دلوقتى انتظام وانتساب بيخدوها بدون فرق
والله برضوا انا شايفها ملهاش اى لزمه انا عندى ياخدونا ويودينا طريق نصلحه ننضفه نبيض الكليه ندخل على مدرسه قديمه نبيضها نصلحها بالاشراف طبعا مع فنين عمل يكون مفيد لكن اللى بنعمله ده ملهوش اى لزمه فى راى
عرض للطباعة
يعني دلوقتي يا شباب أنا لازم أروح أقدم فيها
ولا خلاص لو مأخدتهاش عادي
علما بأن انا كنت في كلية شبه عسكرية ( الأكاديمية البحرية ) هل هتفرق معاهم في حاجة ؟
طيب سؤال لشباب تجارة عين شمس اللي اتخرجوا
هو الانتساب ليه تربية عسكرية بردو.؟؟؟؟؟
ولو معملتهاش يحصل حاجة.؟؟؟؟؟؟
موضوع التربية العسكرية ده عملي ازمة علي الفاضي :B4_592:
يعني جينا و انا و صحابي و قلنا نأخدها قبل التخرج في شهر يناير الماضي
كل واحد فيهم قال هيجيب واسطة و يطلع منها براءة
و قالولي هات واسطة بس انا مارضتش
و انا اساسا مليش جيش " و اصحابي بيحقدوا عليا " و كنت فاضي ايامها فقلت اروح مش خسران حاجة
حضور و ملتزم بالمواعيد قبلها بنصف ساعة طوال ايام الدورة
انتباه و انضباط و التزام بالزي المفروض
ماخدتش و لا مرة خصم او اي جزاء علي الكارت بتاعي
حضور محاضرات و حضرنا " علي الارض و في عز الضهر "
و جرينا كتير و صواعق و طيارات و دبابات تحت
و حد اتنين تلاتة
و في الاخر امتحان و حليته و كله كلام معلومات عسكرية عامة لا تمثل اي مشكلة بالنسبة لي
و في الاخر لما اجي اطلع اخلاء طرف من يومين الاقي نفسي راسب !!!:N_no[1]:
و كل احبابنا بتوع الواسطة " ما جوش من بلادهم اصلا" نجحوووا "هههههههه":wink:
لكن صراحة مش ندمان اني رحت انا مبسوط اني عملت الصح
الظريف ان الحاج كل يوم كان يتصل بيا في التليفون بعد ما اروح ايامها فرحان جدا اني دخلت التربية العسكرية
و شكله مضايق اني مليش جيش
و ربنا يستر و يعدي الكام سنة دول علي خير أحسن يتهور و يزبطني
أنا برضوا من الناس اللي أستفادوا من التربية العسكرية وبيقدروها
خدوا بالكم أن مش كل الناس بتدخل الجيش ، وفي حالة الحرب اللي بيشارك بس اللى دخل الجيش (الأحتياط) ، فبالتربية العسكرية المفرود تكون مُلم ببعض الأمور العسكرية اللى تأهلك للإنضمام للمقاومة الشعبية (ده بجد على فكرة ، ومحدش يقول هما درسولنا حاجه وبتاع ، أحنا أساسا مبنديهومشى فرصة وبنتريق وخلاص على أى حاجه)
بجد بجد أنا أستمتعت بالتربية العسكرية ، وأستمتعت بالطابور والمشية العسكرية ، وأستمتعت بالمحاضرات والمناقشات
التربية العسكرية تابعة للدفاع الشعبي ، أفتكاسه كده طلعت بعد الحروب اللي عدت علينا والمدنيين كانوا بيحاربوا فيها
ومعظم العساكر وصف الضباط بيروحوا بواسطة للمكان ده لأنه كله أنتخه
ومعظم الضباط بيروحو بعد مشكلة أو عزل من القيادة أو مشاكل صحية تمنعهم من القيادة
يعني كلهم مكبرين دمغهم من الجيش أصلا بس بيحبوا يرسموا شوية على المدنيين
وكل اللي بيعملوه ده مالهوش أي علاقة بالجيش غير الشكل فقط
انا خلصت ومستنى النتييجة ومشوفتش خدمه عسكرية دى خالص