الموضوع: ناوى على نوبيرا ... شويه استفسارات بسيطه..!!

بص يا باشا انا هحكيلك على النوبيرا اللى معايا شوف يا سيدى انا كنت شارى عربيتى زيرو موديل 2006 والحمد هيا معايا لدلوقتى بدون اى مشاكل العربية سخبها ممتاز نظرا لموتورها القوى وثانيا والاهم انها فل اوبشن فيها كل الكماليات اللى اى حد بيتمناها فى عربية مع ميزة انها سعرها ممتاز بالنسبة لكماليتها ومن ناحية تانية ثباتها جميل نظرا لانها واطية نسبيا من الارض وبالنسبة لقطع الغيار فا متقلقش لانها موجودة فى كل مكان ودة طبيعى لان الدايو محقق كمية مبيعات عالية ودة ممكن تلاحظة من كم السيارات النوبيرا او الانوس اللى فى بلدنا وممن مميزات العربية كمان انها واسعة وشنطتها كبيرة ودة ميزة وكمان السواقة بتاعتها متعة وتحسسك انك راكب عربية ممتعة انا كدة اتكلمت على مميزتها هاجى للعيوب بس يا سيدى انا انصحك اولا ان لو هتجيب العربية دى اتبع الاتى حاول انك تكون انت وحدك اللى يسوقها يعنى ماتخليش اكتر من رجل تكون على العربية وثانيا خالى بالك شوية من العفشة بتاعت العربية لانها حساسة بمعنى يعنى انك ما تفكرش بالعربية او انك تشد بيها او انك تمشى كتير فى اراضى غير ممهدة او مكسرة وخصوصا بلدنا ما اروعها فى النوءر والحفر اللى موجودة يعنى ماتقلقش من موضوع العفشة دة طول ما انت محافظ عليها وبقولق وبكرر سيبك من اى كلام تسمعة من حكاية ان عيبها المقصات والجلب والكلام دة عشان متببلبش دماغك انا معايا العربية زى ما قولتلك والحمد الله ما فيش فيها اى مشاكل وفى اول والاخر العربية بتفضل حالتها طبقا لاسلوب سواقتك والقيادة بتاعتك ومحافظتك عليها بالنسبة لموضوع الصاج بتاعها هو زى اى عربية زيرو خفيف فا هو عاوز شوية انك تحافظ علية غير كدة العربية بسم الله ماشاء الله تحفة بجد اتمنى اقدر اكون جاوبت على كل النقاط بتاعتك

بصراحة العربية بالظبط زى ماقالولك مافيش غبار عليها
بس أنا أفضلك المانيوال عن الاتوماتيك عشان :
1- اتوماتيك النوبيرا بالذات أعطاله كتير
2- صيانته مكلفة
3- لو الضمان خلص وحصل حاجة لاقدر الله فى الفتيس الاتوماتيك لازم تصلحه فى التوكيل لان مافيش حد بره بيفهم كويس فى الفتيس الاتوماتيك
كل الكلام ده اتقال لى وانا بشترى العربية عشان كده جبتها مانيوال