الموضوع: دعوه للمناقشه فى موضوع مهم

بصي يا tifana احنا مبنهاجمش المرأه بالعكس احنا بنتناقش علشان نشوف الأصح إيه وانتي بتقولي ان تلت الستات اللي شغاله شغالين في خدمات البيوت وديه نسبه مبالغ فيهه وحتى لو صحيحه متهمناش لأنهه مبتزاحمش الراجل في حاجه يعني الراجل مش هييجي يشتغل خدامه مثلا وبعدين صاحب مزاج ايه ده كان زمان لما كان الجنيه بيجيب خمسه كيلو لحمه وبعدين معظم الشباب مبيحبش مراته تتجوز وتتزنق في المواصلات وده يستظرف وكده وبعدين أسما هدف في الوجود هوه تكوين أسره وأبناء صالحين وبصراحه البنات مزودينهه في كل حاجه وميت خط تحت كل حاجه ديه وعلى فكره بأه عاوزه تزعلي إزعلي

[justify]

المشاركة الأصلية كتبت بواسطة cyborg_ift

أنا معاكي إن البنات مهمين في القليل من المجالات الحياتيه بس برضه هما السبب الرئيسي في العنوسه اللي وصلولهه كل بنت واخده مكان راجل ممكن يفتح بيت وتقولك أنا متجوزستش طب ماهو شئ طبيعي تعنسي ولا تحبي انتي اللي تصرفي على البيت والله حاجه مستفزه جدا وبعدين البنات حاشرين نفسهم في كل حاجه طب مدام حبين المساواه متخشو الجيش زينا بأه ولا ده كخه عليه بطلوا سياسة الخيار والفقوس مع الإعتذار للفقوس

المشاركة الأصلية كتبت بواسطة cyborg_ift

بصي يا tifana احنا مبنهاجمش المرأه بالعكس احنا بنتناقش علشان نشوف الأصح إيه وانتي بتقولي ان تلت الستات اللي شغاله شغالين في خدمات البيوت وديه نسبه مبالغ فيهه وحتى لو صحيحه متهمناش لأنهه مبتزاحمش الراجل في حاجه يعني الراجل مش هييجي يشتغل خدامه مثلا وبعدين صاحب مزاج ايه ده كان زمان لما كان الجنيه بيجيب خمسه كيلو لحمه وبعدين معظم الشباب مبيحبش مراته تتجوز وتتزنق في المواصلات وده يستظرف وكده وبعدين أسما هدف في الوجود هوه تكوين أسره وأبناء صالحين وبصراحه البنات مزودينهه في كل حاجه وميت خط تحت كل حاجه ديه وعلى فكره بأه عاوزه تزعلي إزعلي

ردودك عنيفة جدا و بصراحة ما كنتش أتوقعها
نسبة اعالة المراة لثلث الأسر المصرية دى معلومة من المركز القومى للمرأة و أنا نفسى اتخضيت لما سمعتها
و حكاية الزنقة فى المواصلات وما شابه من افعال مشينة ومهينة كلنا لا نرضاها و لو حناكلها بدقة أو حت مش بدوده . و بردوا ماحدش يحب أن المراة تشتغل فى الاعمال المتدنية والمهينة و لو ماحتاجتش الشغل خالص يبقى أحسن .
لكن أنا أقصد ان المشكلة أكبر من تنافس المرأة مع الرجل وإن وجدت فهى قليلة جدا و تافهة و لا أحد يرضاها
يا جماعة بلاش ننساق وراء موجة " فرق تسد " و نقعد نتخانق من غير حلول والله الهم طايل الكل راجل و لا ست
و أعتقد ان اهم اسبابه البطاله طيب ايه اسباب البطالة هى الستات !!!!!!!!!!!!!!!! عجبى
لنناقش مشكلة البطالة و أسبابها :
إرتفع معدل البطالة من مجرد 3% من قوة العمل المصرية فى بداية الثمانينات ليصل إلى نحو 30% من قوة العمل فى الوقت الراهن نتيجة :



[gdwl]

1. إنخفاض معدل نمو التوظيف بالحكومة والقطاع العام وقد حدث هذا الإنخفاض نتيجة توقف الحكومة عن سياسة تعيين الخرجين رغم إلتزامها بذلك طبقاً للدستور المصري مما أدى إلى تثبيتها لبند الأجور والمرتبات في الموازنة العامة للدولة عند 60% تقريباً من الإنفاق العام في التسعينيات وإنخفاض معدل نمو التوظيف للعاملين بالقطاع العام والقطاع والحكومي من 4.2% في بداية تطبيق سياسة الإصلاح الإقتصادي إلى 2.5% عام 1993 ثم 0.9% عام 1997 وأخيراً 0.8% عام 1998 في الوقت الذي يضاف فيه سنوياً حوالي نصف مليون عامل إلى قوة العمل في مصر ومعدل البطالة فى تزايد مستمر .

