تعمل ايه لو لقيت منتدى نايل موتورز اتقفل ؟؟؟

**ahmad5997** · 30-07-2010 10:45 AM

المشاركة الأصلية كتبت بواسطة ahmed a.maksoud

بس عموماً لو المنتدى قفل بجد يبقى أحنا نعمل مظاهرة تحت بيت كريم منير و نطالب برأسه :)

برأسه بس ؟
دي هتبقي مظاهرة برأسه وايده ورجلة

**ashrafsadany** · 30-07-2010 11:05 AM

المشاركة الأصلية كتبت بواسطة kareemz

أنا أحب أقول ان الشركات اللى بتشغلنا بتدفع لنا فلوس عشان نشتغل وده احنا ماضيين عليه فى عقود العمل .. بتاخد س من الفلوس عشان تشتغل ص من الساعات .. و فى ساعه مثلا للأكل و الصلاة و الراحه و الترفيه.

يا ريت كلنا نحاول وقت الترفية ميزدش عن الوقت المسموح بيه .. عشان ربنا يبارك لنا فى فلوسنا.

بارك الله فيك يا اخى

**mrwho1982** · 30-07-2010 11:27 AM

هاكلم استاذ كريم واعرف في ايه ونحاول نقوم المنتدي من تاني ونحاول نلم الشمل

بس ان شاء الله مش هاتحصل حاجة زي دي

**2faster** · 30-07-2010 04:26 PM

حصلت معايا

ايوة

جيت الصبح افنح المنتدي مش راضي يفتح

الشيطان لعب في دماغي وقولت اتاكد جربت افتح كل المواقع اللي اعرفها كلها فتح

الله امال فيه ايه

الحل ايه رحت

لصديق عمري محمود ( محدش فيكم يعرفة ههههه)

من غير ما اسلم عليه رحت فاتح

الموقع

والمفجاة

الموقع فتح

الحمد لله كان حيجيلي جنااااااااااااان

اتضح ان الجهاز بتاعي مكنش راضي يفتح نايل موتورز

مش عااااااااارف ليه

بس كان يوم

كنت حاسس ان الدنيا كلها اسودت في وشي

**omar-saad** · 30-07-2010 04:34 PM

يالهوى
المنتدى يقفل................
وانا اروح فين بقى بعد كدة!!!!!!!!!!!!!

دانا ماليش غيرة

**kono** · 30-07-2010 05:23 PM

المشاركة الأصلية كتبت بواسطة abouleila

استاذى الفاضل للتصحيح انا لم اقول بطريقه مباشرة او غير مباشرة اننا نجمع فلوس .

منتجات نايل موتورز اقدر اقلك بكل ثقه هامش الربح فيها قليل جدا جدا جدا لانى انا شغال فى نفس المجال واعرف التكلفه كويس .

فين الاعلانات المدفوعه اللى حضرتك بتتكلم عليها 10 او 20 اعلان تفتكر دول يقدرو يغطو المصاريف .
الفكرة مش فلوس بقدر ما شى ايجابى مننا نعبر بيه عن حبنا للمكان ده .

حضرتك انا مقولتش انك قولت نجمع فلوس
بس انا بتكلم عن الفكرة عموما
والحقيقة انا معرفش ان دخل الاعلانات والمطبوعات ضعيف
وياريت لو نقد نعمل اى حاجة ايجابية تفيد المنتدى

**Karim_Monir** · 30-07-2010 05:52 PM

زي مايكون قلبك حاسس ودعواتك نعدي من التحدي الصعب اللي بنواجه حاليا على خير

اشكرك اخي ابو ليلى على التفكير الاكثر من رائع في الوقت الاكثر من حرج من عمر المنتدى(اعذروني بدون تفاصيل)

فعلا المنتدى بيحتاج مجهود فوق الخرافي من كل فريق العمل القائم به
وبي اسماء اقل ما يقال عنها انها بتتفانى في خدمة المنتدى بشكل غير عادي
المشرفين وصل عددهم اكثر من 25 مشرف غير الدعم الفني والاداريين
الدعم الفني من اكبر تحديات المنتدى لانك مابتحسش الناس تشتغل قد ايه غير لو حصل ووقف او الاداء قل بطريقة ملحوظة
لكن التحدي الاكبر للدعم الفني انه بفضل شغال بدون مشاكل وده اللي نجحنا فيه بنسبة 95% بفضل الله الا لو حدثت مشاكل خارجية من السيرفر المستضيف

