الموضوع: علمني المنتدي.

السلام عليكم ورحمة الله وبركاته....
احتكاكنا الشبه دائم يوميا بالمنتدي اكيد علمنا اشياء كثيرة ......انا فيه حاجة انعلمتها مهمة جدا من المنتدي لسة حاسس بيها الأيام دي هي في حد ذاتها اتباع لحكمة (فكر قبل ان تعمل)...كتير في مواضيع الواحد بعد مايكتب رد يروح ماسحه او معدله ويفضل يراجعه قبل مايضعط علي(اضف رد) ....انا لقيت نقسي ان من السهل اني اغلط مع الناس في الكلام بدون قصد خارج المنتدي لكن داخل المنتدي الواحد صعب انه يغلط .....عارفين ليه؟............لأن الواحد بيراجع كلامه كتير قبل مايكتبه وبيرسم الكلام وبيزينه علشان يكون الكلام مقبول عند الأكثرية وبيشوف الغلط في كلامه وممكن يحاسب نفسه عليه من قبل ماينشره ويقول في نفسه (اللى انا كاتبه ده)...المهم انا دلوقتي في البيت او برة البيت اي حد يسألني عن حاجة بقوله معرفش...لا اعلم(لحد ما اللى في البيت زهقوا مني) وبقيت اجاهد نفسي اني مردش بسرعة بل اتريث قبل الكلام ...صحيح الكلام ببلاش..لكن بكرة هدفع الثمن.
حاجة كمان اتعلمتها ان مش كل اللى في المنتدي علشان كلامهم حلو وموزون (يمكن علشان بعض مواضيعهم منقولة) او ساكنين في اماكن توصف بالرقي او تعليمهم عالي...........الخ.....يبقوا ناس محترمين وصالحين انا اتعلمت ان الأنسان يعرف دينه من شيئين معاملته بالدرهم وحاله في السفر فهم يكشفان الشخصية التي تعاملها....فلا ينبغي ان نحكم علي كل شخص قال كلام حسنا بأنه شخص سوي ومحترم بل نقول نحسبه علي خير ولا نزكي علي الله احدا.
انت بقي اتعلمت من المنتدي ايه.

العطاااااااء بدون نيه للأخذ