الموضوع: عندى مشكله تأخر الدواره صباحا و مشكله تانيه فى السخونيه

طبعا مش عارف الواحد من غير نايل موتورز و الناس المحترمه الى فيه يعمل ايه بصراحه

انا عندى مشكله و ان شاء الله تساعدونى فى حلها

العربيه بتتأخر حاجة بسيطه فى الدوراه الصبح حوالى 3 ثوانى

بس ساعات بسمع صوت تخبيط شويه و تتأخر الدواره لحوالى 5 ثوانى بس بتدور فى الاخر عادى

انا معايا لانوس جوليت و غيرت البطاريه من اسبوع و غيرت طقم سلوك البوجيهات امبارح و برضه لسه نفس العيب

العربيه سحبها تمام و عادى بس برضه بفكر اغير البوجيهات بالمره لو كدة يبقى تنصحونى اجيب بوجيهات نوعها ايه و مش فاهم بصراحه ايه اتنين شمعه و تلاته شمعه دى تفرق فى ايه

ولا انتوا شايفين ممكن يكون العيب فى ايه ؟؟؟

انا خايف يكون فيه عيب فى المارش لو من المارش ممكن يكون ايه يا شباب و اعمله فين فى اسكندريه ؟؟؟


معلش طولت عليكوا بس اقولكوا المشكله التانيه بالمره: العربيه عندى كانت بتسخن جامد بس عداد الحراره مبيوصلش للنص بس انا مجربتش اشغل التكييف علشان عايز يتشحن و خايف المشكله تزيد لما اصلح و اشغل التكييف

غسلت الريداتير و حطيت ميا خضرا .. السخونيه قلت شويه لكن لسه برضه العربيه بتسخن .. الكهربائى بيقولى عندك مروحه ضعفت شويه و عايزا تتغير

مشكله السخونيه دى احلها ازاى

و اسف جدااااااا للاطاله و جزاكم الله خيرا

المشاركة الأصلية كتبت بواسطة mohamed_alex

الف شكر يا دكتور ضياء على ردك
انا روحت للكهربائى و فك المارش و قالى انه نضفه و انه مش محتاج يغير اى حاجة لا شربون ولا ترس
و بعدها بيومين المشاكله رجعت تانى و التأخير بيزيد

شكرا يا زعيم على ردك
معلش طيب اتأكد من موضوع الرشاشات ده ازاى و على فكره انا غيرت مروحه الريداتير و لسه العربيه برضه بتسخن :(

استاذى انتا بتقول العربيه بتسخن جامد بس مؤشر الحرارة مبيوصلش للنص طيب ما الطبيعى بتاع العربيه انه يبقى اقل من النص بشوية اللى هى درجة حرارة حوالى 90 ازاى بقى حاسس انها بتسخن زيادة