بتستخدم انهى بنزين يعنى 80 ولا 90 ولا 92؟ ولماذا؟ :049:
عرض للطباعة
بتستخدم انهى بنزين يعنى 80 ولا 90 ولا 92؟ ولماذا؟ :049:
انا اسمع ان 80 افضل للموتسكلات ودا من صاحب محطة بنزين
80 للبايك حرااااااااااااااااااااااا اااااااااااااااااام
انا بحط 95
ده راجل اهبل و ابن تييييييييييييت
بص يا باشا
في اي عربية او موتوسيكل
عشان تعرف انت محتاج اوكتان كام يبقى تشوف معدل الانضغاط بتاع المحرك
Compression Ratio
و ده موجود في المانيوال
كل ما المعدل يعلى تحتاج اوكتان اعلى
انا مثلا معدل انضغاط المحرك عندي 9.6 : 1
لو حطيت 80 في موتور زي ده هيسقف و ده اكيد بلا شك
ليه بقى؟
مواتير البايكات الجديدة كلها و كذلك العربيات هي مواتير رباعية الأشواط
يعني ايه؟
دلوقتي السلندر بيبقى عليه صبابات valves لمخلوط البنزين و الهواء و صبابات للعادم
انا عندي صبابين بنزين و هوا و صباب عادم
اللي بيحصل ان عن طريق ال timing belt او سير الكاتينة في العربية (معرفش فيه حاجة زيها في البايك و لا مشابهة) الصبابات بتتفتح لجوة السلندر و تتقفل في اوقات معينة
ازاي:
الشوط الأول: Intake او ادخال الوقود
حالة السلندر: مفتوح (البستم على باب السلندر)
حالة الصبابات : صباب مخلوط البنزين و الهواء مفتوح
صباب العادم مغلق
و يتم فيه بخ او رش خليط البنزين و الهواء القادم من الكاربراتير او الرشاشات
الشوط الثاني: Compression او الانضغاط
حالة السلندر: جاري اغلاقه (البستم يتحرك في اتجاه داخل السلندر)
حالة الصبابات: صباب مخلوط البنزين و الهواء ينغلق مع حركة البستم (بحيث انهم ما يخبطوش في بعض) ....
صباب العادم مغلق
و يتم في هذا الشوط ضغط مخلوط الوقود و الهواء ... ليه؟ لان عشان ناخد من البنزين طاقة حركية لازم نولع فيه تحت ضغط ..... عشان ينفجر و يديني طاقة حركية
و هنا نفهم يعني ايه معامل الانضغاط ....... يعني السلندر بيضغط مخلوط البنزين و الهواء بهذا المعامل .... يعني في حالتي انا (9.6:1) يتم ضغط المخلوط الى 1/9.6 من حجمه .... يعني لو السلندر بيتبخ فيه 100 ملليلتر بنزين و هواء هينضغطوا ليصبح حجمهم 10.4 ملليلتر
الشوط الثالث: الاشعال Combustion
حالة السلندر : منغلق تماما ... ثم ينفتح تماما تحت تأثير انفجار خليط الوقود
حالة الصبابات: جميع الصبابات مغلقة
اللي بيحصل ان البوجيه بيضرب شرارة يفجر البنزين يقوم البنزين زاقق البستم على اخره يخرجه لبرة خالص .....
