دعوه للمناقشه فى موضوع مهم

**زينة الله** · 29-07-2010 10:32 AM

المشاركة الأصلية كتبت بواسطة بحري

تحليل جيد جدا..وهذا هو الغالب فعلا..ولكن هناك بعض الاستثناءات الشاذة

كلام عاقل جدا..وممكن نضيف إنه لو كانت هناك حاجة للعمل قبل الزواج فمفيش مشكلة..لكن لو لم تكن هناك حاجة فممكن تقضي الوقت ده في تنمية قدراتها وثقافتها وإمكانياتها المعرفية...ونفس الأمر بعد أن يكبر الأولاد ويعتمدوا على أنفسهم
وهناك العديد من الأنشطة تحتاج إلى مشاركة المرأة بعيدا عن فكرة منافسة الرجال ومزاحمتهم في سوق العمل لإثبات الذات أو رضوخا لهواجس عالمية تتعلق بهضم حق المرأة

شكرا يا دكتور
تنمية القدرات و الثقافات شئ جميل
و أنا فعلا بحب القراءة و المشى والهوايات الحريمى زى شغل التريكو و الكروشية و أحب اعمل مشغولات يدوية و استفيد منها فعلا مش مجرد تضييع وقت و خلاص يعنى متعة واستفادة فى نفس ذات الوقت ههههههه
لكن الشغل برضو فى متعة الانجاز لما الواحد يكون فاعل مش كمالة عدد وخلاص و انك تكسب قرش من عرق جبينك حلال و تحوش و تشترى شقة أو عربية مثلا وتكفى نفسك شر الحاجة وتهادى اخواتك شئ جميل
أما مسألة مزاحمة الرجال فى سوق العمل ومنافستهم شئ مش فى دماغى تماما بالعكس بعض زمايلنا الرجال إما بيزوغوا عشان شغلهم الخاص أو بيخدوا اجازة بدون مرتب للعمل بالخارج بمرتبات عالية عشان يقدروا يكونوا نفسهم
وبالنسبة لحقوق المرأة حقوقها أولا انها مطلوبة من الرجل مش انها تشتغل و تشقى وانها تأخد ميراثها مثلا زى ما ربنا قال و......و الموضوع دا بالذات كبير قوى بعيدا عما يثار فى الاعلام و البروباجاندا و بيوجع قلبى بصراحة ...خلينا ساكتين أحسن ...

المشاركة الأصلية كتبت بواسطة cyborg_ift

ربنا يكملك بعقلك لو فيه منك خمسه كانت مصر إنصلحت

مرسى يا باشا مصر بحالها يتصلح حالها دا كلام كبير قوى هههههه ....طيب ادعى لى يتصلح حالى بس انا الاول يا رب

**azmeralda** · 29-07-2010 10:58 AM

على فكرة الشغل بيخلص الساعة 2 وتنمية القدرات دى ممكن للساعة 12 بالليل واحنا بقى كصيدلانيات فى جميع مستشفيات الجامعة والصحة بالمنصورة كل الرجالة استقالوا بعد التكليف عشان يسافروا بره ويفتحوا صيدليات خاصة او شركات ادوية عشان المرتب احسنومش فاضل غير 1 او 2 والمستشفى اللى انا فيها لوحدها فيها اكتر من 30 صيدلانية مين بقى اللى هيجيب الدوا فى المناقصات والمستلزمات ويصرف للعيانين الغلابة اللى فلى الخارجى او الداخلى او العلاج على نفقة الدولة ويمشى امور المستشفيات دى ومفيش فى الصيدلانيات دول غير 3 او 4 مش متجوزين
وفى غير ال30 دول واخدين مرافقة زوج ورعاية طفل
وبعدين القانون الجديد فىه حاجة اسمها العمل بنظام نصف الوقت تروح 3 ايام او يومين فالأسبوع زى ماهى عاوزة وتاخد جزء من الراتب وبكده تمسك العصاية من النص تخلى بالها من بيتهاو
تبقى بتخدم المجتمع ومضيعتش ذكائها اللى ربنا ادهولها و25 سنة تمقيق عينين فالتعليم وتدخل طب وصيدلة ليه من الأصل بقى طالما فى الأخر مخها هيتمسح

