الحقيقة انا لاحظت شوية تغيرات فى العربية اليومين دول ..غريبة شوية
سحب اقل ..rpm عالى ..صوت الموتور عالى ..رعشة ..عدم ثبات ال rpm بعد السحب ..شرقة فى الدوران على الصبح ....
قلت مابدهاش بقى رحت التوكيل و فلينا العربية و كمبيوتر و افلام ..طلع مفيش حاجة ..
و كنت لسة عامل service قريب و مغير فلاتر و بوجيهات و تشيك عام .
المهم مشيت شوية كام يوم عمال افكر يا ترى اية السبب مش عارف ...
وحتى ماكنش فى حاجة و اضحة عشان اخد رأيكوا فيها ..كل الاحتمالات مش موجودة
المهم فضلت ماشى اكلم نفسى لحد ماسمعت جرس البنزين قرب يخلص ..
سبحان الله جة فى بالى اغير البنزينة اللى بحط منها كل مرة ..لأنى بحط 95 و هو مش موجود فى كل المحطات ..و كان كويس اوى و البنزينة مشهورة جداً ..حتى انكتب عليها هنا انها كويسة اوى ..
المهم رحت و فولت 95 من بنزينة تانية ...وبعد اول شارع ..كل المشاكل و الاعراض راحت سبحان الله ....
يا جماعة لو اى حد حس بهذة الاعراض يفكر فى البنزين الاول ..و ما يمشيش يكلم نفسة يا ترى اية السبب ..
خدوا بالكوا من بنزينكوا ....و عجبى
-------------------
نرجو التدقيق فى كتابة لفظ الجلالة بطريقة صحيحة
الإدارة4