الموضوع: ماكنة حلاقة جديدة من جيليت !

المشاركة الأصلية كتبت بواسطة shnory

هي ليه الناس معترضين علي حلاقه الدقن؟؟؟؟؟؟؟؟؟
ولا هو اعتراض وخلاص وعلشان نعرف ان فيه ناس متدينين اكتر مننا وبيربوا دقنهم سنه
ولا ربايه الدقن حتعز الاسلام
ولا حلاقه الدقن حتقلل منه

بالظبط كدة كل حاجة لازم يدخل الدين فيها علشان يعرفهك ان هو راجل تقى ومش بيفارق سجادة الصلاة

نفسى اعرف اية حكم الدين فى الى بيتظاهر بايمانة وعايز يعرف الناس انة تقى؟
ياخوفى يايكون زى الى بيروح يحج علشان الناس تقولة ياحاج ويسافر وماياخد اى حسنة ولا اكنة سافر

أنا بعتذر لصاحب الموضوع أنى هخرج عن الموضوع شويه
أنا مش عارف بصراحه الناس معترضين على أيه
يعنى هى الذقن مش سنه على اقل تقدير
وايه عرفكم نيه الراجل الى بيتكلم أنه عاوز يتمنظر عليكم
خلاص مفيش حسن ظن بالناس
يعنى مفيش اى احتمال أنه عاوز يذكر بجد وينصح لوجه الله
ولا كل الناس خلاص بقت عاوزه تتمنظر والسلام ومفيش حد بيعمل حاجه لوجه الله
أنا لا مربى ذقنى ولا عمرى ربتها عشان محدش يقول على أنى داخل اتمنظر واعمل متدين
ودخلت على الموضوع فى اوله ورديت عادى يمكن ثالث واحد ارد
بس السلخ الى نزل على الراجل معرفش سببه أيه هو عمل جريمه هو ما خرجش عن الموضوع ولا حاجه رأيه أن احسن حاجه لحلاقه الدقن أنك تسيبها ... ما ده صحيح .... ريحت نفسك وسنه
المشكله هتبقى فى الشغل او فى مشاكل مع الأمن ... الخ
كمان وحتى لو غلط هو مكفرش
هو اختار وقال رأيه .. وما غلطش فى حد ... واتكلم بكل ادب

المشاركة الأصلية كتبت بواسطة shnory

يا سيدي الفاضل
ردودنا مش موجه لشخص معين علي قد ماهي موجهه لفكر موجود ومنتشر
الا وهو ان كل موضوع مهما كانت درجه شرعيته وان كان لا يمت للدين بصله
لازم تلاقي حد بيقول راي معارض او مخالف
مهما كان الراي ده صح
بس مش مكانه الموضوع ده
صاحب الموضوع دخل وقال ان فيه ماكينه حلاقه جديده
دخلت ناس للتذكير بان حلاقه الدقن فيها كلام في الشرع (انا مشفتش الفيديوهات ولا سمعتها ولا اعرف هي بتتكلم علي ايه)
المشكله ان فعليا جزء كبير من المواضيع لازم يدخلها اراء دينيه حتي لو مكانش مكانها ولا زمانها
واحد يقول عاوز اعمل فرحي تلاقي اللي بيرد عليه ويقوله اطلع عمره بالفلوس
كريم يعمل موضوع تكييفات مساعده لجامع تلاقي الي بيقوله طيب ما نلم تبرعات للايتام
تلم للايتام تلاقي اللي داخل يقولك نستر ميت
تستر ميت
تلاقي اللي بيقولك نسد ديون واحد حي اولي من الميت
ناقص اقول وقعت وانا طالع علي السلم الاقي الي بيقولي علشان مقولتش بسم الله وانت طالع
فيه طريقه للنصح
وطريقه للدعوه
وطريقه للتقويم
وكلهم طرق ليست منفره
اللي عاوز ينصحنا ييسر علينا ولا يعسر
ينصح بود ورحمه مش بسكين تقطع سياق الكلام في اوجه وتنفر الناس من النصيحه
فيه فرق لما حد يقول لواحد قوم صلي علشان متتحرقش في جهنم مع الزاني والسكير وتبقي زيك زي الكفار
وواحد يقول قوم صلي معايا علشان ناخد ثواب الجماعه وتعمر بيت الله بدخولك

اتمني تكون وجهه نظري وصلت لحضرتك من غير ما يكون فيها حاجه زعلتك

+9999999999

يعني ايه " انتا بتحلق دقنك ليه " دي انا مش فاهمها ؟؟؟؟؟؟؟؟؟!!!!

وايه الي دخل حكم اللحية فالموضوع؟؟؟

وليه المشرف مش بيدخل؟؟


بصراحة الجيليت فيكتور دي ازبل من الزبالة

انا بستخدم الماك 3 الباور حلوة اوي

واحده واحدة عليا يا شنوري باشا ( مع اني عارف انك ما بتحبش كلمة باشا دي عشان تواضعك)
الموضوع وما فيه اني رديت علي موضوع زي كتير من مواضيع المنتدي
ورديت علي اخواتي اللي قاعد معاهم طول النهار
انا مش جاي اتمنظر علي حد اني ملتحي
ومش جاي اقول انتو حرام وانا حلال
حضرتك رديت وقولت انك بستعمل ماكنة كذا وغيرك قال ان بيفضل ماكنة كذا واخر قال انه بيفضل ماكنة تالتة غيرهم وانا دخلت ورديت

المشاركة الأصلية كتبت بواسطة ahmad5997

الحمد لله اطلقت لحيتي وريحت دماغي من العذاب ده

لم انطق بكلمة حلال ام حرام
لم انطق واقول سنة ام فرض
ثم وجدت منها فرصة لتذكير اخوتي فوضعت اللينكات لمن اراد
عايز تشوف اللحية وهل هي سنة ام فرض هل هي حلال ام حرام حطيت اللينكات بتاعة المشايخ الكبار تقدروا تشوفها
ثم اعتذرت لصاحب الموضوع

المشاركة الأصلية كتبت بواسطة ahmad5997

واسف لصاحب الموضوع بس لقيتها فرصة لتذكير الناس

لماذا كل هذا الهجوم
هو انا قولت حاجة غلط
هو انا طلبت من احدكم شيئا عشان تقولوا اني بتمنظر عليكو اني ملتحي