+11111111111111111اقتباس:
بصو أنا هكلم والكلام للكل
لو فاكرين إن كل اللي في مصر هما اللي محتفظين بدينهم وهما اللي بيدفعوا عن الدين ونصبين نفسهم أولياء علي الناس فداه مش صح تماما.
هعيد وأزيد من تاني وياريت تبقي أخر مرة أنا موافق إن المنظر زفت وانك معك والدتك و لايليق البته في دولة عربية إسلامية و لكن طريقة الحل غلط ١٠٠٪ وهمجية ولو إنته كنت إتعورت أو إتضربت فيها وداه أمر جايز يا ياقوت ، كنت المره اللي بعدها فكرت قبل متذعق تاني لحد..وذي ما عمر قال لو كان في جيبه طبنجه بردو كنت سكت أو عملت نفسك مش شايف
مش بقولك كدة علشان أخوفك ، لأ بس عشان تصرفك داه مش تصرف صح . زعيقك لواحد و ضربه محلش المشكله ..إنت اتجاوزت وظيفه الامن إلي معين للموضوع داه ، واديت لنفسك حق مش من حقك ..
بلاش نقول أمريكا.. في الامارات وأهي دولة إسلامية لو حد ضرب حد في الشارع أو مكان عام مهما كان السبب الحكومه بتاخد حق اللي انضرب الاول .حتي لو كان الموضوع أكتر من حضن ..في السعودية شرطة الأمر بالمعروف بتاخد حقها من اللي بيفعلو أفعال مخله...كل مكان فيه ناس مخصصين لمراعاه الأمن العام في الشارع والاماكن العامه إلا مصر ..كل واحد فيها مدي لنفسه حقوق فرعون ،،بس علي مين علي الاقل منه ..وناصب نفسه الحاكم ..بس في حدود الل يقدر عليهم . امتى الناس تبطل تاخد حقها باديها و نسيب النظام و العدل ياخد مجراه مش عارف ..هيجي طبعا حد يقول إنت لو شفت حد بيضربك أو بيقتلك
أولا ..هو في الحالة ديه لم يؤذني بدنيا ..لو مش عجبني الموضوع يابلغ يامشي..بس كده ..
علي كلامكم عن أمريكا وأوروبا ..أنا بقي مفروض بعد ماعشت فيها ١٢ سنة أكون منحل أو شاذ ..منحرف ..خمورجي..زير نساء .مانا عايش معهم بقي . إذا كنتو بتلوموا علي الفضائيات اللي بتتفرجو عليها وكام واد وبت في مصر بيحضنو بعض بأنهم السبب في الانحلال ..يبقي أنا هنا مفروض أكون رحت في داهية من زمان .بس الحمد لله أنا اللي إتربييت عليه في ١٥ ولا ٢٠ سنة اللي قضيتهم في مصر ميمسحهمش ولا ٥٠ ولا ٥٠٠ سنة تاني
أنا بدعو ..ودعوة صادقه اللي فيكم يجي ويحب يزور أمريكا وعنده أسرة بانه يجي ويتعرف علي وعلي أسرتي ..ومش أنا وبس ده فيه أسر كتير مصرية مسلمين ومسيحين ولم نفقد ذرة من أخلاقنا ولا أدبنا اللي إتربينا عليهم في مصر ..وربينا اولادنا زي مااتربينا في مصر علي طاعه الله والصلاه والصوم. و الحمد لله ربنا كرمنا فيهم وبقو أحسن من ناس كتير إتربت في مصر
بس في نفس الوقت أنا أخدت من البلد ديه إحترام الاخرين وعدم التعرض لأحد طالما لم يؤذني --أؤمن بان فيها حاجة اسمها نظام وقانون وأمن ومساواه وكل الالفاظ ديه ..مفييش حاجة اسمها أخد حقي بنفسي أو بإيدي ..
اوعي تفتكر إن الناس اللي بتعمل كده ،،،عملت داه علشان ملقتش ناس زي ياقوت وأصحابه يوقفوهم عند حدهم قبل كده ، لأ ده ناس أهلها مربتهاش أو ماعندهمش أهل و كمان متفتكرش إن بعمايلك ديه هترجع الأصول والنظام ..لو مفيش رباية في البيت يبقي إنت بتحلم