الرخصة اتسحبت أمن ونتانة

**HASSANSG** · 29-07-2010 11:15 AM

رخصتى اتسحبت امن ومتانة فكنت عاوز اسأل سؤال. انا كدة كدة هاروح اول شهر 8 علشان ادفع الضريبة واجدد سنة كمان كنت عاوز اعرف:

لازم الرخصة تيجى المرور التابع ليه وانا بجدد؟

ولا لو دفعت الضريبة والمخالفات هايدونى رخصة بالسنة الجديدة وياخدوا الوصل بتاع السحب؟

**agwaa** · 29-07-2010 03:24 PM

السلام عليكم يا عم حسن
أولاً : فداك وربنا يعوض عليك ( ماقلتش إيه سبب سحب الرخصة )
ثانياً : أنا أعتقد إنك لازم تسترد الرخصة الأول لأن إجراءتنا عقيمة شوية _ والإجراءات العقيمة دي بتنص على ضرورة وجود الرخصة القديمة أثناء التجديد
ثالثا : خليك عارف إنك هتفحص العربية ( إجراء روتيني يعني ممكن مهندس الفحص مايبصش على العربية أصلاً ) بس هتشترى ورقة فحص فقط ب 5 جنيه ودي إللي بتاخد بيها البصمة وهتدفع غرامة في النيابة ( تقليعة جديدة ) ماكانتش بتتدفع قبل كدة .. هنقول إيه بقى غير حسبنا الله ونعم الوكيل ...

**د.محمود صلاح** · 30-07-2010 07:56 AM

لازم تسلم القديمة عند التجديد

الرخصة المسحوبة بتيجي على المرور التابع لها وبتاخد حوالي 3 اسابيع

فيه ناس بتتحايل على الموضوع ده وبتعمل محضر انها فقدت وبتطلع بدل فاقد ولكن لو المرور اكتشفها بعد كده هتبقى مشكلة