**cyborg_ift** · 29-07-2010 02:03 PM

المشاركة الأصلية كتبت بواسطة azmeralda

على فكرة الشغل بيخلص الساعة 2 وتنمية القدرات دى ممكن للساعة 12 بالليل واحنا بقى كصيدلانيات فى جميع مستشفيات الجامعة والصحة بالمنصورة كل الرجالة استقالوا بعد التكليف عشان يسافروا بره ويفتحوا صيدليات خاصة او شركات ادوية عشان المرتب احسنومش فاضل غير 1 او 2 والمستشفى اللى انا فيها لوحدها فيها اكتر من 30 صيدلانية مين بقى اللى هيجيب الدوا فى المناقصات والمستلزمات ويصرف للعيانين الغلابة اللى فلى الخارجى او الداخلى او العلاج على نفقة الدولة ويمشى امور المستشفيات دى ومفيش فى الصيدلانيات دول غير 3 او 4 مش متجوزين
وفى غير ال30 دول واخدين مرافقة زوج ورعاية طفل
وبعدين القانون الجديد فىه حاجة اسمها العمل بنظام نصف الوقت تروح 3 ايام او يومين فالأسبوع زى ماهى عاوزة وتاخد جزء من الراتب وبكده تمسك العصاية من النص تخلى بالها من بيتهاو
تبقى بتخدم المجتمع ومضيعتش ذكائها اللى ربنا ادهولها و25 سنة تمقيق عينين فالتعليم وتدخل طب وصيدلة ليه من الأصل بقى طالما فى الأخر مخها هيتمسح

أنا معترض مع وجهة نظرك ... حالياً التمييز بأه للجنس الناعم زي ما بتسموه والمفروض اننا اللي نطلب المساواه في الوقت الحالي وأبسط مثال ومن مجال عملك إنزلي الإدارة المركزية للصيادلة ولا النقابه وشوفي هتلاقي كل الموظفين بنات ومتقوليليش الأصلح لإني طول عمري مشوفتش بنت تقدر تدي في الشغل زي الولد وده مش تقليل منكم ديه طبيعه ربنا خلقكم بيهه كده وبعدين الواحد بيحب دوره انه يشقا ويتعب وتكون مراته أميرة البيت اللي بتوزن الدفه علشان ينشأ أبناء صالحين مش زي اللي بنشوفهم في الشوارع

**devilishtigers** · 30-07-2010 04:48 AM

المشاركة الأصلية كتبت بواسطة cyborg_ift

أنا معترض مع وجهة نظرك ... حالياً التمييز بأه للجنس الناعم زي ما بتسموه والمفروض اننا اللي نطلب المساواه في الوقت الحالي وأبسط مثال ومن مجال عملك إنزلي الإدارة المركزية للصيادلة ولا النقابه وشوفي هتلاقي كل الموظفين بنات ومتقوليليش الأصلح لإني طول عمري مشوفتش بنت تقدر تدي في الشغل زي الولد وده مش تقليل منكم ديه طبيعه ربنا خلقكم بيهه كده وبعدين الواحد بيحب دوره انه يشقا ويتعب وتكون مراته أميرة البيت اللي بتوزن الدفه علشان ينشأ أبناء صالحين مش زي اللي بنشوفهم في الشوارع

كلام سليم 100%
مثال عندتا في الكلية ان اغلبية اللي شغالين في الادارة من النساء
وفي مرة كنت عايز اطلع ورقة (والله والله ما تاخد اكتر من 5 دقايق) ورحت علشان اكلمها لاقيتها بتقولي تعالى بعد ساعة.....
ليه...؟؟؟؟؟؟
علشان سيادها كانت قاعدة بتفطر هي واللي معاها من الستات وبيشربوا شاي وبيحكوا على البيت ومشاكله...