[/gdwl]

يعنى لو كل الستات قعدوا فى البيوت برضوا تم تثبيت بند الأجور ومرتب الراجل لو الضعيف مش حيمشى البيت واساسا نسبة عملهم لا تتعدى الخمس وغالبا فى اعمال بسيطة زى الخياطة فى مصانع الملابس الجاهزة والخدمة و المدرسات والممرضات و أما الدكتورات والمهندسات فاعدادهم قليلة جدا بالنسبة للرجال و الصيادلة حالة خاصة لان كلية الصيدلة يعزف عنها الشباب و تتجه اليها البنات لسهولة شغلها عن الطب
[gdwl] [/gdwl][gdwl][/gdwl][gdwl]
2- الخصخصة رافداً جديداً للبطالة، حيث تؤكد البيانات أن عدد من جري تسريحه من شركات القطاع العام منذ عام 1991 حتى عام 2005، سواء بسبب بلوغ السن القانونية للتقاعد أو بسبب نظام المعاش المبكر قد بلغ حوالي 750 ألف عامل وموظف
[/gdwl]خير أون لاين - حقائق حول البطالة
ظˆط·ظ† ط¹ظ„ظ‰ ط§ظ„ظ…ط¹ط§ط´ ط§ظ„ظ…ط¨ظƒط± | ط§ظ„ط¯ط³طھظˆط±

يعنى لا تعيينات جديدة و حتى اللى بيشتغلوا تباع شركاتهم ومصانعهم و ينضموا الى قطار البطالة و يساء استخدام هذه الشركات والمصانع من قبل المستثمر ين و كما رأينا اضرابات العمال و الاسوء إن المستثمرين الاجانب يجلبون معهم عماله اجنبية هندية و فلبينية و غيرها بجوارنا مصنع أغلب عماله هنود و رجال ونساء اجنبيات
و الأخر نمسك فى البردعة ونسيب ال .............و نقول المرأة هى السبب احنا عايزين الرجالة هما اللى يشتغلوا و نقعد فى البيت معززين مكرمين ياريت نمسك فى الرأس ونسيب الديل لان المشكلة اكبر من خناقة بين اثنين المشكلة فى بناء المجتمع و النشأ الجديد لاننا فى مركب واحد و لو غرق كلنا حنضيع مش بس اللى عنست و اللى عاطل عن العمل وهما الاتنين ضحية و شكرا على اسلوبك ..........
وأنا فعلا زعلانة منك ..............
[/justify]

أنا مش عارف ديه مهندسه ولا شغاله في التعداد ههههههههههههههههه

للمره المليون بقول ان فيه بعض التخصصات مهم جدا ان المرأه تشتغل فيهه بس الموجود حاليا ان رؤساء العمل بيفضلوا الستات لأسباب كلنا عرفينهه وده طبعا قصور منهم بس للأسف ده اللي بيحصل ونفسي البنات تبطل عصبيه شويه لإنكم كل ما نكلمكم على حاجه بتفتكرونا عاوزين نقلل منكم مع اننا عاوزين راحتكم ونحطكم في الإطار اللي تستاهلوه وأنا عن نفسي شايف البنت ملكة بيتها المفروض انهه تتعزز وجوزهه هوه اللي يكافح بدالهه وده المفروض انه يحصل ... ولو على زعلك بأه يلااااااااااا متزعليش يا ستي حقك عليه هبقا أجيبلك شوكولاته السنه الجايه ربنا يديني ويديكي طولة العمر إن شاء الله

المشاركة الأصلية كتبت بواسطة cyborg_ift

أنا مش عارف ديه مهندسه ولا شغاله في التعداد ههههههههههههههههه

للمره المليون بقول ان فيه بعض التخصصات مهم جدا ان المرأه تشتغل فيهه بس الموجود حاليا ان رؤساء العمل بيفضلوا الستات لأسباب كلنا عرفينهه وده طبعا قصور منهم بس للأسف ده اللي بيحصل ونفسي البنات تبطل عصبيه شويه لإنكم كل ما نكلمكم على حاجه بتفتكرونا عاوزين نقلل منكم مع اننا عاوزين راحتكم ونحطكم في الإطار اللي تستاهلوه وأنا عن نفسي شايف البنت ملكة بيتها المفروض انهه تتعزز وجوزهه هوه اللي يكافح بدالهه وده المفروض انه يحصل ... ولو على زعلك بأه يلااااااااااا متزعليش يا ستي حقك عليه هبقا أجيبلك شوكولاته السنه الجايه ربنا يديني ويديكي طولة العمر إن شاء الله

بيفضلوا الستات لأسباب كلنا عرفينهه
ايه الاسباب دى عشان مش كلنا عارفينها و لو كانت حاجة غير الكفاءة ، اشتكى وخد حقك و العيار اللى مايصيبش يدوش و ما ضاع حق وراءه مطالب
ونفسي البنات تبطل عصبيه شويه لإنكم كل ما نكلمكم على حاجه بتفتكرونا عاوزين نقلل منكم مافيش عصبية ولا حاجة ،راجع كلامك واسلوبك الجارح ، و بعدين محدش بيقلل ولا بيزود من حد اجتهادك واخلاصك فى دراستك و عملك و حياتك هو اللى بيحدد مكانتك
مع اننا عاوزين راحتكم
و احنا كمان عايزين راحتكم وراحتنا وراحت الاجيال الجاية و حنستنى اهه لما تكافحوا وتحلوا مشاكل البطالة والعنوسة و الغلاء وكل مشاكل البلد يا رجالتها ولو احتاجتونا فى أى مساعدة احنا تحت امركم

... ولو على زعلك بأه يلااااااااااا متزعليش يا ستي حقك عليه هبقا أجيبلك شوكولاته السنه الجايه ربنا يديني ويديكي طولة العمر إن شاء الله
خلى الشكولاته هدية منى لبنتك ربنا يخليها لك و ما تنساش تجيب واحدة كمان لمامتها صاحبة المملكة

على فكره انتي اللي بتتريقي مش أنا

لا أنا ما بتريقش أنا فعلا بتكلم بجد ونفسى كل المشاكل اللى بنعانى منها تتحل للصالح العام و محبة فى الخير للناس كلها

المشاركة الأصلية كتبت بواسطة tifana2010

لا أنا ما بتريقش أنا فعلا بتكلم بجد ونفسى كل المشاكل اللى بنعانى منها تتحل للصالح العام و محبة فى الخير للناس كلها

ماشي .... عندك حق