الموضوع: ماروتي 2010 ولا اونو مستعمل (محتار وعايز حل )

السلام عليكم

اللى هقدر افيدك فيه هيا الماروتى.
احب اقولك تجربتى :
انا جبت سوزوكى ماروتى موديل 99 ب 16 الف بالاضافة الى 600 جنيه ضريبة فى الشهر العقارى علشان نقل الملكية (عمل عقد بيع مسجل فقط) و صرفت عليها حوالى 1000 جنيه صيانة و بقت زى الفل الحمد لله
لكن جيبها جديدة لو انتا ناوى تقعد بيها مش اقل من 5 سنين و ساعتها ثمنها مش هيبقى غالى عليها
لكن لو عايز تجيبها نظام سنة او سنتين و تقلب و تجيب حاجة كبيرة يبقى كبر دماغك اصلا من الزيرو

و بعدين انتا مقولتش استخدامك ليها هيبقى عامل ازاى: كام فرد؟ كام كيلو يوميا؟ عايز تسافر بيها و لا لأ و لو عاوز تسافر يبقى كل قد ايه؟

طبعا الماروتى بإختصار:
مميزاتها: موفرة للبنزين - اعطالها قليلة - قطع غيارها اصلية و رخيصة و مش هتلف عليها - اقتصادية و عملية - اى ميكانيكى بيفهم فيها
عيوبها: شنطه صغيره (ممكن التغلب عليه عن طريق ثنى الكنبة الخلفية و ساعتها بتبقى عربية نص نقل) - عدم وجود تكييف

و ربنا يوفقك

المشاركة الأصلية كتبت بواسطة alking_2006

السلام عليكم



و بعدين انتا مقولتش استخدامك ليها هيبقى عامل ازاى: كام فرد؟ كام كيلو يوميا؟ عايز تسافر بيها و لا لأ و لو عاوز تسافر يبقى كل قد ايه؟

انت طبعا عندك حق في الحكايه دي استعمالي يومي من البيت للعمل حوالي 10 كيلو رايح جاي داخل مدينه 6 اكتوبر
لكن في نهايه الاسبوع بنزل 6 اكتوبر الي رمسيس يعني في الشهر اربع مرات ولا حاجه

اما بالنسبه للأفراد أنا وزجتي وابني وده عنده سنه يعني تقدر تقول اتنين
وطبعا عايز اسافر بيها اساسي ( اسكندرريه - راس البر - ساعات مرسي مطروح ) طبعا في المصايف بس يعني كل سنه او 10 شهور مش اقل من كده .

ديه كل ظروفي وكل احتياجاتي .

وان شاء الله انا في انتظار الرائي الانسب لهذه الظروف .
وشكرا

السلام عليكم

دلوقتى كل الظروف اللى انتا قولتها ملائمة (المشاوير اليومية - عدد الأفراد - المشوار الأسبوعى)
لكن بالنسبة للسفر انا بصراحة مجربتش اسافر بيها لحد دلوقتى المشاوير البعيدة زى اسكندرية
انا طبعا عارف ان الزيرو و فيه ناس كمان معاهم ماروتى 2007 و بيروحوا بيها لحد مطروح
لكن انا موديل 99 فياريت لو حد معاه الموديلات القديمة زى بتاعتى يفيدنا فى موضوع السفر هل هيبقى فيه هلكه للعربية و لا ايه النظام.

و شكرا