عرض للطباعة
السلام عليكم ورحمة الله وبركاته،
السادة الزمالاء الكرام الخبراء و ماليكي البروتون الاوتوماتيك و خصوصا الساجا، لي استفسار و هو: هل انت بتحسو بنقل الغيار، يعني العربية لمما بتيجي تغير من الاقل الى الاعلى انا بحس بيها قوي الموضوع مافيهوش نعومة، و بصراحة انا مش عارف اذا كان ده العادي و للا انا عندي مشكلة؟؟؟؟؟؟؟؟؟؟؟؟ :8954[1]:
ارجو الافاده
الصراحة ماركزتش بس هي عادية بتضغط علي اللوكر الي فوق وانتا بتنقل في معظم النقلات ..
السلام عليكم
أي أتوماتيك هتحس بالنقلات بتاعتوا لو قارص على الماتور يعني دايس بنزين جامد إنما لو سايست العربية من غير ما تقرص على الماتور مش هتحس بالنتشة بين الغيار والغيار
المشكلة اني بحس بيها على السرعات القليلة و مش بكون قارص طبعا على الموتور، و الغريب انها سعات بتكون نعمة و مش بحس بيها و سعات لأ، بس انا مش فاهم.اقتباس:
المشاركة الأصلية كتبت بواسطة mohamed.kader
اين انتم ايها الخبراء ارجو المساعده
انا مش هقدر افيدك لانى معايا مانويل بس اكيد هيخش دلوقتى الاسود وهيفيدوك
اقولك حاجة انت ممكن تاخد نمرة استاذ عمرو وتكلمة
استاذ عمرو اول واحد يشترى ساجا اوتو فى المنتدى هنا
وقولة انك واخد رقمة من محمد عماد او من المنتدى
ت: 0126525352
وابقى طمنى عليك وعلى الساجا
اقتباس:
المشاركة الأصلية كتبت بواسطة mo7hamedemad
مشكور بجد على اهتمامك
لا عادي الكلام ده وبتحص معاية لو ال rbm اكتر من 2,5 بتحس بالنقلة
اظبط رجلك بحيث توصل ل 2.5 الي 3 rbm قبل ما العربيه تنقل للغيار التالي ومش حتحس خالص بنقله الغيار
في الجن 2 لو العربيه لسه طالع بيها وكانت ركنه بحس بيها لحد ماتسخن كده او مثلا بتاع 20 دقيقه ولكن بعد كده حسب القرص والحرق
عموما ماتقلقش وتابع الصيانات وخصوصا تغيير زيت الفتيس على 40000 كم وكمان خليهم ينضفولك حساس الفتيس بالهوا فقط بيفرق اوي تنضيفه
تحياتي
أنا فعلاً بالاحظ الموضوع ده لما تكون العربيه مش سخنه لسه.
وطبعاً زي ما الإخوه قالو لك، لو إنت قارص على العربيه لازم هاتحس بصوت النقله.
بس الموضوع ما يقلقش، وما تتوقعش إن العربيه هاتكون في نفس نعومة العربيات الفاخره أكيد
طب هل تحس انك راكب جمل؟ ولا نتشة عادية؟ انا بتكلم في السواقة العادية مش القرص
اقتباس:
المشاركة الأصلية كتبت بواسطة yaseenmohamed
لا يامعلم دي بتبان سعات لمما العربية بتغير على اقل من كدا على 2.1 يعني لمما ببقى طالع الصبح و ببقى لسة ماشي على الهادي.اقتباس:
المشاركة الأصلية كتبت بواسطة felix
هو انا بحس بالنتشة دي لمما العربية بتنقل قبل كدا كماناقتباس:
المشاركة الأصلية كتبت بواسطة yaseenmohamed
عندك حق و كلام مظبوط ده حقيقي اللي بيحصل، وربنا يحينا لحد صيانة الـ40000 دا انا لسة مقفل الـ3000.اقتباس:
المشاركة الأصلية كتبت بواسطة tweety26980
عندك حق يا معلم.اقتباس:
المشاركة الأصلية كتبت بواسطة marsguy
اقتباس:
المشاركة الأصلية كتبت بواسطة solly2net
النشة دي ذي ميكون واحد لسة بيتعلم السواقة، وبيرفع رجله من على الدبرياش مره واحدهز
بجد الف شكر لكم جميعا على اهتمامكم و ردودكم، و كل ما ورد صحيح، يعني النتشة دي بحس بيها اوي فعلا و العربية لسة برده و خصوصا الصبح بدري و انا طالع الشغل، و لاحظت كمان ان النتشة دي بتخف لمما العربية بطلع بيها مشاوير طويلة، و كل عام و انتم جميعا بخير و رمضان كريم عليكم يا اجدع منتدى فى مصر.
الكلام ده مضبوط لو الـ rpm معدى الثلاثة لازم تحس بالنقلةجامده واللوكر اللى فوق ده يستخدم فقط للعودة للخلف سواء من على الـ d او من على الـp
ماشي يا معلم مع اني مش مبسوط انه من فوق
بص حضرتك كان عندي نفس المشكله في الساجا و هي ان الغيارات اللي تحت ال d اللي هيه ال 3 و 2 و L دول لما كنت اغير عليهم كنت بحس بنتشه و مكانوش ناعمين زل الغيارات اللي فوق سألت في التوكيل قالي انو مفيش حاجه في الفتيس ممكن تكون سوسته اللوكر نفسها فيها حاجه و اتظبطت علي فكره لوحدها و اعتقد كمان ان احنا علشان مش بنمشي علي الغيارات ديه تقريبا و مش بننزل عليهم تقريبا خالص غير كل فين و فين و ده غلط لازم كل فتره نمشي عليهم شويه و زي ما انت عارف منقرصش علي الغيارات ديه
موضوع الإحساس بالغيار ده بيختلف من عربية لأخرى (إختلاف ماركة العربية وكذلك تكنولوجيا الفتيس)
انا معايا Gen.2 2010 ومبحسش خالص بالغيارات (النتشه إللى بتتكلموا عليها مش موجوده خالص إلا لو كنت شادد)
أعتقد إن فتيس الساجا هو نفس فتيس الجين والمفروض يكونوا زي بعض (بس لو حطينا إختلاف المواتير في الإعتبار ممكن يكون في فرق بس أكيد بسيط)
عموماً لو نفس الملحوظة عند جميع مالكي الساجا يبقى طبيعي، لو فيه إختلاف لازم نرجع لحد فاهم (وبصراحة منصحش بالرجوع للتوكيل في الحكم على الموضوع لأنهم مبيدوش عقاد نافع في الحالات دي - دايماً بتكون الشكوى حاجة طبيعية في كل العربيات وإحنا إللى مش بناخد بالنا)
شكلك اول مره تسوق الاوتوا
فعلا الاوتو بتحس بالنفلات و ده عادى جدا و الحمد لله عربيتك سليمه و مفيهاش حاجة خالص و ربنا يباركلك فيها