ان شاء الله انا هاسافر مرسى مطروحيوم السبت , و هسيب العربية ( ماروتى 2008 ) فى القاهرة و هاقعد اسبوع ان شاء الله , و البطارية بتاعتها سايلة , فهل لازم اخلى حد يشغلها فى الفترة اللى هكون مسافر فيها ؟ و كل كلم يوم ؟
عرض للطباعة
ان شاء الله انا هاسافر مرسى مطروحيوم السبت , و هسيب العربية ( ماروتى 2008 ) فى القاهرة و هاقعد اسبوع ان شاء الله , و البطارية بتاعتها سايلة , فهل لازم اخلى حد يشغلها فى الفترة اللى هكون مسافر فيها ؟ و كل كلم يوم ؟
أولا ترجع بالسلامة ..
ثانيًا .. من رأيي إنك تفك قشاط الموجب من البطارية تحسباً ان يكون فى تهريب كهرباء
ولو البطارية لسة جديدة مش هاتلحق يحصل فيها حاجة ...
السلام عليكم ورحمة الله و بركاته
تروح وترجع بالسلامة بإذن الله ، انا من رأيي انك تسافر بيها ، انا جربت السفر كذا مرة بقطر النوم رغم كده من اسبوعين سافرت بماروتي 2008 و بصراحه نفعتني جدا هناك في التنقلات بدل بهدلة المواصلات داخل مطروح ، غير انها كانت كويسه في الطريق الحمد لله ، ولما اشتريت حاجات من هناك طبعا ماتعبتش في شيلها ونقلها زي كل سنه
انت طبعا لما تروح لازم هاتجيب لب ابيض لحبايبك و وتجيب زيتون و زيت زيتون و تين برشومي الحاجات دي اساسي من هناك
كمان البهارات والتوابل من هناك مختلفه عن اللى هنا خالص
والأسعار هناك رخيصة فبتغريك انك تشتري كميات
مثلا التين البرشومي اللى هنا الكيلو في حدود 8 جنيه هناك بيتباع بالقفص تقريبا من 5 الى 7 كيلو ب 20 جنيه بس غير انه افضل بكتير لأنه مروى بمية المطر بس
الزيتون هناك الكيلو ب 7 جنيه وتحفه بجد
هناك هاتشتري ميه معدنية للشرب نصيحتي تشتري زجاجة 10 لتر هيه ب 7 جنيه ولما تخلص تروح لبتاع الزيوت وتقوله يملاهالك وكل سنه وانت طيب رمضان داخل
لو عايز تفاصل عن الرحلة اقرأ موضوعي
http://www.nilemotors.net/Nile/166416-a.html#post3872871454
وفي النهايه نصيحتي روح بيها، ان شاء الله لو قدرت اروح تاني في اجازة العيد او السنه اللى جايه برده هاروح باماروتي
السلام عليكم ورحمه الله وبركاته
انا كنت ناوي اشتري شقة او شالية في قرية في مدينة مرسى مطروح
وانا ساكن في مدينة القاهرة بالتحديد في مدينة حلوان
عاوز نصائحكم وتجاربكم في مطروح
اشتري ولا بلاش
ولكم الشكر والتقدير