رايح اسكندرية الاسبوع اللي جاي تنصحوني اروح فين؟

**AshTurbo** · 30-07-2010 03:38 PM

المعمورة دلوقتي هي الأختيار الأمثل مش زحمة نسبياً شواطيء كويسة ونظية وفي شواطيء خاصة زي شاطيء المعمورة ريزورت وممكن لما تعوز شواطي أجمل تتطلع على المنتزة جنبك في شاطيء عايدة وممكن تقعد شوية في المنتزة وترجع بليل على المعمورة تاني وهتلاقي كل حاجة أنت عاوزها هناك سينمات مطاعم محلات ملابس كل حاجة ولو حبيت أطلع برة المعمورة روح الحتة اللي تحبها وأرجع تاني المهم خدلك أسبوع دلوقتي في المعمورة هتتبسط أوي أنت والعائلة بأذن الله وأسكندرية تنور بيكم .

**محمد بلال** · 30-07-2010 03:41 PM

سؤال من واحد غريب
فين ميدان الساعة الى فى الاسكندرية والشقة غرفتين وصاله فيهبتعمل كام علشان قدامى شقة هناكبفكر اقضى اسبوع فيها

**محمد بلال** · 30-07-2010 03:43 PM

معلش الكيبورد زعلانه شوية

**Mahmud** · 30-07-2010 03:51 PM

والله اناكنت فى النخيل من حوالى اسبوعين وكانت جميله جدا هى بس شوارعها مكسره والناموس كتير اوى لكنها بخلاف كده فهى خطيره خالص.
واسعارها تقريبا 150 جنيه يزيد او يقل على حسب القرب او البعد عن البحر. بس فعلا انصحك بالنخيل وبعدين اقرب مكان الى طريق مصر اسكندريه الصحراوى
واتمنى ليك اجازه سعيده

**aliabutaleb** · 30-07-2010 04:04 PM

المشاركة الأصلية كتبت بواسطة qenacity

سؤال من واحد غريب
فين ميدان الساعة الى فى الاسكندرية والشقة غرفتين وصاله فيهبتعمل كام علشان قدامى شقة هناكبفكر اقضى اسبوع فيها

الحقيقة انا معرفش في الأسعار
بس أهم حاجة لازم اتعرفها إن دي مش منطقة مناسبة للمصيف لبعدها عن الشاطئ
لو سكنت هناك هايكون بينك وبينه ييجي ربع ساعة بالسيارة

**hemalotfy** · 30-07-2010 04:12 PM

الواحد مش عارف كان هيعمل ايه من غير المنتدى الجميل ده والاعضاء الاجمل
قررنا خلاص وناورينا على المعمورة ان شاء الله بس لي استفسار بسيط

الشقق هناك متاحة بسهوله ولا الواحد هيقعد يلف ويدور وياريت لو حد يعرف نمرة سمسار شقق هناك يبعتلي رقمه

**uubaby2000** · 30-07-2010 06:28 PM

المشاركة الأصلية كتبت بواسطة m.aligamal

طيب انا عن نفسى نازل اسكندريه برضه و على خبرتى البسيطه بيها انا هحط الاماكن الى ناوى انزلها ولو فى اى اماكن تانيه ياريت نصيحه
اولا انا نازل فى المعموره
هروح المنتزه و هروح كرنيش ميامى طبعا (خالد بن الوليد)
هروح برضه ستانلى و سان ستيفانو
هروح المنشيه و محطه الرمل
هروح بحرى و راس التين
هروح العجمى بيطاش
كارفور و جرين بلازا
طبعا الكافيهات موجوده عالكورنيش و ان كنت بحب سلطانه فى ستانلى
ممكن مارينا لو فضيت
يا ترى فى حتت تانيه تنصحونى بيها

قعدة القلعة عالفجر متتعوضش وايس كريم سلطانة

**m.aligamal** · 30-07-2010 11:03 PM

انا فعلا بحب القلعه جدا و بحب جيلاتى عزه و المنطقه دى بجد جميله غير كده و انا مروح الفجر بطلع على راس التين اجيب سمك من الحلقه بيبقى طازه و سعره احسن من حلقه ابو قير و اوقات بقا اركب الاتوبيس ابو دورين ممتع برضه