الشوط الرابع: Exhaust او اخراج العادم
حالة السلندر : مفتوح و ينغلق
حالة الصبابات: صبابات الوقود و الهواء مغلقة
صبابات العادم مفتوحة و تنغلق تدريجيا مع حركة البستم لمنع اصطدامهم
باختصار حصل حريق و عايزين نطرد ناتج الحرق من العادم .... بنفتح صباب العادم و نزق العادم لبرة عن طريق البستم
-----------
ليه بقى الحكاية الطويلة العريضة دي و ايه علاقتها بالاوكتان؟
البنزين فيه خاصية فيزيقية سخيفة و هي Spontaneous Detonation (الانفجار التلقائي) أو Pre-ignition detonation (الانفجار قبل الاشعال)
اي بنزين في الدنيا لو حطيته تحت ضغط معين بينفجر بدون حرارة و لا شرارة اشعال
و وجد العلماء ان ارتفاع الاوكتين بيقلل الخاصية دي او ياخرها
يعني كل ما الاوكتين نمبر يعلى .... البنزين يستحمل ضغط اكتر
طيب ايه العلاقة؟
كل ما معامل انضغاط المحرك يعلى معناها انه بيضغط البنزين اكتر
يعني بيعرضه لضغط اعلى
طيب لو انت حطيت بنزين رقمه الاوكتيني ما يستحملش انضغاط المحرك
هيحصل تسقيف
عارف يعني ايه تسقيف؟
يعني في الشوط التاني اعلاه .... البستم ماشي في مشواره للاخر عشان يضغط البنزين و بعدها الشوط التالت البوجيه يضرب يخليه ينفجر
لا ده قبل ما الشوط التاني يبتدي البنزين هينفجر و البستم هيتزق بالعافية لبرة و هو اصلا ماشي لجوة و هيزق عمود الكرنك
شفت بقى انت بتضر موتورك ازاي في الحالة دي؟
الحكم دايما لنوع البنزين بمعامل الانضغاط .... معامل الانضغاط من 9 لحد 11 لازم تحط بنزين 92 عالاقل ..... اكتر من 11 يفضل تحط 95 ..... اكتر من 12 او 13 لاااااازم 95 .... الخ
80 ده ينفع المواتير القديمة اللي معاملات انضغاطها 7 او اقل .... او الموتور كده كده مفوت فبيهرب بنزين و ما بيضغطوش بكفاءة ......
حاجة تانية
مفيش حاجة اسمها اوكتين اعلى يضر موتور
انت لو موتورك محتاج بنزين 90 و انت حطيت 92 او 95 انت مش هتضر غير محفظتك :)
يعني مفيش حاجة اسمها احسن حاجة لكذا بنزين 80 ..... لانك لو حطيت 90 مش هتضره ...... مش هيحصل حاجة غير انك هترمي فلوسك عالارض .... بس مش هتضر الموتور ابدا
[youtube]http://www.youtube.com/watch?v=_y6PS-2j2Ug&feature=related[/youtube]برافووووووووووووووووووووو وووووووووو بجد
وجالك قلب تكتب كل دا
90 وسعات 92 مش فرقة فرقها 1 ج ومبحسش بفرق خالص بين الاثنين
انا اعرف ازاى معامل الانضغات بتاع السيكل لتاعى كام علشان على اساسة احدد نوع البنزين ؟اقتباس:
الحكم دايما لنوع البنزين بمعامل الانضغاط .... معامل الانضغاط من 9 لحد 11 لازم تحط بنزين 92 عالاقل ..... اكتر من 11 يفضل تحط 95 ..... اكتر من 12 او 13 لاااااازم 95 .... الخ
80 ده ينفع المواتير القديمة اللي معاملات انضغاطها 7 او اقل .... او الموتور كده كده مفوت فبيهرب بنزين و ما بيضغطوش بكفاءة ......
لو سمحت يا استاز احمد انا معنديش كاتالوج للسيكلاقتباس:
من ال service manual
انا هقولك على بياناتة وحضرتك لو تفضلت تقولى اعمل اية من ناحية ( نوع البنزين , نوع الزيت وكميتة , واغير على كام ) لانى لسة شارية من شهرين تقريبا
الريس نوعة yamaha fzr 600 موديل 1998
برجاء المساعدة وفى انتظار الرد :11:
مبدئيا المانيوال ممكن تنزله من هنا
RapidShare: 1-CLICK Web hosting - Easy Filehosting
و الباسوورد بتاعة ال Zip file هي
pdftown.com
بالنسبة للزيت انت حاليا حاطط فيها زيت ايه عشان اقدر افيدك؟ و الموتور بيدخن دخنة بيضة (بياكل زيت) و لا لأ؟ عشان نحدد مع بعض هنحط زيت نوعه ايه و هل في اول مرة نغير هنحتاج دورة غسيل و لا لأ
بالنسبة للبنزين حضرتك معامل الانضغاط عندك 12:1 يعني تحط 92 و لو حسيت بكركرة او تصفيق (تسقيف) يبقى تحط 95 ....... 90 و 80 خارج المناقشة اصلا
بالنسبة للزيت هي بتاخد عند حضرتك 2.2 لتر في حالة الغيار العادي ...... في حالة الغيار مع الفلتر بتاخد 2.5 لتر و في حالة تصفية الزيت تماما بتحتاج 3 لتر .......
