المشاركة الأصلية كتبت بواسطة amrbakly
شوف يا سيدي علشان بس تريح نفسك
العيب الأساسي في فيات التسعينات هو عيب قطع الغيار المضروبة
انما غير كدة لو تعبت و لفيت و اعتمدت علي بعض الحاجات استيراد حتلاقي نفسك ماشي كويس بدون مشكلات
فعليا 25 مش حتجيب أونو كويسة، زود تلاتة او أربعة كمان علشان تجيب حالة معقولة
أغلي حاجة في الأونو هي العفشة و تغييرها بيدخل في حوالي 1700 جنية تقريبا
كمان منصحكش أبدا تفكر تغسل الماتور في الأونو لأنة في الغالب بعدها بيجيب مشط كهربا أو موبينا، ممكن كل فترة تديها هوا و شكرا علي كدة
و بيني و بينك هي حظوظ .. انا كنت جايب واحدة بحالة الزيرو تقريبا من سنة و نص بس بتعمل معايا فصول سخيفة بس مش عيب العربية بقدر ما هو الحظ ( يعني لما فردة تيوبلس جديدة تتخرم 13 خرم مرة واحدة لازم تعرف ان في حاجة غلط !)