المشاركة الأصلية كتبت بواسطة amrelsaqqa
هههههههههههه ياه يا سحس
هو انا اقوللك كلمة تروح تعملها موضوع بسرعة كدة
انا هرد انا واقولك تقول ايه
تقول العيب مش في الاوبل العيب على البلد اللى مش مقدرة اي حاجة
يعنى اللى عايز يركب عربية يركب العربية اللى متوافقة مع نظام مصر و عقلية مصر و نصب مصر و طرق مصر و جمارك مصر و ضرايب مصر و بنزين مصر و صنايعية مصر
لكن طبعا الاوبل عربية محترمة بس للاسف مظلومة في مصر زيها زي عربيات تانية كتير
وده لا يعيب العربية في شيء ، الاوروبى عامة مصمم للاجواء الباردة ( عشان كدة تلاقيها مش منتشرة في الخليج ومالهاش اسم هناك خالص )ده غير ان العربيات دى عايزة مهندسين على اعلى مستوى يصلحوها ، لأن كلها كمبيوتر وحساسات ، فتصليحها بيكون اسهل ما يمكن بالنسبة للمهندس المتخصص لأن الكمبيوتر ده المفروض انه سوفت وير بيسهل اي حاجة ، لكن في نفس الوقت من رابع المستحيلات على بلية الغلبان انه يفكر يصلح اي حاجة فيها