**azmeralda** · 30-07-2010 08:19 PM

المشاركة الأصلية كتبت بواسطة cyborg_ift

أنا معترض مع وجهة نظرك ... حالياً التمييز بأه للجنس الناعم زي ما بتسموه والمفروض اننا اللي نطلب المساواه في الوقت الحالي وأبسط مثال ومن مجال عملك إنزلي الإدارة المركزية للصيادلة ولا النقابه وشوفي هتلاقي كل الموظفين بنات ومتقوليليش الأصلح لإني طول عمري مشوفتش بنت تقدر تدي في الشغل زي الولد وده مش تقليل منكم ديه طبيعه ربنا خلقكم بيهه كده وبعدين الواحد بيحب دوره انه يشقا ويتعب وتكون مراته أميرة البيت اللي بتوزن الدفه علشان ينشأ أبناء صالحين مش زي اللي بنشوفهم في الشوارع

متشوفش بنت تدى فى الشغل زى الولد عشان ربنا خلقها كده ؟خلقها ازاى يعنى ؟
الكلام ده فى الحاجات اللى محتاجة قوة عضلية بس فربنا مفضل الرجالة فيها طبيعى لكن ربنا بيحاسب الأتنين زى بعض فى كل التكاليف دليل على ان القدرات العقلية واحدة والا كان زماننا متميزين فى الحساب يوم القيامةعنكو بقى
وانا بحددمن اول كلامى ان فى مهن معينة لازم الستات تفضل فيها....مهن معينة
وبعدين قلتلك مستشفيات المنصورة كلها الرجالة مش عاجبهم المرتب واتبطروا عالشغل ومشيوا
واذا كان على تربية الأولاد فهى مسئولية مشتركة خصوصا لو الطفل ذكر بيبقى الأب اهم من الأم كمان

**esraatefa** · 30-07-2010 11:49 PM

المشاركة الأصلية كتبت بواسطة Tifana2010

أنا مع عمل المرأة قبل الزواج أو قبل الانجاب أو مع الحاجة الشديدة زى المرأة المعيلة فى حالة عدم وجود عائل غيرها للاسرة أو عجز الرجل أو فقره
و لكن فى الحالات العادية مع وجود الرجل كعائل للاسرة ومع وجود الاطفال صعب جدا التوفيق بين رعاية البيت والاولاد مع العمل و البيت لازم يكون فى المقام الأول
ولما الاولاد يكبروا ويعتمدوا على نفسهم لو المرأة شعرت بوجود وقت فراغ و ملل و عايزة ترجع الشغل مافيش مشكلة

+1111111111

وفعلا انا اعرف ناس بيندموا انهم بيشتغلوا بعد الزواج على الرغم من انهم ناجحين جددداا فى شغلهم

**medo_2060** · 31-07-2010 12:42 AM

المشاركة الأصلية كتبت بواسطة azmeralda

متشوفش بنت تدى فى الشغل زى الولد عشان ربنا خلقها كده ؟خلقها ازاى يعنى ؟
الكلام ده فى الحاجات اللى محتاجة قوة عضلية بس فربنا مفضل الرجالة فيها طبيعى لكن ربنا بيحاسب الأتنين زى بعض فى كل التكاليف دليل على ان القدرات العقلية واحدة والا كان زماننا متميزين فى الحساب يوم القيامةعنكو بقى
وانا بحددمن اول كلامى ان فى مهن معينة لازم الستات تفضل فيها....مهن معينة
وبعدين قلتلك مستشفيات المنصورة كلها الرجالة مش عاجبهم المرتب واتبطروا عالشغل ومشيوا
واذا كان على تربية الأولاد فهى مسئولية مشتركة خصوصا لو الطفل ذكر بيبقى الأب اهم من الأم كمان

