يعنى متوسط 200 كم/الصفيحه جوه البلد.
الكماليات: جميع الكماليات .. تكييف .. سنترلوك .. باور ستييرنج .. 4 زجاج كهرباء .. 4 وحدات رفع .
مساحات التخزين: ممتازة جدا .. أربع حامل أكواب .. باكيتات فى الابواب .. درج التابلوه واسع جدا و مضاء .. مساحات تحت الكاسيت و فى التابلوة.
الثبات: ممتاز .. جبت بيها 160 بس للأسف . بس واحد صاحبى جاب 210 و بيقولى كانت كويسة.
العفشه: ناشفه الى حد ما .. يمكن عشان يخلوا العربية ثابته .. و يمكن عشان العربيه كنزة شوية .. ويمكن عشان الكاوتش عندى ماكسس (ناشف شوية).
التكييف: ممتاز جدا .. ميفرقش حاجه عن الكورى سواء فى البروده أو فى سرعة الوصول لدرجة البرودة.
أسعار قطع الغيار: كلها عاديه .. الفوانيس أسعارها بتدور حوالين 200 جنيه .. سير الكاتينه 60 جنيه .. سير الدينامو 90 جنيه .. بلية الكاتينة 220 جنيه .. فى موضوع عن أسعار قطع الغيار لو تحب تراجعه .. الغالى فيها اسطوانة الدبرياج و الديسك ب 900 جنيه .. و البلية ب 850 جنيه تقريبا.
العيوب: بتحتاج تغير اسطوانة و ديسك على فترات أقرب من العربيات التانيه .. يعنى حوالى 50 ألف كيلومتر .. و بيختلف حسب طريقة سواقتك .. أنا عربيتى داخلة على 80 ألف كيلو و لسه متغيرتش .. بس لما بقف واطلع كتير بحس انها بترج معايا شوية .. الكنترول باظت مع واحد صاحبى و جاب واحدة استيراد.
العربيه كتقييم عام .. أنا شايفها أحسن العربيات فى سعرها .. أنا قبل ما أجيبها كنت بفكر فى لانوس أو هيونداى .. انما دلوقتى بجد صعب جدا ان انا انزل منها على حاجه من دول (مع احترامى لهم).
اتمنى اكون افدتك و ربنا يوفقك لما فيه الخير.
بجد تقييم هايل جدا جدا و انت اقنعتى بالعربية (طبعا فوق ما كنت مقتنع ) .
الف شكر يا باشا على المساعده الهايلة دى و ياريت لما اشترى العربية فى ايام الاجاية العصابة ترضى تقبل مبتدئ زى علشان ينموه و يبقى خط كبيير زيهم هههههههههههههههههههههههه
تحياتى اوبلاوى جديد
بس يا شباب الخبرة محدش قالى سعر العربية تعمل كام ..... كورسا 2005 فابريكة دواخل و رشة خارج و الحالة تمام
و لو فابريكة جوا و بره تعمل كام
انت مش عايزينى انضم ليكم ولا ايه ؟؟؟؟
لو رشه بره تبدأ من 45 الف .. لو عامله حوالى 100 ألف كيلو و حالتها نضيفه.
لو فابريكه بالكامل .. تعدى ال50 ألف .. و كله حسب الحاله .. حسام زميلنا باع عربيته ب 42 ألف بس كانت عامله 180 ألف كيلو.
فى واحده عامله اعلان عن عربيه كورسا موديل 2006 عامله 30 ألف كيلو تقريبا .. واحد صاحبى أتصل بيها .. بيسألها حضرتك طالبه كام؟ قالت له 70 .. قالها أنا بسأل حضرتك عن سعر العربيه؟ :biggrin24: قالت له سبعــيـــن .. و مش هنزل جنيه واحد .. عاجبك عاجبك .. مش عاجبك مش عاجبك :ANSmile13:
قال لها شكرا :blink4:.
كويس ان مش أنا اللى أتصلت.
اسواء عربية اوبل او بشكل اكثر دقة محطوط عليها علامة الاوبل عشان تتباع
مش للدرجة دى يا تامر
انا شايفها عربية شبابية اكتر
و تقييم كريم ممتاز
و انا اتباعت واحده عامله 35000 كم ب 57000 جنيه