الموضوع: هو إيه الـ dot ده؟

المشاركة الأصلية كتبت بواسطة nemous

[glint]كلنا بندور على الخوذة اللي يكون مكتوب عليها من ورا DOT بس في ناس كتير مش عارفة إيه ال DOT ده أو معناه إيه.
[/glint]
DOT هو اختصار ل “Department of transportation” يعني هيئة النقل والسلامة الامريكية وال DOT دي شهادة أو تصريح إن الخوذة دي أو الماركة دي من الخواذ امنة ومطابقة للمواصفات العالمية ومسرح بيعها في الولايات المتحدة الأمريكية.

يعني أي خوذة علشان تتبع في امريكا أو يتم توزعها وتداولها واستخدامها في امريكا لازم تروح هيئة النقل والسلامة ودي جهة حكومية زي وزارة النقل والمواصلات عندنا كده ويتعملها اختبارات جامدة للتأكد من صلاحيتها ولو عدت الاختبارات دي بتاخد ال DOT ولو في واحد لابس خوذة في امريكا وماشي بيها ولجنة وقفته ولقت إن الخوذة اللي هو لبسها مش واخدة ال DOT بياخد مخالفة وقتي .

وده يخلينا نكلم عن موضوع مهم قوي في ناس كتير ممكن متكونش عارفاه وهو إن أي دولة محترمة بتحط شروط ومعاير للسلامة خاصة بيها وعلشان أي خوذة تبع في البلد دي لازم يتعملها اختبارات علشان تاخد التصريح ده ومن المعروف دوليا إن أشد وأقوى معاير هي المعاير الأوروبية ECE 22.05 وفي معاير تانية لكل بلد زي:
DOT FMVSS 218 (US), ECE 22-05 (Europe), SAI AS1698 (Australia) & SG (Japan)
وفيه كمان الSNELL وهي مؤسسة خاصة امريكية بتعمل اختبارات جودة عليه جدا زي الاختبارات الأوروبية لكنها مش اجبارية ل شركة الخواذ إنها تخوض الشهادة دي لكن لو خدتها فـده دليل على الجودة عليه للخوذة. وده كمان الموقع الرسمي بتاعهم لو حد عايز يكشف على موديل خوذة معيَّن إذا كان واخد SNELL ولا لأ
http://www.smf.org/certlist/std_M2005.html#V

يعني لو حد راح يشتري خوذة ولائحة واخدة ال DOT وال SNELL يبقى الخوذة ديه امااااااااان وإنت مغمض .
طيب ممكن تلاقي موديل خوذة نضيفة اوي زي مثلا ال AGV أو Caberg مش عليهم الDOT يبقى متألقش الخوذة مش هتبقى مضروبة ده يبقى معناها إن الموديلات ديه مش بيتباع في امريكا وهتلاقيها واخدة ال ECE 22-05ياعني بيتباع بس في أوروبا.

يا رب أكون افدت الجميع

فيه خوذ زي AGV

certified من DOT و E2205 و CE