حضرتك فعلا فى فروق احنا مبنتكلمش كدا من باب ان الستات عاجزين ولا حاجه لا ربنا خلق المرأه ناقصه عقل ودين ودا مايقللش كدا لا دى طبيعتها وتفكيرها العاطفى بياثر على قرارتها ودا كلام مش محتاجين نتكلم فيه بس انا قولته ردا على سؤالك
تانى حاجه موضوع المستشفيات انا شايف الموضوع دا لان الستات برضه من الاساس بيشتغلوا بكثره فبيبقى فى رجاله وستات بعدد كبير فى نفس المكان وليكن مثلا مكان عمل حضرتك طبيعى الرواتب هتقل فالرجاله هتدور على اى فرصه تانيه لانهم مسئولين مسؤوليات كتيره بعكس الست الى نادر لما تسيب شغلها عشان راتب.. يعنى لو من الاول زى ما بنقول الست اهتمت بالبيت والزوج وسابت الشغل كان العدد هيبقى قليل والرجاله هما الى هيشتغلوا والرواتب اكبر بكتير والدنيا كدا تمشى طبيعى يعنى الموضوع زى عرض وطلب كدا
اسف على الاطاله
تحياتى

**digi_7E** · 31-07-2010 12:42 AM

طب تقولوا اية على الراجل اللي حالته المادية جيد جداً المتجوز و مخلف و يخلي مراته تنزل تشتغل عشان يبقى دخل زيادة ؟؟

(دماغ بيزنس)

**cyborg_ift** · 31-07-2010 08:57 AM

المشاركة الأصلية كتبت بواسطة digi_7e

طب تقولوا اية على الراجل اللي حالته المادية جيد جداً المتجوز و مخلف و يخلي مراته تنزل تشتغل عشان يبقى دخل زيادة ؟؟

(دماغ بيزنس)

أقول عليه دكر مجبتوش ولاده ههههههههههههههه

مهو أكيد طلعت عينه فقال تنزل تشتغل شويه وتحل عن دماغي

**cyborg_ift** · 31-07-2010 09:00 AM

المشاركة الأصلية كتبت بواسطة azmeralda

متشوفش بنت تدى فى الشغل زى الولد عشان ربنا خلقها كده ؟خلقها ازاى يعنى ؟
الكلام ده فى الحاجات اللى محتاجة قوة عضلية بس فربنا مفضل الرجالة فيها طبيعى لكن ربنا بيحاسب الأتنين زى بعض فى كل التكاليف دليل على ان القدرات العقلية واحدة والا كان زماننا متميزين فى الحساب يوم القيامةعنكو بقى
وانا بحددمن اول كلامى ان فى مهن معينة لازم الستات تفضل فيها....مهن معينة
وبعدين قلتلك مستشفيات المنصورة كلها الرجالة مش عاجبهم المرتب واتبطروا عالشغل ومشيوا
واذا كان على تربية الأولاد فهى مسئولية مشتركة خصوصا لو الطفل ذكر بيبقى الأب اهم من الأم كمان

أنا معاكي إن البنات مهمين في القليل من المجالات الحياتيه بس برضه هما السبب الرئيسي في العنوسه اللي وصلولهه كل بنت واخده مكان راجل ممكن يفتح بيت وتقولك أنا متجوزستش طب ماهو شئ طبيعي تعنسي ولا تحبي انتي اللي تصرفي على البيت والله حاجه مستفزه جدا وبعدين البنات حاشرين نفسهم في كل حاجه طب مدام حبين المساواه متخشو الجيش زينا بأه ولا ده كخه عليه بطلوا سياسة الخيار والفقوس مع الإعتذار للفقوس

الموضوع: دعوه للمناقشه فى موضوع مهم

LinkBack

أدوات الموضوع

عرض

-

-

-

-

-

المواضيع المتشابهه

دعوه للمناقشه

مسلسل يوسف الصديق عليه السلام ( دعوه للمناقشه )

يا تري حيقدر يقولها في وشك ؟؟؟ دعوه للمناقشه

بخصوص تيل الفرامل.....دعوه للمناقشه

السيارات الصينيه-دعوه عامه للمناقشه

الكلمات الدلالية لهذا الموضوع

المفضلات

المفضلات

ضوابط المشاركة