تكاليف المنتدى:
تكاليف المنتدى فعلا كبيرة وكتيرة ومتنوعة ورغم اننا بنستضيف عدد ويس من المعلنين الا انه بيغطي بالكاد مصاريفه واللي بيتشال جزء من عائد الاعلانات للتطوير المستمر

منتجات المنتدى هي احدى وسائل تعزيز نوع الانتماء للمنتدى اكثر من كونة وسيلة ربح لاننا بنعمل كميات قليلة ودي غير تجارية فبتكون تكلفتها عالية نسبيا وده بيقلل هامش الربح جدا

حان الوقت لدخول شركة تسويق اعلاني للمنتدى وده اللي بحاول اعمله في الفترة الحالية (دعواتكم تتم على خير)

اللي عايز يساعد المنتدى فعلا يقدر فعلا يجيب لنا معلنين جدد يزودو دخل المنتدى
ويحافظ انه مايعملش مشاكل ترهق المشرفين ولجنة فض المنازعات في التدخل وحل النزاعات وغيره من اللي بتخلي المشرفين يصلو لمرحلة نفسية سيئة ويزود العبئ عليهم
تكون نافع للمنتدى لما تفيد غيرك بكلمة او معلومة او راي صحيح
ولو معندكش نهائي تقدر تكتب تجربتك في ا يمجال معين في القسم المناسب
ولو مفيش خالص يبقي مش اقل من كلمة شكر تقولها للي افادك بالموضوع القيم وكل ماتكون عضو نشط ومشارك بيكون عدد الاعضاء النشيطين اكتر ويعلي مكانة المنتدى بين المواقع الاخرى
اللي بفضل الله نايل موتورز بقي اكبر منتدى سيارات في مصر من حيث الاعضاء والزوار والمحتوى
بالمناسبة
فاضل للمنتدى 35 الف مشاركة ويتم رقم
2 مليــــــــــــــــــــون مشاركة
وحوالي 160 الف موضوع

دعواتكم وهمتكم في رفعة المنتدى وعلو شانه اكثر
وشكرا جزيلا ابو ليلى

**ابو ليلى** · 30-07-2010 06:28 PM

المشاركة الأصلية كتبت بواسطة karim_monir

زي مايكون قلبك حاسس ودعواتك نعدي من التحدي الصعب اللي بنواجه حاليا على خير

اشكرك اخي ابو ليلى على التفكير الاكثر من رائع في الوقت الاكثر من حرج من عمر المنتدى(اعذروني بدون تفاصيل)

استاذ كريم / هذا وسام على صدرى وشرف لى ان احاول ان اساعد فى رفع شأن المنتدى للاحسن

واشكرك من كل قلبى بانك اشركتنا فى هذا التحدى ولن نخيب ظنك بأذن الله .

اعضاء نايل موتورز الكرام ماذا تنتظرون من بعد هذا الكلام هلى احسستم بالخطر ام مازال موضوعى يمثل لكم سيناريو خيالى وبعيد عن الواقع بيتنا الثانى ينادى علينا فهل نتجاهل هذا النداء ام نلبى وجبنا تجاه هذا البيت الذى طالما احتضننا .

**egypt0777** · 30-07-2010 08:30 PM

ممكن الناس تتمع على منتدى تانى زيه و كل الاعضاء حتتنقل هناك

لو تحبوا

اقلكم على اسم منتدى زى المنتدى ده بس مش مشهور ونفس تقسيمه المنتدى ده

اكيد لما يقفل كل الاعضاء حتحول عليه

-

الموضوع: تعمل ايه لو لقيت منتدى نايل موتورز اتقفل ؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ايه حقيقه اللى بيحصل بين منتدى نايل موتورز و منتدى....* موتورز بالظبط؟

نايل موتورز منتدى محترم

كل سنة و منتدى نايل موتورز طيب و عقبال 100 سنة

شكرا منتدى نايل موتورز

منتدى نايل موتورز ومشاكلك

الكلمات الدلالية لهذا الموضوع

المفضلات

المفضلات

ضوابط المشاركة