من البساتين الى المقطم

**zoza55** · 29-07-2010 02:16 PM

شارى سيا رة مرور المقطم وعايز انقلها الى مرور الزقازيق والمطلوب اعرف ازاى اروح نيابة مرور البساتين لاحضار شهادة مخالفات للسياره وكمان عايز اعرف مكان مرور المقطم علشان احضار شهادة بيانات للسيارة ارجوا شرح كيفية الوصول بالتفصيل سواء مواصلات او بالسيلرة

**ahmedhilmy** · 30-07-2010 01:32 AM

حضرتك هتروح منين علشان نعرف نوصف؟

**zoza55** · 07-08-2010 11:08 PM

من الزقازيق

**bassem.naguib** · 08-08-2010 11:40 AM

في البداية أنا مش عارف حتكون جاي من أنهي طريق بالظبط .. بس حشرح ليك أماكن الوحدات المرورية دي لو أنت عارف القاهرة كويس.

أولاً : علشان تروح مرور البساتين (ربنا يكون في عونك) حتاخد الأتوستراد في الأتجاه المتجه ناحية 15 مايو .. وحتعدي مجزر البساتين (حيكون على أيدك اليمين) وبعديه بحوالي كيلو أو كيلو ونص حتلاقي وحدة مرور البساتين أسفل كوبري الطريق الدائري .

ثانياً: علشان تروح مرور المقطم .. حتطلع على طريق صلاح سالم (في اتجاه المطار) وحتخش طريق المقطم .. وبعد ما تطلع المقطم تسأل على شارع 9 .. حتمشي فيه حوالي 5 كيلو وتسأل على قسم شرطة المقطم .. ووحدة المرور في نفس مبنى القسم