السلام عليكم ورحمة الله وبركاته
الاخوه الاعزاء
وحشتوني وكل سنه وانتم طيبين جميعا
ارجو الافاده لو الموقف ده مر على حد فيكم في الجن 2 موديل 2008 وكان من ايه واعمله فين وازاي وبكام
من كام يوم كنت مشغل التكييف وكنت سامع مع صوت المروحه صوت زي صوت المانيفول لما بيكون منفس في السياره ولكن الصوت ده مع تشغيل التكييف داخل الصالون مش بره
والنهارده لقيته علي اكتر لدرجة اني قفلته وقلت الحر احسن
وانا راجع بليل بشغل التكييف لقيت الصوت اختفى
معنى كده انه بيروح وبيرجع وبيزيد ويقل
منين ياترى
شكرا الاخوه الكرام
الصوت دة انا مش فاهم وصفك زي اية بس انا ححكيلك صوت خرفشة بيظهرلي من جوة الهوايتين اللي قدام في النص ولما قفلت الهوايتين وفتحتهم بعد شوية كان راح بس كان صوت خرفشة
المفاجأه ياجماعه اني بشغله تاني النهارده لقيت الصوت راح وعادي جدا ولكن الجديد ان كفاءة تبريد التكييف مابقتش زي الاول ؟
ياريت اللي عنده معلومه يفيدنا
تحياتي
اقتباس:
المشاركة الأصلية كتبت بواسطة mido_soliman
مش الصوت ده خالص يااستاذ ميدو
ده كان صوت وكأن شكمان السياره في خرم صغير ولكن طبعا هو مش الشكمان لأنه جوا الصالون ولكن ده لتقريب نوع الصوت مش اكتر
طب ممكن الفلتر يبقى محتاج تنضيف خليك ورا حاجة حاجة ولو مش الفلتر جرب تضرب خرطوم مية فى السربنتينة كدة يمكن تكون حايشة ورق شجر او تراب
تحياتى يباشا
اقتباس:
المشاركة الأصلية كتبت بواسطة mido_soliman
هجرب كده فعلا ان شاء الله واشوف وارد عليك ياحبيبي وشكرا لاهتمامك
والغريب يااستاذ ميدو انك الوحيد اللي بترد عليا
شكر خاص ليك
يباشا انا ليا الشرف انى ارد عليك فى اى وقت وبالتوفيق يباشا ان شاء الله وانا معاك بردة
اقتباس:
المشاركة الأصلية كتبت بواسطة mido_soliman
ربنا مايحرمني منك يااستاذي
والشرف ليا انا
الصوت ده عندي فعلاً لما بشغل التكييف بس هوه أقرب للخرفشة أو الشخشخة
وكنت متخيل إنه هيروح مه تنظيف الفلتر بس لسه زي ماهوه
زي ما يكون فيه ورقة فويل في مجرى الهوا بتاع التكييف وعماله تخرفش
ياريت فعلاً لو في حد عنده حل يقوله لأني مش بحب يكون فيه أى صوت في العربية
وانت مشغل التكييف اقفل الهوايات اللى جى منها الصوت تماما وسيبها شوية وبعدين افتحها وان شاء الله الصوت يروح انا جربتها مرة وفعلا الحمد لله اختفى وعلى فكرة الصوت دة كان مدايقنى مع انة ميتسمعش الا وانت مش مشغل الكاسيت والعربية هوساقتباس:
المشاركة الأصلية كتبت بواسطة abouelwafa
تحياتى
إزاي أقفل الهوايات. إللى أعرفه إن جينا مينفعش فيها - على حسب علمي - نقفل هوايات بعينها أو حتى تقفلها كلهااقتباس:
المشاركة الأصلية كتبت بواسطة mido_soliman
الحل الوحيد إنك تعمل circulation ولازم تكون العربية دايره أو الكونتاك مفتوح على الأقل
ياريت لو ينفع تقول لي إزاي
ياجماعه الموضوع طلع ان مروحة التكييف كانت عاوزه تتنضف مش اكتر والربنتينه بتاع التكييف اللي في وش العربيه كنتا عاوزه تتنفخ بالهواء ثم بالميه
ودلوقتي فله خالص والحمد لله
وشكرا للاخ ميدو
ممكن تقول لى الحاجات دي مكانها فين وتتنظف إزاي؟اقتباس:
المشاركة الأصلية كتبت بواسطة tweety26980
المروحه تحت التابلوه من على اليمين والسربنتينه قدام في وش العربيه قدام الريداتير
ولكن مش انا اللي عملتهم انا رحت لواحد اسمه وحيد جمب اشرف منصور اللي في شارع المحطه في الجيزه وكان احد الاخوه ذكر انه كان عمل مشكله عنده
ولكن للاسف الله يسامحه
اخد 100 جنيه بعد 150 جنيه وبعد مااقنعني ان في حاجات تانيه عاوزه تتغير ولما قلتله لأ سيبها قاللي خلاص ممكن ننضف وكده وهيبقى تمام
الحمد لله