الحقوني يا جماعة العربية كانت حتولع لولا ستر ربنا

**arakysolom** · 29-07-2010 10:17 AM

السلام عليكم
اخويا كان سايق العربية و فجاة لقيته بيكلمني بيقولي الحرارة عدت 100 و العربية طلعت دخان و وقف بيها و بيسألني اعمل ايه قلتلة يستني شوية و يفتح قربة الميه و يزود ميه فرد عليا سواق التاكسي اللي كنت راكب معاه و قالي اوعي يزود وهي مطفية لازم تكون دايرة و نقلتله الكلام و حصل ان العربية مكنش فيها ولا نقطة ميه و بعد ما وصل البيت لقي الميه نقصت تاني انا رايح النهاردة بيها عند بتاع الراديتيرات
ارجو ان تدلوني ممكن يكون العيب فين عشان ميشتغلنيش و شكرا

**arakysolom** · 29-07-2010 10:23 AM

العربية بقالها مده مخرفة شوية تسخن نغير ترموستات ثم طرمبة مياه و بعدين يقطع سير الدينامو و بعدين تحصل مشكلة المياه مش عارف ايه اللي حصلها هي فيكترا موديل 2000 و مش عارف موضوع الحرارة ده عمرنا ما اشتكينا منها لغاية السنه الماضية لما ظبطنا التكييف بدات تخرف في موضوع الحرارة و بصراحة في واحد قبليها بتاع كوتش اداها عين مظبوطة قالي ايه اخبار السخونية معاك قلتله الحمد لله مفيش مشاكل قالي احمد ربنا دي عربيات ملهاش لازمة بتسخن عمال علي بطال

**omdaz_5538** · 29-07-2010 10:27 AM

الأعراض كتيره
ممكن طرمبه المايه و الرادياتير الترموستات المروحه مش بتدور على السرعه التانيه
بالنسبه لموضوع انه يزود مايه و هى دايره الكلام ده صح
بلاش و هى سخنه تزود مايه و العربيه ماطفيه
لان لقدر الله ممكن جوان وش السلندر يروح

**thug** · 29-07-2010 07:12 PM

ممكن ثرموستات أو مروحه في الغالب ثرموستات ,,,شوفه الأول

**tamertamer** · 29-07-2010 07:22 PM

اولا مدام فى نقص فى المية يبقا لازم تضغط دورة المية وتطلع سبب التسريب وتقفل الدورة عشان عدم دخول هواء الى دورة المية ودة غالبا السبب

**tananybasha** · 29-07-2010 10:43 PM

ممكن الردياتير او الشجرة بتنفس
و الدورة يا فيها سدد يا اما بتهيس الطرمبة

**lancerevolution** · 30-07-2010 10:31 PM

المشاركة الأصلية كتبت بواسطة mexmarine

انت مقلتش العربيه نوعها ايه .. انا شايف انك كاتب ان عندك لانوس و اوبترا و هناك فى منتدى الكورى اكيد المشكله دى اتناقشوا فيها (يعنى الاعراض دى اكيد حد اشتكى منها) وممكن تستفاد اكتر .

يا عمنا بيقولك فكترا موديل 2000

**arakysolom** · 01-08-2010 11:17 AM

السلام عليكم
الف شكر لجميع من شارك برأية انا رحت لبتاع الراديتيرات في الازاريطة و فك الراديتير و نضفة و شاف الخزنة و حلها و حط جزي من جوان قديم و قفل الخزنة و قفل الشغل و مع ذلك الميه برده بتنقص تخيلوا اخد كام اخد لوحده غير السمكري عشان يحل الاكصدام 70 جنيه و برده العيب متحلش رحت للميكانيكي لاقي احد الخراطيم اسفل الموتور مخروم غيره و حط واحد مسعمل المهم المياه منقصتش بس مع التكييف و الدنيا زحمة رجعت الحرارة ترتفع تاني لحد 95 و بعديها قفلت التكييف فرجعت 90 يا جماعة افيدوني ايه الحل مع العلم اني مغير ترموستات و طرمبة و المروحتين بيشتغلو كويس

**Adham** · 01-08-2010 11:22 AM

اغسل وش العربية (سربنتينة التكييف و الردياتير) في البنزينة بالجاز ثم بخرطوم المياة بتاعهم

ساعات انسداد ريش السربنتينة بالتراب و الزفارة بيسبب كدة

ان مكانش كدة يبقى شوف الردياتير غالبا دي اعراض انسداد مواسير الردياتير بالصدأ و محتاج تنضيف

على فكرة اللي طلع من العربية دة مش دخان ......... دة بــخـــار مــــاء

و بالتالي العربية مكانتش حاوتلع و لا عمرها تولع من بخار مياة بينفث نتيجه سخونة العربية

-

الموضوع: الحقوني يا جماعة العربية كانت حتولع لولا ستر ربنا

LinkBack

أدوات الموضوع

عرض

-

-

-

-

-

المواضيع المتشابهه

النهاردةفلشتى كانت هتتقلب بيةولكن ربنا سترحد يقولى فى اية انا طالب المساعده يا جماعة

لولا ساتر ربنا كان زمنكم بتدورو علي

طلمبة البنزين سخنت بدون سبب و العربية كانت هتولع و ربنا ستر برجاء المساعدة

العربية كانت هاتتسرق لكن ربنا ستر

العربية وقعت فى حفرة لولا ستر ربنا

الكلمات الدلالية لهذا الموضوع

المفضلات

المفضلات

ضوابط المشاركة