و بالنسبة للمية الخضرة هي بتاخد 2.2 لتر عند تصفية المياه تماما
بحط 92
لاني بحس سحب العربيه واستهلاكها للبنزين افضل من 90 معاه
وخايف اجرب ال95 لحسن العربيه تتعود عليه وبعد كده اقولها 92 تقولي لاماليش دعوه
92 و مبغيرش موديل البيك 2000 gsx 750 inzuma و بحط زيت كالتيكس
موضوع ممتاز جدا انا بفول 92 او 90 ال الاقيه
مية خضرا = مية الرادياتير = coolant
دورة غسيل : بعض الاحيان نحتاج لغسيل الموتور من الزيت القديم قبل وضع الزيت الجديد لمنع اختلاط زيت معدني بزيت تخليقي
و ده بيتم اننا بندلق الزيت و ندلق الزيت اللي في الفلتر و نركب الفلتر القديم و نحط زيت جديد و ندور الموتور سلانسيه لمدة نص ساعة و بعدين ندلق الزيت تاني و نرمي الفلتر ...... و نركب فلتر جديد و نحط زيت جديد .....
البنزين 80 ب 90 قرش اللتر
البنزين 90 ب 175 قرش اللتر
البنزين 92 ب 185 قرش اللتر
البنزين 95 ب 275 قرش اللتر
و الفروق زي ما قلنا حسب معدل انضغاط المحرك
احمد يفهم فى اى حاجة معقدة بالنسبة لينا تيجى تقولوا يقولك دى كذه ودى كذه .........بص احمد عايز قاعده انما على النت هيكتبلك كل المصطلحات بالانجلش وترجم انتا بقى يا كبير
ماشى ياعم خالد
معلومات مفيده جدا يا استاز كمال وجديده متشكر جدا
البايك بتاعتي معدل انضغاتها 9 ± 0,5 : 1عاوز اعرف البنزين المناسب ليها واكون شاكر ليكم
بحط بنزين 95 وساعات 98 علي سبيل التجربة
طيب ليه انا عندي معدل الانضغاط عالي 12:8:1 وفي نفس الوقت السيرفس مانيوال بيقول بنزين 89 او اعلي انا محتار في الكلام ده بصراحه وفي اغلب المنتديات الاجنبيه الي يقول 91 والي يقول 89 وانا شخصيا محتار في الكلام ده عموما انا بحط 92 ورغم انه قليل في المكان الي انا موجود فيه ولكن ماشي معاي ممتاز وعاوز اجرب مره ال 90 واشوف ايه الي يحصل وفي نفس الوقت خايف علي الموتسيكل
ناصر
الموتوسيكل اللى فى الصورة دا بتاعك
اللهم صلى على النبى جميل جدا اول مرة اقتنع بسوزوكى اصلا على العموم ماتعمل تقرير
الشكمان اللى فية فظيع اوعى تكون انت اللى راكب الموتسكل دة هههههههههه
السلام عليكم
كنت بفكر اشتري متوسيكل طبعا معرفش اسامي او اسعار بس يكون في حدود 20 الف فهل فيه في الحدود ايه و عايز اشوف صور ليه بس المهم يكون فانوس واحد من قدام مش 2 يعني بشوف اشكال تحفة الصراحة يا ريت تساعدوني و لو تكرمتم يبقي بالصور كمان
معلومات رائعه ...
ههههههههههه وممكن تخلي اللتر ده لما تكون العربيه ولا البايك مغمي عليها وتشممها شويه بدال ما تشممها بصله :C_laugh[1]:
علي فكره في الكويت البنزين 3 انواع
الاول الي هو العادي وده 93
والثاني خصوصي وهو 95
والثالث الي هو الترا سوبر وهو 98
وطبعا انسي موضوع ال 80 وال 90 وال 92 مفيش منه خالص :S_thum1[1]: